Mithumo 5:4 - Bhibhiliya Nya Guage

⁴ U si gu rengisi, ina gi di si gu lumbi, gani? Ahati olu u gi rengisidego khu gudzina gwago, khu ginani u nga diga gu khala ni dzitsapawu dzakone, u dzi thumisa guhaladza gwago? Khu ginani u hungidego makungo yoyo monyoni gwago? Khwa liphela vathu, u di liphela Nungungulu.”

Mithumo 5:4 Iomraidhean Croise

1 Dzikoronika 29:17

Nungungulu wangu, nyi ngu dziti gukheni, Uwe u ngu khedza myonyo ni gu gambe, U ngu salalegiswa khu gululama; khu guralo, eni neni khu gutsaka nya monyo wangu nyi ngu gu ninga silo sesi, olu nyi wonide khu gunengela iso vathu vago va guromo avba va ningedego khu gugola nya myonyo yawe.

1 Dzikoronika 29:3

Vbavbandze nya satshavbo nyi dongisedego, nya guvbahe khiso Nyumba ya Nungungulu wangu, eni nyabune nyi ngu dusa ningelo wangu nya ndralama ni parata nyi gu naso nyi ngu ningela gasi si lumba Nyumba ya Nungungulu wangu, vbavbandze ga satshavbo nyi dongisedego gu vbaha Nyumba ni Wulanga nya Guage:

1 Dzikoronika 29:5

ndralama nya gugire mikanvu nya ndralama, parata nya gugire sombo nya parata, ni ya mithumo yatshavbo ya vameseri. Khu guralo, khu mani nuye a dzinago gu ningela ga Pfhumu Nungungulu ningelo waye?”

1 Dzikoronika 29:9

Vathu va di nengela khesi va nga ningela khu gugola gwawe; kholu va di ningela miningelo yawe ga Pfhumu Nungungulu khu matsenya; mufumeli Dhavhidhe nuye a di nengela khu litsako nya likhongolo.

Joba 15:35

Va khuride mimba khu wuvivbi, va na velega gighoho, kholu khu ndrani gwawe, guduga wukanganyisi.”

Dzindzimo 139:4

Nyi si gu tuli likana langu, uwe Pfhumu Nungungulu u ngu si pima esi nyi vbwetago gu ganela.

Dzindzimo 7:14

Wonani muthu nya guvivbe, a gu vbaha guvivba a khura mimba nya manyala, a velega malipha.

Ekisodha 16:8

Mosi a di ganela gambe, khuye: “Pfhumu Nungungulu gupfolani nya lidambo a na mi ningani nyama mu hodza, dzimindrudzile, a na mi ningani guhodza mu hodza mu khura, kholu Pfhumu Nungungulu pwide gu mu bhongela gwanu. Gasi khethu vamani ethu? Enu khandri mwa gu wugela ethu; khu Pfhumu Nungungulu mu Mu wugelago.”

Ekisodha 35:29

Sanana satshavbo sa Israyeli, nya vama ni vanyamayi, va nga bani va gola khu myonyo yawe guhengela ga wevbi ni wevbi thumo owu Pfhumu Nungungulu, khu lito la Mosi, a nga khuye wu na thumwe, a di dzega miningelo yaye na tshulegide aya bikela ga Pfhumu Nungungulu.

Muhevbudzi 5:5

I tshukwana gumba dzi girela gifungo, guvbindra gu gira gifungo u si gi landrisi.

Isaya 59:4

Mwalo a ganelago gululama, mwa gu lamudwa mwalo a ganelago lisine, mwa gu dzi emisela ga iso nyamba sadi mu ganela malipha. Mwa gu khura mimba khu wuvivbi mu velega gighoho.

Ezekiyeli 38:10

Mune Pfhumu Nungungulu, a ngu ganela kharati, khuye: Ga litshigu lolo, u na pimisa silo nya gutale monyoni gwago, bwelo khavbo u luga makungo nya guvivbe.

Mitengo 16:11

Khu guralo, uwe gumogo ni tsawa wago mwa gu wugela Pfhumu Nungungulu, gani? Gasi Aroni khwa mani nya gukala mu mu lembani?”

Luka 10:16

Khu guralo, a di embela vapizane, khuye: “Uye a yingisago enu, kheni a nyi yingisago; gasi uye a nyenyago enu kheni a nyi nyenyago. Kholu wule a nyi nyenyago, a gu nyenya wule a nga nyi rumelago.”

Mithumo 5:3

Khavbo avbo, Pedro a di mu wudzisa, khuye: “Ananiya, khu ginani u nga dzumela Sathane a tadza monyo wago, u gu liphela Liphuvbo nya Guage, u gu siha dzimbe dzitsapawu u nga rengisago khidzo gipeto?

Mithumo 5:9

Pedro a di engedza a ganela, khuye: “Khu ginani mu nga pwananago mufela gu pfhadza Liphuvbo la Pfhumu? Yingisa, mwanyatunu, sikingo sa vale va wuyago khiyo va ngaya dzinga mwama wago. Va na gu rwala nuwe.”

1 Vakorinto 8:8

Guhodza khandrugo gu hi tshanganisago ni Nungungulu. Ha gumba hodza kha hi luzi gilo, ha gu hodza gambe kha hi wuyedwi khu gilo.

1 Vatesalonika 4:8

Khu guralo, oyu a si yingeligo milayo yeyi, khandri a gu yeyisa muthu, aholu, a gu yeyisa Nungungulu, a mu ningago Liphuvbo nya Guage.

Filemoni 1:14

Aholu, kha nya gola gu gira gilo nyamba hegula khu gu dzumedziswa khu uwe, gasi wuhindzi wago wu si khali wa gu gurumedzwa, aholu wu khale nya gudzine gwago.

Jakobe 1:15

Gudogolela gwa gu bela monyoni nya muthu gu khura mimba gu velega gighoho, gighoho na gi giridwe gya gu vanga gufa.

1 Samuweli 8:7

Pfhumu Nungungulu, a di phindrula Samuweli, khuye: “Yingisa gilombo gya vathu ni satshavbo va gu embelago, kholu avo kha va kanyisa uwe, aholu va di kanyisa Eni, gasi nyi si fumi vbakari gwawe.