Mithumo 5:18 - Bhibhiliya Nya Guage

¹⁸ va mola vapostoli va gu va thela pasoni.

Mithumo 5:18 Iomraidhean Croise

Jeremiya 37:15

Manganagana ma di tala khu giviti khu Jeremiya, va di mu veta, va mu khothela pasoni, nyumbani ga mulovi Jonatane, va nga bani va yi vbindrugedzide yi khala lipaso.

Matewu 4:12

Na pwide nya gupwani Johane khothedwe pasoni, Jesu a di bwelela Galileya;

Luka 21:12

“Aholu, guphela, si si gu wonegi satshavbo sesi, va na mi molani va mi sanisa, va mi yisa dzinyumbani nya nombelo ni gu mi khothelani mapasoni; mu na yiswa ga vafumeli khu kotani nya lina langu;

Mithumo 4:3

Va di va mola va gu va khothela pasoni kala khu mindru gakone, kholu li di hwide lidambo.

Mithumo 8:3

Gasi Sawule, khu gu zondra libandla, a di gimbila khu ndranga ni ndranga a molela vama ni vanyamayi a va khothela pasoni.

2 Vakorinto 11:23

Avo sithumi sa Kristo? Nya gu ganela nga gipumbu, nyi na ganela kheni, eni nyi womo mbeli ngudzu guvbindra avo. Nyi va vbindride mbeli ga mithumo yatshavbo; gu khothedwa mapasoni, gu kwamudwa khu dzimboma, gu vbuluga gufa gikhati nya gingi.

Vahebheru 11:36

Vambe va di poyidwa, va khinyedwa. Vambe va di hungeledwa va thedwa mapasoni.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.