Mithumo 5:2 - Bhibhiliya Nya Guage

² aholu, na pwanane ni mwangadzi waye a di siha gipandre nya tengo nya dzitsapawu a nga rengisa khidzo, a gu dzega edzi dzi nga tshala a guya dzi vega migondroni ya vapostoli.

Mithumo 5:2 Iomraidhean Croise

Malakiya 1:14

Kholu libango ga muthu nya mukanganyisi a pimisago gu nyi luva khu girengo nya gyadi gya tshambini gwaye, aholu a tumbisa guluva Pfhumu Nungungulu khu girengo nya guhase; kholu eni kheni Pfhumu nya Yikhongolo, a ngu ganela Pfhumu Nungungulu nya Tshivba Yatshavbo, lina langu li ngu ningwa githawo vbakari nya mayigo.

Matewu 23:5

Satshavbo va girago, va gufela gu wonwa khu vathu. Khu kharato va gu gudzisela mikeka nya milayo va hungago vbagiwombotunu ni mawogoni va laphisa matshakafula nya dzingandzu dzawe.

Johane 12:6

Khandri a di ganela kharati khu gu thela kota khu sisiwana, aholu, khu kotani nya wuvafa waye, kholu, a diri uye muphari nya gikhwama, a di gutala guba iso si nga bani si gu thedwa umo.

Mithumo 2:44

Vakhodwa vatshavbo, va di khala dangamwedo ma gu hengela silo satshavbo;

Mithumo 4:37

Adiri ni gipeto, na gi rengisile, a di resa tengo wakone a ta vega migondroni ya Vapostoli.

Mithumo 5:1

Mwama moyo nya gupwani khu Ananiya ni mwangadzi waye Safira, a di rengisa gipeto;

Mithumo 5:3

Khavbo avbo, Pedro a di mu wudzisa, khuye: “Ananiya, khu ginani u nga dzumela Sathane a tadza monyo wago, u gu liphela Liphuvbo nya Guage, u gu siha dzimbe dzitsapawu u nga rengisago khidzo gipeto?

Mithumo 5:8

Khavbo avbo, Pedro a di mu wudzisa, khuye: “Nga nyi embela, khuye oyu tengo mu nga rengisa khuye gipeto gyanu, gani?” Uye a di hakha, khuye: “Ina, khuye.”

Vafilipi 2:3

Mu nga girini gilo khu monyo nya gudwanele gu dzi khusedza mwendro khu matshandza nya mahala, aholu, girani khu gu dzi sodzisa, mu dzi gira va nyalidede ga vathu vatshavbo.

1 Thimoti 6:10

Kholu nala nya silo satshavbo khu dzitsapawu. Khu gu fumedwa khidzo, nya vangi va digide gukhodwa vaya bela guvivbani.