Mithumo 5:20 - Bhibhiliya Nya Guage

²⁰ “Indrani Nyumbani ga Nungungulu mu ya tshumayela vathu khu mavbanyelo yaya nya maphya.”

Mithumo 5:20 Iomraidhean Croise

Ekisodha 24:3

Mosi a di wuya a ta embeledzela vathu magana yatshavbo a nga ganelago Pfhumu Nungungulu, ni sileletelo satshavbo; vathu va di hakha khu lito limwedo, khavo: “Ethu hi na landrisa magana yatshavbo aya a ganedego Pfhumu Nungungulu.”

Isaya 58:1

Womba gimima khu lito nya gukhugege, nyamba garala! Lito lago li na dzume kha nga pundru. Thuledza nandru wa vathu vangu, ni sighoho si girwago khu sanana sa Jakobe.

Jeremiya 26:2

Pfhumu Nungungulu a ngu ganela kharati, khuye: Ema likupakupani nya Nyumba ya Pfhumu Nungungulu, u embela madhoropa yatshavbo ya Judha matago mata khozela Nyumbani ga Pfhumu Nungungulu, u va embela magana yatshavbo nyi gu rumidego gukheni u va tivisa; u nga tshiyi ni limwedo nya ayo.

Jeremiya 36:10

Bharuki a di hevbulela vathu vatshavbo magana ya Jeremiya a nga bani a ma lovide libhukuni mule, Nyumbani ga Pfhumu Nungungulu, umo nya muhubhe wa Gemariya, mwamana wa mulovi Safani, umo nya likupakupa nya likhongolo, vbanyangwatunu nya Lidimba nya Liphya la Nyumbani ga Pfhumu Nungungulu, dzindzeveni ga vathu vatshavbo.

Jeremiya 7:2

Indra ema nyangwani nya Nyumba ya Pfhumu Nungungulu, u ya huwelela avbo magana yaya, khuwe: Upwani magana ya Pfhumu Nungungulu enu va na Judha ni enu mwatshavbo mu belago khu dzinyangwa dzedzi gasi guya khozela Pfhumu Nungungulu;

Ezekiyeli 33:7

Khu guralo, eni nyi gu emiside uwe mwamana wa muthu, gasi gu khala muwoneleli nya ndranga ya Israyeli; khu guralo, uwe yingisa magana ma dugago khu kanani gwangu u va tivisa khu gipandre gyangu.

Matewu 10:27

Iso nyi mi embelago mugidemani, si tiviseni safani nya mihani; niso muyago khu gu lembedwa, si pwadzeni khu vbatshani nya dzinyumba.

Matewu 21:23

Avbo Jesu a nga vboha Nyumbani ga Nungungulu, nari vbakari nya guhevbudze a dita randredwa khu vakhongolo nya vaphasi nya mhamba ni madhota vaya, khavo: “Wa gu yi mana hayi tshivba nya gugire esi? Khu mani a nga gu ninga tshivba yoyo?”

Johane 12:50

Eni nyi ngu dziti gukheni nayo waye guvbanya nya gupindruge. Khu kharato, esi nyi ganelago, nya gu landrisa magana ya Babe wangu.”

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Johane 17:8

kholu, na nyi va embede mahungu u nyi ningidego, va di ma hakha, va gu khodwa nya gukhavo khu lisine nyi dzude khiyo gwago, ni gukhavo khuwe u nyi rumedego.

Johane 18:20

Jesu a di mu hakha, khuye: “Nyi ganede tigoni nyamba siha gilo; nyi hevbudzide gikhati gyatshavbo ndrani nya Nyumba nya nombelo ni Nyumbani ya Nungungulu, umo va tshanganelago umo Vajudha vatshavbo, gimwalo nyi nga ganelago khu gisihaledza.

Johane 6:63

Liphuvbo khilo li ningago guvbanya, gasi givili kha gi phasi gilo. Magana nyi mi embedego Liphuvbo ni guvbanya.

Johane 6:68

Simoni Pedro a di phindrula, khuye: “Hi naya ga mani, Pfhumu? Olu a gu uwe u gu ni magana nya guvbanye nya gupindruge!

Mithumo 11:14

Uye a na ta gu embela mahungu u na gu vbanyiswago khayo uwe ni ndranga yago yatshavbo.’

Mithumo 13:26

“Vandruye, mu gu sanana nya melego wa Abrahama, ni ava va guromo vbakari gwanu, va ningago githawo Nungungulu, mahungu yaya nya guvbanyise ma gu rumedwa avbo gwathu.