Mithumo 4:36 - Bhibhiliya Nya Guage

³⁶ Josefe a ranwago khu vapostoli pwani Bharinabha, gu tshamusago pwani “Gyanana nya gutangadzise,” a diri Mulevhi nya givelegwa gya Kipre.

Mithumo 4:36 Iomraidhean Croise

Marko 3:17

Jakobe ni ndriyaye Johane, sanana sa Zebhedhewu, a nga va thangisago lina la Bhowanerige, gu tshamusago pwani: “Sanana nya Libara.”

Mithumo 11:30

Va di gira kharato va si rumela ga madhota khu mandzani ga Bharinabha ni Sawule.

Mithumo 12:25

Bharinabha ni Sawule, na va vbedzide thumo wawe Jerusalema va di bwelela gumogo ni Johane a ranwago Marko.

Mithumo 13:1

Umo nya libandla nya vakhodwa va Antiyokiya, va diromo vaprofeti ni vahevbudzi: Bharinabha ni Simoni a nga bani a gu ranwa pwani Nigeri, ni Lusiyu wa Sirene, ni Manaheme a nga dandra gumogo ni mufumeli Herodhi, ni Sawule.

Mithumo 13:15

Na va hevbude lidangalila nya Nayo ni eli nya vaprofeti, vathangeli nya nyumba nya nombelo va di va embela, khavo: “Vandruye, mwa gu bani muri ni mahungu nya gulose khayo libandla, ganelani.”

Mithumo 13:2

Vari vbakari nya nombelo wa Pfhumu ni guhala, Liphuvbo nya Guage li di ganela, khilo: “Nyi kaseleni Bharinabha ni Sawule gasi va phara thumo nyi va ranedego uwo.”

Mithumo 13:4

Na va gu rumwa khu Liphuvbo nya Guage, va di relela Selewusiya, Khiyo va nga ya khilela ngalava va hongola Kipre.

Mithumo 15:12

Khavbo avbo, gu di gira kape libandla latshavbo. Va yingisa Bharinabha ni Pawulo na va gu tshamusela siwoniso ni siliwugiso satshavbo Nungungulu a nga girago khu avo vbakari nya va nya mayigo.

Mithumo 15:2

Gu di manega gu ganedzisana nya gukhongolo, kholu Pawulo ni Bharinabha va di hambana ngudzu ni sihevbudzo sawe. Va di pwanana vatshavbo va rumela Pawulo ni Bharinabha ni vambe vandruye, va gwela Jerusalema guya wudzisa mahungu yaya ga vapostoli ni madhota.

Mithumo 15:37

Aholu Bharinabha a di vbweta gu dzega nuye Johane a ranwago Marko.

Mithumo 15:39

Gu di manega gu ganedzisana nya gukhongolo va hegisa khu gu hambana. Khavbo avbo, Bharinabha a di dzega Marko a khilela ngalava a gu hongola naye Kipre.

Mithumo 21:16

Hi di bangaladzwa khu vandruye nya gukari va Sezareya, va nga hi yisa ndrangani ga mwama moyo wa Kipre nya gupwani khu Manasoni, mupizane wa gale. A di hi hakha gaya gwaye, hi khala vapfhumba vaye.

Mithumo 21:3

Na hi gu wona gidwane gya Kipre, hi di gi diga nyambade hi gu thonona litigo la Siriya. Ngalava yi di vbweta guya tshisa sombo siwoni ga Tiro, khavbo nethu hi nga ya tshigela avbo.

Mithumo 27:4

Na hi khugide khu Sidhoni, hi di ya dugela Wuronga ga gidwane gya Kipre, kholu phuvbo a diri ya dzibhoridhi.

Mithumo 9:27

Khavbo avbo, Bharinabha a di mu dzega a mu yisa ga Vapostoli aya va tshamusela idzo a nga wonago khidzo Pfhumu ndzilani a ganela naye, ni tshivba a nga ganelago khiyo khu lina la Jesu, dhoropani ga Dhamasiko.

1 Vakorinto 14:3

Gasi oyu a tivisago mahungu ya Nungungulu, a gu ganela ga vathu a ngu vbaha ni gu laya ni gu tangadzisa.

1 Vakorinto 9:6

Mwendro mwa gu pima gukhenu eni ni Bharinabha basi khethu hi gu ni giguruvedzo nya gu dzi thumele habune khu mandza yathu.

Vagalatiya 2:1

Na gu vbindride likhumi na mina myaga, nyi di bwelela gambe Jerusalema. Nyi hongode gumogo ni Bharinabha ni Tito.

Vagalatiya 2:13

Vambe vakhodwa nya Vajudha va di phela navo gu bwelelela hwane, va pfhadzedzela nga uye, kala ni Bharinabha nuye a sengwa khu gidinga a gu landra mithumo yoyo nyamba yela.

Vagalatiya 2:9

Jakobe, Pedro ni Johane va tidwago kha nga vathangeli, na va wonide gukhavo khu lisine, hi ningidwe wuhigo nya thumo wowu; va di hi phara mandza eni ni Bharinabha, va gu yeyedza kharalo wuhengeli. Hi di pwanana gukhethu hi hongola hiya thuma vbakari ga va nya mayigo gasi avo vaya thuma vbakari nya Vajudha.

Vakolosi 4:10

Arisitariko, a khothedwego gumogo ni eni, a ngu mi losedzela, a nuye Marko, ndruye wa Bharinabha. Gasi khu mahungu ya Marko, nyi mi ningideni sileletelo nya gukheni a guta mi holela, mu hakheni gwadi.