Mithumo 5:14 - Bhibhiliya Nya Guage

¹⁴ Tsawa nya vakhodwa wu di gu engedzelana gu dandra, vama ni vanyamayi va di gu bela tsawani ga Pfhumu.

Mithumo 5:14 Iomraidhean Croise

2 Samuweli 6:19

A di kabanisela vathu vatshavbo ni gidzemo gyatshavbo gya na Israyeli, gukhugela ga vama kala ga vanyamayi, moyo ni moyo, a mana gipandre nya gibaba, gitsuwu nya nyama ni dziuvha nya gubange. Khavbo avbo, vathu va di phalalega, muthu ni muthu a hongola gaya gwaye.

Ezira 10:1

Avbo Ezira a nga bani a lombelela ni gu gira dawulelo na gu lila na nogide mbeli nya Nyumba ya Nungungulu, gu dita tombana gwaye tshangano nya wungi wa na Israyeli, nya vama, vanyamayi ni sanana; kholu vathu va di gu lila khu wuvi nya wukhongolo ngudzu.

Nehemiya 8:2

Muphasi nya mhamba Ezira, a dita ni Libhuku nya Nayo mbeli ga gidzemo gi nga bani na gi hengeledzanide nya vama ni vanyamayi, ni vatshavbo avo va nga bani na vari ni tanga nya guyingise iso si hevbudwago. A diri litshigu nya guhegule nya ngima nya livbandre na wuvili.

Ekisodha 35:22

Vama ni vanyamayi ni vatshavbo nya myonyo nya wuhindzi; va dita na va pharide masindra ni dziphera ni maniya, ni mafumbu yatshavbo nya simburiselo nya gugirwe khu ndralama; moyo ni moyo a di ta bikela ningelo waye nya ndralama owu a wu dongisedego gu ningela Pfhumu Nungungulu.

Isaya 45:24

Va na ganela khu eni, khavo: Gululama ni tshivba somo ga Pfhumu Nungungulu basi; va nata gwaye na va tade khu dzitshoni vatshavbo vale va nga mu wugelago.

Mithumo 11:24

Kholu a diri muthu nya ndruda nya gutale khu Liphuvbo nya Guage ni gukhodwa; vathu nya vangi va di dzi ningela ga Pfhumu.

Mithumo 2:41

Vale va nga hakhago magana yaye va di bhapatiswa. Litshigu lile va di bela tsawani nya vakhodwa gipimo nya magumi mararu mazana vathu.

Mithumo 2:47

Va di rungudza Nungungulu, va godwa khu vathu vatshavbo. Khu litshigu ni litshigu, Pfhumu a di engedzela tsawani gwawe tengo nya vale va na gu vbanyiswago.

Mithumo 22:4

Nyi di venga nyi dwanela gu songa valandreli nya Ndzila yeyi nya Mahungu nya Yadi ya Pfhumu. Nyi di mola, nyi hunga, nyi khothela mapasoni vama ni vanyamayi.

Mithumo 4:4

Ambari ulo, vangi nya vale va nga pwago magana yaye, va di khodwa, va engedzela tengo nya vakhodwa, wu nga vboha gipimo nya livbandre magumi mazana (5000) vama.

Mithumo 6:7

Magana ya Nungungulu ma di phalalega. Tengo nya vapizane wu di gu engedzelana khu tshivba Jerusalema. Vathu nya vangi ngudzu nya tsawa nya vaphasi nya mhamba va di dzumela gukhodwa.

Mithumo 8:12

Aholu gikhati va nga tshumayedwa khu Filipi Mahungu nya Yadi nya Mufumo wa Nungungulu ni gu hevbudzwa khu Lina la Jesu Kristo, vama ni vanyamayi va di khodwa, va gu bhapatiswa.

Mithumo 8:3

Gasi Sawule, khu gu zondra libandla, a di gimbila khu ndranga ni ndranga a molela vama ni vanyamayi a va khothela pasoni.

Mithumo 9:2

aya mu lomba malangalila nya guhongole khayo dzinyumbani nya nombelo dzi guromo dhoropani ga Dhamasiko. A gimbila a molela vakhodwa nya vama ni vanyamayi va landrago ndzila yeyi a va hunga dzitshinga a va resa Jerusalema.

Mithumo 9:31

Libandla li di gu vbanya khu gu rula Judheya gwatshavbo, ni Galileya ni Samariya; Li diya na li gu dandra ni githawo ga Nungungulu, na li gu tiyiswa khu tshivba nya Liphuvbo nya Guage.

Mithumo 9:35

Vathu vatshavbo va Lidha ni va panini ga Saromi, na va mu wone, va di vbindrugedza va khodwa ga Pfhumu.

Mithumo 9:42

Mahungu nya giliwugiso gile ma di pwala dhoropani gatshavbo ga Jope, vathu nya vangi va di khodwa ga Pfhumu.

2 Vakorinto 6:15

Gu mwalo gu hengela Kristo ni Sathane kha nga gambe gu gu mwalo ga oyu a khodwago ni oyu nyamba khodwa.

Vagalatiya 3:28

Khavbo avbo, olu gumwalo gambe guhambana Vajudha ni va nya mayigo, dzikhumbi ni va nya gutshulega; vama ni vanyamayi. Enu mwatshavbo mu moyo basi khu gu hengela gumogo ni Kristo.