Mithumo 6:1 - Bhibhiliya Nya Guage

¹ Khu matshigu yale, tengo nya vathu va nga dzumela gu khodwa, wu di gu engedzelana litshigu ni litshigu. Gu di manega gisolo tsawani nya Vagreki va gu phela gu wugela tsawa nya Vahebheru. Kholu sifurugadzi nya tsawa nya Vagreki si di gu divadwa gikhatini nya gukabaniswe silo nya siphasedzelo.

Mithumo 6:1 Iomraidhean Croise

Joba 29:13

Gikategiso gya oyu a nga bani nari vbafuvbi ni gufa gi dita avbo gwangu, nyi tsakisa monyo nya noni.

Joba 31:16

Nya gu bani nyi bombide gu ninga giphaso gisiwana, ni gu mwendro na nyi digide noni kala yi fuvila maho khu gulila;

Dzindzimo 110:3

Vathu vago va nata dzi ningela gwago, litshigu u na somago matshari yago nya gudwane; madzaha ma nata gwago khu sigomoni kha nga hunguva yi thegago gikhati wu khugago Wuronga.

Dzindzimo 72:16

Tigoni gu na fumwe dzimbewu, dzi fenengedza kala vbatshani nya sigomo, si tala khu dzimbewu kha nga esi sa Libhanoni, avo va vbanyago madhoropani va na rumbuge kha nga mwasi wu fenengedzago thembweni.

Isaya 1:17

Hevbulani gu gira ugo gu gu gwadi, vbwetani gu gira gululama, vbedzani dzitshanisa, kawukani vatshanisi; vhikelani fanelo nya khulungu ni fanelo nya dzinoni.

Isaya 27:6

Ma nguta matshigu, avbo Jakobe a na bugago mikhamba, Israyeli a nyuga a thela wenge, a tadza tigoni gwatshavbo khu mihandro.

Jeremiya 30:19

Gu na pwala dzindzimo nya gubonge ni mikulungwane nya gutsake; nyi na va gira va velegela va tala, gima kha va na nga vbungudwa gambe; nyi na va ninga wuzundzo, gima kha va na nga theswa gambe vbavbatshi.

Ezekiyeli 22:7

Vbakari nya vathu vago, va ngu kanyisa vababe ni vamayi, va ngu tshanisa valuveli ni gu gira wudambane ga sigulungu ni vamalile.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Mithumo 11:20

Gasi vambe, va nga bani va guta khu Kipre ni Sirene, va di hongola kala Antiyokiya vaya hevbudza Ivhangeli ya Pfhumu Jesu ga Vagreki.

Mithumo 11:26

na mu mane, a di mu dzega a gu hongola naye Antiyokiya. Va khade vatshavbo gipimo nya mwaga rumba, va hengela ni libandla, va gu hevbudza gidzemo nya gikhongolo. Khiyo Antiyokiya vapizane va Jesu va nga phela guranwa pwani Vakristo.

Mithumo 11:29

Vapizane va di pwanana gu rumela silo nya guphasedzele vandruye va nga bani va gu khala Judheya, muthu ni muthu a di ninga kha nga gu manela gwaye.

Mithumo 2:41

Vale va nga hakhago magana yaye va di bhapatiswa. Litshigu lile va di bela tsawani nya vakhodwa gipimo nya magumi mararu mazana vathu.

Mithumo 2:45

va di rengisa sipeto ni dzithomba dzawe va gu kabanisela tengo wakone gu khedza khu sigaradzo nya muthu ni muthu.

Mithumo 2:47

Va di rungudza Nungungulu, va godwa khu vathu vatshavbo. Khu litshigu ni litshigu, Pfhumu a di engedzela tsawani gwawe tengo nya vale va na gu vbanyiswago.

Mithumo 4:35

va ta dzi vega migondroni ya Vapostoli, va gu kabanisela muthu ni muthu maningano ni sigaradzo saye.

