Mithumo 5:3 - Bhibhiliya Nya Guage

³ Khavbo avbo, Pedro a di mu wudzisa, khuye: “Ananiya, khu ginani u nga dzumela Sathane a tadza monyo wago, u gu liphela Liphuvbo nya Guage, u gu siha dzimbe dzitsapawu u nga rengisago khidzo gipeto?

Mithumo 5:3 Iomraidhean Croise

Joba 22:13

Gambe u ngu ganela, khuwe: A guti ginani Nungungulu khu silo sesi? Ina a ngu kodza gu ndraga mapfhi nya gusivbale ata lamula mahungu, gani?

Mavingu 20:25

Libango ga muthu a gu tutumela gu ganela, khuye: “Nyi dzi agisede Pfhumu Nungungulu!” Nasi siti ginani gi na guta mu dugelela khu hwane nya gu bani na giride gifungo.

Muhevbudzi 5:4

Wa gu hunga gifungo ni Nungungulu, vbiredzela gu gi tadzisa, kholu Nungungulu kha tsakiswi khu vathu nya guvivbedwe khu myonyo. Khu guralo, tadzisa gisambanyo gyago.

Isaya 29:15

Libango ga vathu vale va sihago makungo yawe, va sihela Pfhumu Nungungulu, va gira mithumo yawe mugidemani, na va gu ganela, khavo: “Khu mani a na gu hi wonago, khu mani a hitigo?”

Jeremiya 23:24

Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Hoseya 11:12

Efrayimi a nyi randrede khu malipha, va na Israyeli va nyi randrela khu wudambane; aholu Judha a gu wugela Nungungulu, a wugela Gihathwa gi tumbegidego a gu tumbega basi ga vanungungulu nya malipha.

Mitengo 30:2

Muthu nya gukari a gu gira gifungo ga Pfhumu Nungungulu, mwendro gu gira gisambanyo, ni gu dzi hunga khu monyo waye, a nga tshuki a ndreyisa gifungo gyaye, fanede gu gira satshavbo a ganedego khu monyo waye.

Matewu 13:19

Muthu a gupwa mahungu nya Mufumo a si ma pimi ma gu thula ginani, a nata Sathane ata fugula iso si nga bani na si yadwe monyoni gwaye. Egi khu gipimaniso nya mbewu nya guthegele bambe nya ndzila.

Luka 22:3

Sathane a di bela khu ga Judha, a ranwago Sikarioti, a nga bani ari moyo nya vale nya likhumi na vavili.

Johane 13:2

Na vari vbakari nya gulalele, Sathane a di kutsedzela Judha Sikariyoti, mwamana wa Simoni, gasi a ningele Jesu.

Johane 13:27

Oyu, na hodzide gipandre gyogyo, a di beledwa khu Sathane. Khavbo avbo, Jesu a di mu embela, khuye: “Iso u vbwetago gu gira, gira khu guvbiredza, u nga hweli.”

Mithumo 5:2

aholu, na pwanane ni mwangadzi waye a di siha gipandre nya tengo nya dzitsapawu a nga rengisa khidzo, a gu dzega edzi dzi nga tshala a guya dzi vega migondroni ya vapostoli.

Mithumo 5:4

U si gu rengisi, ina gi di si gu lumbi, gani? Ahati olu u gi rengisidego khu gudzina gwago, khu ginani u nga diga gu khala ni dzitsapawu dzakone, u dzi thumisa guhaladza gwago? Khu ginani u hungidego makungo yoyo monyoni gwago? Khwa liphela vathu, u di liphela Nungungulu.”

Mithumo 5:9

Pedro a di engedza a ganela, khuye: “Khu ginani mu nga pwananago mufela gu pfhadza Liphuvbo la Pfhumu? Yingisa, mwanyatunu, sikingo sa vale va wuyago khiyo va ngaya dzinga mwama wago. Va na gu rwala nuwe.”

Dhewuteronome 23:21

Wa gu gira gisambanyo nya gukari ga Pfhumu Nungungulu wago, u nga hweli gu gi tadzisa; kholu khu lisine Pfhumu Nungungulu wago, kha na hwela gu gu hengula, gambe gwago gu na manega gighoho.

Jakobe 4:7

Khu guralo, yingisani Nungungulu, mu wugela Sathane, uye a na tutuma.

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.