Mithumo 5:5 - Bhibhiliya Nya Guage

⁵ Na pwide magana yaya Ananiya a di thega vbavbatshi a sala afa. Khavbo avbo, vatshavbo va nga mapwago mahungu yaya, va di khala hwanga.

Mithumo 5:5 Iomraidhean Croise

2 Dzipfhumu 2:24

A di thendregedza a khedza hwane, a di si wona a si vala linani ga Pfhumu Nungungulu; khavbo avbo, gu di duga khu khabini sirengo sivili nya sikankanka si ta vbadzulela magumana na sivili nya sikhwathana sile.

1 Dzikoronika 13:12

Khu litshigu lolo, a di taledwa khu hwanga a thava Nungungulu, khuye: “Nyi na kodza kharini gu hakha Ngasa ya Nungungulu nyumbani gwangu.”

1 Dzikoronika 15:13

Khu guralo, olu guhegulani mu ngamba manegani, Pfhumu Nungungulu wathu a hi vetide, kholu kha ha landrisa sileletelo a hi leletedego.”

Dzindzimo 119:120

Mili wangu wu ngu ndrendremela mbeli gwago khu gu gu thava, khu kotani nya guthave milayo yago. Ain

Dzindzimo 64:9

Vathu vatshavbo va na thava, va huwelela mithumo ya Nungungulu, va pima esi a thumago.

Jeremiya 5:14

Khu guralo, Pfhumu Nungungulu nya Tshivba Yatshavbo a ngu ganela kharati, khuye: “Kha nga olu mu ganedego isoso, eni nyi na vbindrugedza magana yangu ma khala nilo ni vathu vava nyi na va gira dzikhuni ni nilo va na gu vbiswago khuwo.”

Ezekiyeli 11:13

Gikhati eni nyi nga bani nyi profeta, Pelatiya, mwamana wa Bhenaya, a difa. Khavbo avbo, nyi di khidzima nyi kuha mafu khu khovbe, nyi lila khu lito nya gukhugege, kheni: “Ah! Mune Pfhumu Nungungulu! Ina u na mbembisa mitshaledwa yatshavbo ya Israyeli, gani?”

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Mithumo 13:11

U ngu wona, Pfhumu a na khusa gyandza gyaye a gu veta. U na khala gikhumu ndrani nya gikhatinyana, nyamba wona safa nya lidambo.” Khu gikhati gyogyo gu di phuma, gu manega gidema mahoni gwaye. A di gimbila khu gu phuphuthela a vbweta muthu nya gu mu phare kunga.

Mithumo 2:43

Githawo gi diri gingi myonyoni ga vatshavbo, kholu a diri singi sisamadziso ni siwonegiso si nga bani si gu girwa khu Vapostoli.

Mithumo 5:13

Aholu vambe vathu va di si tiyeli gu patana navo; ambari ulo, vathu va di gu va rungudza ngudzu.

1 Vakorinto 4:21

Ginani mu hathago: Nyita ni mboma, mwendro nyita ni monyo nya gutale khu lihaladzo ni wuwadi?

2 Vakorinto 13:10

Nya gu lova silo sesi, nyi si gu vbohi iyoyo, gasi nyi siti gira gambe khu kanu nya guta iyoyo. Pfhumu a nyi ningide tshivba, nya gu thume guvbaha, nasiri gu khungumula.

2 Vakorinto 13:2

Nyi mi embedeni gikhati nyi ngata nya guvili iyoyo, olu nyi ngu mi embela gambe. Vale va nga gira sihoso, ni vambe gambe, va na khale na va gudziti gukhavo, gikhati nyi na gu tago, kha nyi nata tsetselela muthu.

2 Vakorinto 7:11

Enu mu timisede wusiwana avbo mu nga tsakisani Nungungulu, wonani mihandro yakone: Nga wonani gu dzi garadza gwanu nya gungi, divalelo yanu, githawo gyanu, gusuva gwanu, gu sayisa gwanu ni gutiya gwanu gu tsayisa gighohi. Mu yeyedzide khu satshavbo sesi gukhenu mu mwalo nandru ga mahungu yaya.

Dhewuteronome 13:11

Israyeli watshavbo a na dzipwa a khala hwanga, gima kha na nga engedza gambe gu gira guvivba nya nga ugogo vbakari gwago.

Dhewuteronome 21:21

Khavbo avbo, vathu vatshavbo va dhoropani gwaye, va na gi pfara khu siwindri kala gifa; khu guralo, u na vbedza guvivba vbakari gwago; va na Israyeli vatshavbo va na sipwa va khala hwanga.

Josuwa 22:20

Ina kamwe Akani, mwamana wa Zera, kha gira gighoho khu mahungu nya silo nya gunyenyeze, gani? Pfhumu Nungungulu kha gorogela tshangano watshavbo wa na Israyeli, gani? Kholu khandruye ekha a fudego khu kotani nya gighoho gyaye!”

Gutuledwa 11:13

Gikhati gyogyo, gu di dugelela girevareva nya gikhongolo. Gipandre nya likhumi nya lidhoropa gi di pfhungumudwa. Livbandre na mavili magumi mazana (7.000) nya vathu va fude khu girevareva gyogyo. Ava va nga vbulugago va di tala khu rerema va gu dhumisa Nungungulu wa ndzadzini.

Gutuledwa 11:5

Uye a na gu vbwetago gu dzi ghohetela, a na khale na gu dziti gukhuye gu na duga nilo khu kanani gwawe, wu na gu vbedzago valala vawe. Vale va na lingago gu dzi ghohetela va na fisa guralo.