Mithumo 4:30 - Bhibhiliya Nya Guage

³⁰ Handzega mandza yago gu gumanege siwonegiso ni siliwugiso ni gu hawulugisa madwali khu lina la Jesu, githumi Gyago nya gukatege.”

Mithumo 4:30 Iomraidhean Croise

Ekisodha 6:6

Khu guralo, embela sanana sa Israyeli, khuwe: Eni kheni Pfhumu Nungungulu, nyi na mi dusani vbavbatshi nya rwalo nya gulemele wa Egipito, nyi na mi tshulani wugumbini gwawe, nyi na thawuludza libogo langu nya tshivba nyi mi dzegisa ni gu mi phodzela.

Jeremiya 15:15

Uwe Pfhumu Nungungulu u ngu siti; nyi alakanye ni gu nyi phasa, nyi phodzele ga valala vangu, u nga va digi va nyi songa, khu kotani nya litimiselo lago navo; wona gukhuwe nya gu tshaniswa khu kotani nya lihaladzo nyi gu nalo nago.

Johane 4:48

Jesu a di mu embela, khuye: “Mwamba wonani siyeyedzo ni siliwugiso kha mu khodwi!”

Mithumo 2:22

“Vama va na Israyeli, yingisani gwadi magana yaya. Jesu wa Nazareta dandrisidwe vbakari gwanu khu mithumo ya tshivba, ni siliwugiso, ni siwonegiso esi Nungungulu a giridego khu uye vbakari gwanu, kha nga mu dzitigo gwadi.

Mithumo 2:43

Githawo gi diri gingi myonyoni ga vatshavbo, kholu a diri singi sisamadziso ni siwonegiso si nga bani si gu girwa khu Vapostoli.

Mithumo 3:13

Nungungulu wa Abrahama, wa Isaki ni wa Jakobe, Nungungulu wa vababe vathu, rungudzide githumi gyaye Jesu, mu nga Mu ningelani enu, ni gu mu dangani mbeli ga Pilato; narigu uye a di guvbweta gu mi tshula, enu mu bomba.

Mithumo 3:16

Khu gukhodwa linani ga Jesu, ilo lina lolo khilo kamwe li nga ningago tshivba mwama yoyu mu mu wonago, gambe mu mu tigo: Khidzo kamwe, gukhodwa linani ga Jesu gu ningide womi mwama yoyo mu mu wonago mwatshavbo.

Mithumo 3:6

Pedro a di khuye: “Nyi mwalo parata ambari ndralama; aholu, iso nyi gu naso, khiso nyi gu ningago: Khu lina la Jesu Kristo wa Nazareta, khuga u gimbila.”

Mithumo 4:10

khalani na mu gu dziti enu mwatshavbo, enu ni vathu vatshavbo va Israyeli, nya gukhenu: Khu lina la Jesu Kristo wa Nazareta mu nga mu khokhothelani enu vbagihambanotunu, aholu Nungungulu a mu wusidego khu ga vafudego. Khu tshivba ya Jesu muthu yoyu a dzi kodzide gu khuga a ema vbakari gwanu na hawulugile.

Mithumo 4:27

Khidzo khu lisine, Pontiyo Pilato ni Herodhi, gumogo ni va nya mayigo ni mahundzu yatshavbo ya Israyeli va hengede gumogo dhoropani momu, va gu wugela githumi gyago nya gukatege, Jesu u nga mu todzago mafura nya wufumu,

Mithumo 5:12

Siwonegiso ni siliwugiso nya singi si di girwa vbakari nya vathu khu mandza nya vapostoli. Va di gu olovela gutshangana vatshavbo khu monyo moyo vbanyangwatunu ya Solomoni.

Mithumo 6:8

Sitefane, na tade khu gukhodwa ni tshivba ya Nungungulu a di gu gira siliwugiso ni siwonegiso vbakari nya vathu.

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?