Mithumo 5:28 - Bhibhiliya Nya Guage

²⁸ “Ethu hi mi himbedzedeni khu tshivba guhevbudza khu lina lolo, aholu enu mu tadzile Jerusalema khu sihevbudzo sanu, gambe mwa guvbweta gu hi ninga nandru khu gufa nya muthu yoyu.”

Mithumo 5:28 Iomraidhean Croise

1 Dzipfhumu 21:20

Akabi a di hakha Eliya, khuye: “Ina, olu u nyi mane, uwe nala wangu, gani?” Eliya a di hakha, khuye: “Ina nyi gu mane gambe, kholu u dzi rengiside khu gu gira esi si vivbidego mahoni ga Pfhumu Nungungulu.

1 Dzipfhumu 22:8

Khavbo avbo, Akabi, mufumeli wa Israyeli, a di embela Josafati, khuye: “Womo mumbe mwama nya gupwani khu Mikeya, mwamana wa Inila, khavbo gwaye gu ngu kodzega gu wudzisa Pfhumu Nungungulu. Aholu eni nyi ngu mu nyenya, kholu uye gima a si nyi profeteli silo nya sadi, aholu a gu nyi embela iso nya guvivbe gikhati gyatshavbo.” Josafati, a di mu embela, khuye: “U nga ganeli kharato.”

Jeremiya 26:15

Gambe dzitini gwadi nya gukhenu, mwa gu nyi songa, mu na bani mu vbaladzide novba wu gu mwalo nandru vbatshani gwanu, vbatshani nya lidhoropa leli ni vbatshani nya vavbanyi vaye; kholu Pfhumu Nungungulu a nyi rumede guta mi pwadzelani dzindzeveni gwanu yatshavbo magana yaya.

Jeremiya 38:4

Khavbo avbo, manganagana ma di embela mufumeli, khayo: “Oyu muthu a ngu yela gufa; kholu a ngu vbedza tshivba masotshwa ma tshadego dhoropani momu ni gu rerekisa mandza nya vathu vatshavbo, khu gu ganela magana nya nga aya. Kholu mwama yoyu a gu suvela guvivba litigo leli, wulangani nya gu vbwete gurula.”

Amosi 7:10

Khu guralo, Amaziya, muphasi nya mhamba wa Bheteli, a di rumela guya embela Jerobhowamo, mufumeli wa Israyeli, khuye: Amosi giride gikungo nya gu guwugele, vbakari ga va na Israyeli; litigo kha li dzi kodzi gutimisela magana yatshavbo a ganelago.

Matewu 21:44

[“Uye a na thegelago vbatshani nya giwindri gegi, a na pferuga a gu khala sipandryana, uye a na thegedwago khigyo, gi na mu kuya a gu khala kudzudzwane.”]

Matewu 27:25

Gasi gidzemo gyatshavbo gi di hakha, khigyo: “Nandru yoyo nya lufu laye wu na thegele ethu ni sanana sathu!”

Mithumo 5:40

Na va ranide vapostoli va di va kwamula va gu va laya gumba ganela gambe khu lina la Jesu. Khavbo avbo, va di va tshula.

Mithumo 7:52

Khu wevbini muprofeti wa gale v ngamba mu tutumisa vababe vanu? Va songide vale va nga hegula gutivisa lipfhumba nya gute ga muthu nya ululamenga mu danga enu mu gu mu songa.