Mithumo 4:4

Ambari ulo, vangi nya vale va nga pwago magana yaye, va di khodwa, va engedzela tengo nya vakhodwa, wu nga vboha gipimo nya livbandre magumi mazana (5000) vama.

Mithumo 5:14

Tsawa nya vakhodwa wu di gu engedzelana gu dandra, vama ni vanyamayi va di gu bela tsawani ga Pfhumu.

Mithumo 5:28

“Ethu hi mi himbedzedeni khu tshivba guhevbudza khu lina lolo, aholu enu mu tadzile Jerusalema khu sihevbudzo sanu, gambe mwa guvbweta gu hi ninga nandru khu gufa nya muthu yoyu.”

Mithumo 6:2

Khavbo avbo, vale nya likhumi na vavili, na va rambile libandla nya vapizane va di va embela, khavo: “Kha hi faneli ethu gu diga thumo nya gutshumayele mahungu ya Nungungulu hi phara thumo nya gukavedzele guhodza.

Mithumo 6:7

Magana ya Nungungulu ma di phalalega. Tengo nya vapizane wu di gu engedzelana khu tshivba Jerusalema. Vathu nya vangi ngudzu nya tsawa nya vaphasi nya mhamba va di dzumela gukhodwa.

Mithumo 9:29

A di bhula ni gu ganedzisana ni Vajudha nya guganele Gigereki, gasi avo va di gu luga mano nya gu mu songe.

Mithumo 9:39

Pedro a di dzegela gu khuga a gu hongola navo. Na vbohide, va di mu yisa nyumbani ga vbatshani; dzinoni dzatshavbo dzi di hidzimela vbafuvbi gwaye, dzi mu yeyedza dzingandzu ni myendra a nga sonago Tabhita, na nga gu vbanya navo.

Mithumo 9:41

Pedro a di mu phara khu mandza, a mu phasa gu khuga a ema. Khavbo avbo, a di rana sihathwa ni dzinoni a va ninga muthu wawe na gu vbanya.

Varoma 12:7

Oyu a gu ni giningwa nya guthumele vakwawe, a na va thumele; oyu a ningidwego guhevbudza, a na hevbudze;

1 Vakorinto 10:10

Mu nga ganedzi, kha nga va nga gira vambe, va gu mbemba khu gufa.

2 Vakorinto 11:22

Avo Vahebheru nya tumbunugo? Eni neni! Avo Lihundzu la Abrahama? Eni neni!

Dhewuteronome 26:12

Khu mwaga nya wuraru, a gu mwaga nya miningelo nya gipandre nya likhumi, avbo u na vbedzago gu kabanisa miningelo yatshavbo nya likhumi, khavbo avbo, u na yi ningela ga va na Levhi, muluveli, khulungu ni malile, gasi va hodza navo va khura umo nya lidhoropa lago.

Vafilipi 3:5

Kholu eni nyi hanide wugwera khu litshigu nya livbandre na mararu nya guvelegwe gwangu; nyi Mujudha nya mavelego nya lihundzu la Bhejami; nyi gyanana nya Vahebheru. Ha gu khedza khu gulandra Nayo, eni nyi diri Mufarisi;

1 Thimoti 5:3

Sayisa dzinoni dzi gu mwalo wawe nya gusayiswe khuye.

1 Thimoti 5:9

Noni yi vbwetago gu bela tsawani nya dzinoni, gu vbwetega na yiri ni livbandre na limwedo magumi myaga, na yi vbanyide gwadi ni mwama waye.

Vahebheru 13:1

Simamani mu haladzana khu gyanu kha nga va na ndruye ni ndruye.

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.

Jakobe 4:5

Mwa gu alakanya gukhenu Milowo nya Guage ya gu ganela mahala, yi gu, khiyo: “Ina Liphuvbo li vbanyago milini gwathu, Nungungulu a di li gira khu wufu, gani?”

Jakobe 5:9

Vandriyangu, mu nga ganedzisani khu gyanu, gasi mu si lamudwi. Wonani nya gukhenu Mulamuli womo vbamwanyatunu.