Mithumo 5:9 - Bhibhiliya Nya Guage

⁹ Pedro a di engedza a ganela, khuye: “Khu ginani mu nga pwananago mufela gu pfhadza Liphuvbo la Pfhumu? Yingisa, mwanyatunu, sikingo sa vale va wuyago khiyo va ngaya dzinga mwama wago. Va na gu rwala nuwe.”

Mithumo 5:9 Iomraidhean Croise

Genesi 20:13

Avbo Nungungulu a nyi dzegidego a nyi gira mulegalegi hwindzo ni valongo vangu, eni nyi di embela mwangadzi wangu, kheni: U na nyi girela wuhindzi nya gu ni wevbini wulanga hi na vbohago, uwe u na khuwe eni nyi ndriyago.”

2 Dzipfhumu 6:32

Elizewu a di khade nyumbani gwaye gumogo ni madhota. Mufumeli a di rumela moyo nya sithumi saye aholu na wu si gu vbohi mwango, Elizewu a di embela madhota, khuye: “Kha mu dziti nya gukhenu mwamana wa gighevenga rumede muthu nya gukari gasi guta nyi pila hungo, gani? Mu ngupwani, wa gu vboha mwango, segani lidimba, mu rindrividzeni khu lidimba a duga vbavbandze, kha mu sipwi sikingo sa mufumeli waye a mu landrago khu hwane gwaye?”

Dzindzimo 50:18

Uwe wa gu wona mbafa wa gu ya hengela nayo u thangana wupari ni sibhayi.

Dzindzimo 78:56

Ambari ulo, va na Israyeli va di tiya gu wugela Pfhumu Nungungulu, va mu linga, va si yingeli milayo yaye.

Ekisodha 17:2

Vathu va di wugela Mosi, khavo: “Hi ninge mati hi sele.” Mosi a di va hakha, khuye: “Khu ginani mu wugelago eni? Khu ginani mu lingago Pfhumu Nungungulu?”

Ekisodha 17:7

Mosi a di rana wulanga wule khuye Masaha ni Meribha, khu kotani nya gu ganedze ga sanana sa Israyeli, ni olu va nga lingago Pfhumu Nungungulu, khavo: “Ina Pfhumu Nungungulu womo mwendro mwalo vbakari gwathu?”

Mavingu 11:21

Muthu nya guvivbedwe khu monyo, gima kha na vbuluga gu mana tsayiso, aholu livelego la va nya gululama, li na vbuluga.

Mavingu 16:5

Pfhumu Nungungulu a ngu vengana ni va nya matshandza, vathu vovo gima kha va na vbuluga.

Mikeya 7:3

Mandza yawe ma dzi emisede gasi gu gira guvivba; vathangeli va gu lomba siningwa, mulamuli a gu dzumela gu rengeledwa, va nya guthavisega va gu ganela khu manavelo ya monyoni gwawe, khu magirelo yaya, vatshavbo vadzuwungeli.

Mitengo 14:22

mwalo ni moyo ga vathu vatshavbo va wonidego wudhumo wangu, ni sisamadziso nyi giridego tigoni ga Egipito ni giwulani, aholu va nyi lingidego likhumi dzinyondro, va si yingisi lito langu;

Matewu 4:7

Jesu a di mu embela, khuye: “Gu lovidwe gambe gupwani: U nga lingi Pfhumu Nungungulu wago!”

Luka 16:2

Mune ndranga a di rana muthangeli a mu wudzisa, khuye: ‘Nyi ngupwa vathu nya vangi na va gu regera khuwe. Gasi mahungu muni? Nyi yeyedze mithumo u giridego, kholu nya guvbweta gu gu dusa thumoni.’

Mithumo 15:10

Khu ginani olu mu vbwetago gu linga Nungungulu khu gu rwega vapizane pingwi nya gu ambari vababe vathu ni ethu kha wu hi vbevbugeli gu wu rwala?

Mithumo 5:6

Ma di khuga madzaha ma fenengedza girumbi gyaye, ma duga nagyo ma ya dzinga.

Varoma 10:15

A na hongodzisa guwani muthu nya guya va tivisa, a gumba rumedwa? Kha nga gu ganedwago umo nya Milowo nya Guage, gupwani: “Gu ngu tshamba ngudzu gu wona gu vboha ga vale va hi reselago Mahungu nya Yadi.”

Varoma 3:19

Ethu hi ngu dziti nya gukhethu satshavbo esi si rumwago khu Nayo sa gu lumba basi avo va fumedwago khu nayo yoyo, gasi gu degudza magana yatshavbo, ni gu litigo latshavbo li dzipwe liri ni nandru mbeli gwa Nungungulu.

1 Vakorinto 10:9

Hi nga lingi Pfhumu kha nga edzi va nga girago vambe, va ngafa khu guhodzwa khu dzinyoga.