Mithumo 5:24 - Bhibhiliya Nya Guage

²⁴ Na va pwide magana yaya, muthangeli nya Nyumba ya Nungungulu gumogo ni vakhongolo nya vaphasi nya mhamba, va di liwuga ngudzu va gu dzi wudzisa avo vamune, khavo: “Gu na bani ari ginani silo sesi.”

Mithumo 5:24 Iomraidhean Croise

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Luka 22:4

A diya ganela ni vaphasi, gumogo ni dzindruna va hevbula mano nya guningele khayo Jesu.

Luka 22:52

Khavbo avbo, Jesu a di embela lidhuma latshavbo li nga yago gasi guya mu mola: Vakhongolo nya vaphasi, vathangeli nya Nyumba ya Nungungulu ni madhota, khuye: “Mu di donga matshari ni sighomba khwatshi mwa guta mola gighevenga!

Johane 12:19

Vafarisi va di embeledzelana, khavo: “Mu ngu wonani nya gukhenu gimwalo gilo nya gugire! Vathu vatshavbo va gu landra uye.”

Mithumo 2:12

Vathu vatshavbo va di liwuga, khavo: “Nari silo muni esi hi si wonago?”

Mithumo 4:1

Na va gu ganela vbakari nya vathu, va di vboha vaphasi nya mhamba, ni muthangeli nya Nyumba ya Nungungulu, ni vasadhusi.

Mithumo 4:21

Kha nga va nga hamugago nandru nya gu va tsayise khuwo, va di engedzela gu va thusedzela, va gu va tshula khu gu thava vathu, kholu vathu vatshavbo va di gu rungudza Nungungulu khu iso si nga giregago.

Mithumo 5:23

“Hi di ya mana malimba na ma khothidwe gwadi, masotshwa mari malangani yawe, aholu, na hi tude, kha ha mana muthu.”

Mithumo 5:25

Khavbo avbo, gu di vboha muthu a nga resago mwango nya gukhuye, vama mu nga va thelani pasoni, vomo Nyumbani ga Nungungulu va hevbudza vathu.

Mithumo 5:26

A di hongola muthangeli nya Nyumba ya Nungungulu ni dzindruna dzaye vaya va dzega nyamba va gurumedza khu tshivba, kholu va di gu thava gu pfarwa khu siwindri khu vathu.