Mithumo 4:28 - Bhibhiliya Nya Guage

²⁸ vafela gu gira esi u nga si dongisela khu gale khu tshivba ni guti gwago.

Mithumo 4:28 Iomraidhean Croise

Genesi 50:20

Enu khu lisine, mu nyi giredeni gikungo nya guvivbe; aholu Nungungulu a gi vbindrugedzide a gi gira nya gyadi gasi gu manega nya sadi, kha nga olu mu si wonago, gasi vathu nya vangi va kodze guvbanyiswa.

Joba 12:13

Nungungulu khuye a gu na ni guti ni tshivba, khuye a layago vathu bwelo khavbo a va ninga mapimo.

Dzindzimo 76:10

Ambari likhulo nya muthu li na gu rungudza; ni mitshaledwa yi nga vbulugago yi na gu girela buzo.

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Isaya 14:24

Pfhumu Nungungulu nya Tshivba Yatshavbo, a di sambanya, khuye: Makungo yaya nyi ma pimisidego, ma na tadzisega, ni esi nyi hungidego, si na girega.

Isaya 28:29

Satshavbo sesi sa guta khu ga Pfhumu Nungungulu nya Tshivba Yatshavbo, kholu wusingalagadzi waye wu ngu samadzisa, gambe khongolo khu guti.

Isaya 37:26

Ina khwa si pima gukhuwe gukhugela gale kheni nyi dongisedego makungo yaya, gani? Gasi olu, nya gu ma gira ma tadzisega, eni nyi dzinide gukheni uwe u khungumule madhoropa nya makhokhola, ma vbindrugedza ma khala marumbi.

Isaya 40:13

Khu mani a yeyedzidego ndzila liphuvbo la Pfhumu Nungungulu? Khu mani a mu ningidego wusingalagadzi ni gu mu hevbudza?

Isaya 46:10

Eni nya gu tivisa esi si giregidego gukhugela guhegulani, gukhugela dzinango dzi vbindridego nidzo dzi nga gutago. Nyi ngu ganela, kheni: Makungo yangu ma na tiya, gambe nyi na gira satshavbo nyi si golago.

Isaya 5:19

Avo vari, khavo: “Nungungulu a na vbiredzele gu vbedza thumo waye, gasi hi kodza gu si wona. Makungo ya Nyaguage wa Israyeli, ma na tadzisege, gasi hi ma wona.”

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Matewu 26:24

Khu lisine Mwamana wa Muthu, a na hongola, kha nga idzo yi ganelago khidzo Milowo, aholu libango khya wule a na gu mu ningelago. Dari tshukwana ga muthu yoyo, na sa velegwa!”

Matewu 26:54

Yi di vbweta gu tadzisega kharini Milowo yi gu khiyo satshavbo gu vbwetega si girege kharati?”

Luka 22:22

A gu nari Mwamana wa Muthu, a na landrisa esi si hungidwego khu Nungungulu. Aholu libango li na ni wule a na mu ningelago!”

Mithumo 2:23

Mwama yoyu ningedwe khu gu dzina ni sihalo wa Nungungulu, gasi enu mu di mu ningela a khokhothedwa vbagihambanotunu khu mandza nya vathu nyambana nayo, mu mu songa.

Mithumo 3:18

Aholu, Nungungulu tadziside khu magirelo yaya satshavbo iso a nga si tivisago khu magana ya vaprofeti vatshavbo, nya gukhuye: Kristo Waye a di gu fanela gusaniseka.

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vahebheru 6:17

Nungungulu a di vbweta gu tiyisa gukhuye gikungo gyaye gima kha gi na vbindrugedza ga vale va nga fanela gu hakha gitumbiso gyaye, khu guralo, a di tiyisa gitumbiso khu gusambanya.