Mithumo 5:25 - Bhibhiliya Nya Guage

²⁵ Khavbo avbo, gu di vboha muthu a nga resago mwango nya gukhuye, vama mu nga va thelani pasoni, vomo Nyumbani ga Nungungulu va hevbudza vathu.

Mithumo 5:25 Iomraidhean Croise

Dzindzimo 107:14

A di va dusa gidemani ni mwedzini nya lufu, a gu kavilela makhetshe yawe.

Jeremiya 26:2

Pfhumu Nungungulu a ngu ganela kharati, khuye: Ema likupakupani nya Nyumba ya Pfhumu Nungungulu, u embela madhoropa yatshavbo ya Judha matago mata khozela Nyumbani ga Pfhumu Nungungulu, u va embela magana yatshavbo nyi gu rumidego gukheni u va tivisa; u nga tshiyi ni limwedo nya ayo.

Dhaniyeli 3:13

Khavbo avbo, Nabhukodhonosori, a di tala khu giviti nya likhulo, a rumela guya ranisa Sadraki, Misaki ni Abhedhi-Negho va va resa mbeli ga mufumeli.

Matewu 10:18

mu na yiswa mbeli ga vafumeli ni dzipfhumwana khu kotani yangu, mufela guya fakaza mahoni gwawe ni mahoni nya mahedheni.

Johane 11:46

Aholu, vambe va diya ga Vafarisi, gasi guya va embeledzela iso a nga gira Jesu.

Mithumo 3:1

Pedro ni Johane va di gu gwela Nyumbani ga Nungungulu vaya gira nombelo nya silambo.

Mithumo 5:24

Na va pwide magana yaya, muthangeli nya Nyumba ya Nungungulu gumogo ni vakhongolo nya vaphasi nya mhamba, va di liwuga ngudzu va gu dzi wudzisa avo vamune, khavo: “Gu na bani ari ginani silo sesi.”

Mithumo 5:26

A di hongola muthangeli nya Nyumba ya Nungungulu ni dzindruna dzaye vaya va dzega nyamba va gurumedza khu tshivba, kholu va di gu thava gu pfarwa khu siwindri khu vathu.