Mithumo 5:40 - Bhibhiliya Nya Guage

⁴⁰ Na va ranide vapostoli va di va kwamula va gu va laya gumba ganela gambe khu lina la Jesu. Khavbo avbo, va di va tshula.

Mithumo 5:40 Iomraidhean Croise

Mavingu 12:10

Muthu nya gululame a ngu sayisa gwadi sifuyo saye, aholu makungo ya muthu nya guvivbedwe khu monyo, khya tshanisa.

Isaya 30:10

Avo va gu embela vama nya liwoni va tugulago misihalo, khavo: “Mu nga woni gambe siwoniso!” Va embela vaprofeti, khavo: Mu nga hi gireli siphrofeto nya lisine! Aholu hi embeleni iso si na gu hi tsakisago, profetani milotelote;

Amosi 2:12

Aholu enu mu ningide vbinyu vanaziri va sela vaprofeti mu va rumani, khenu: “Mu nga profeti.”

Mikeya 2:6

Vaprofeti va di ganela, khavo: “Mu nga profeti;” avo va profetago, va nga profeti khu magirelo yoyo, kholu hi nga thegedwa khu libango.

Matewu 10:17

Gwadigwadi ni vathu! Va na mi yisani miphathani nya gulamudwe, va mi kwamula mudzinyumbani gwawe nya nombelo;

Matewu 20:19

va na mu ningela ga mahedheni va mu vala, va mu kwamula ni gu mu khokhothela vbagihambanotunu. Aholu khu litshigu nya wuraru a na wuga khu ga vafudego.”

Matewu 23:34

Khu kharato, nyi ngu mi rumelani vaprofeti, va nya guti ni vahevbudzi. Vambe mu na va songa, vambe mu va khokhothela; gasi vambe mu na va kwamula umo nya dzinyumba nya milombelo ni gu va tutumisani madhoropani gwanu gwatshavbo,

Marko 13:9

“Dzi woneleni, kholu va na mi ningela ga valamuli, mu na ya kwamudwa Dzinyumbani nya nombelo, mu yiswa ga vamwamangulu ni vafumeli khu kotani yangu, gasi gu nyi fakazani mahoni gwawe.

Luka 20:10

Vbanangotunu, a di rumela githumi gyaye ga valimi vale, gasi guya hengisa wadwa wu nga bani wu mu lumba. Aholu valimi va diya gi veta va wuya va gi tutumisa nyamba gi ninga gilo.

Mithumo 5:28

“Ethu hi mi himbedzedeni khu tshivba guhevbudza khu lina lolo, aholu enu mu tadzile Jerusalema khu sihevbudzo sanu, gambe mwa guvbweta gu hi ninga nandru khu gufa nya muthu yoyu.”

2 Vakorinto 11:24

Nyi sanisidwe livbandre dzinyondro khu Vajudha, nyi kwamudwa magumararu na livbandre na dzina dzimboma.