Mithumo 4:27 - Bhibhiliya Nya Guage

²⁷ Khidzo khu lisine, Pontiyo Pilato ni Herodhi, gumogo ni va nya mayigo ni mahundzu yatshavbo ya Israyeli va hengede gumogo dhoropani momu, va gu wugela githumi gyago nya gukatege, Jesu u nga mu todzago mafura nya wufumu,

Mithumo 4:27 Iomraidhean Croise

Joba 14:4

Ina khu mani a dzi kodzago gu dusa gilo nya guage, ga gilo nyamba aga, na? Khu lisine mwalo!

Joba 15:14

Khuye mani muthu, nya gukala a dzipwa na lulamide? A na lulama kharini na velegidwe khu nyamayi?

Joba 25:4

Khu mani a lulamidego mbeli ga Nungungulu? A nga kodza kharini gululama muthu a velegidwego khu nyamayi?

Dzindzimo 2:2

Vafumeli nya litigo va wugide, manganagana ma ngu gira gikungo ma wugela Pfhumu Nungungulu ni gihathwa gyaye, khavo:

Dzindzimo 2:6

“Kheni nyi nga emisa mufumeli wangu vbatshani nya gigomo gyangu nya gukatege gya Siyoni.”

Dzindzimo 45:7

U ngu gola gululama, u nyenya guvivba; khigyo gi nga girago Nungungulu wago a gu todza khu mafura nya gunengele, guvbindra vatshavbo u palisanago navo.

Isaya 37:26

Ina khwa si pima gukhuwe gukhugela gale kheni nyi dongisedego makungo yaya, gani? Gasi olu, nya gu ma gira ma tadzisega, eni nyi dzinide gukheni uwe u khungumule madhoropa nya makhokhola, ma vbindrugedza ma khala marumbi.

Isaya 49:7

A ngu ganela kharati Pfhumu Nungungulu, Mudzegisi wa Israyeli ni Gihathwa gyaye, wule a vengwago ni gu nyenywa khu mayigo, a gu githumi gya vafumeli nya dzihanyi, khuye: “Avbo vafumeli va na mu wonago, va na khuga va ema, manganagana ma na noga ma khidzima ma mu khozela; kholu lihaladzo la Pfhumu Nungungulu li tumbegide, Nya Guage wa Israyeli a gu hathidego.”

Isaya 53:3

Uye a di nyenywa ni gu hembuludwa vbakari nya vathu; uye a diri muthu nya wuvi ni guti gutshaniseka, a di fanana ni muthu, nya gu, a gu wonwa khu vathu va mu sihalela.

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Matewu 14:1

Khu gikhati gyogyo, ndruma ya Jesu yi di vboha dzindzeveni ga mufumeli Herodhi.

Matewu 14:3

Khaguva khuye Herodhi a nga rumela gu modwa Johane a hungwa dzitshinga, a thedwa pasoni, khu kotani ya Herodhiya, mwangadzi wa ndriyaye, Filipi.

Matewu 14:6

Litshigu Herodhi a nga enedzago myaga nya guvelegwe gwaye, a di gira buzo. Nyamahegyane wa Herodhiya a di hana vbakari nya vathu, a gu tsakisa Herodhi.

Matewu 21:28

“Nga wonani: Babe moyo a diri ni sanana sivili. A di ruma igyo nya guphele, khuye: ‘Mwanangu, indra gundze muhuno uya limela miuvha.’

Matewu 23:37

“Jerusalema, u songago vaprofeti ni gu pfara khu siwindri avo u rumedwago! Dzinyondro dzingani nyi vbwetidego gu tshanganisa sanana sago kha nga mbaha nya khugu wu fundramelago sitshondryana saye vbavbatshi nya mambapi yaye, u si dzumeli!”

Matewu 27:2

Va di mu hunga va gu hongola naye vaya mu ningela ga mwamangulu Pilato.

Marko 10:33

“Wonani, olu hi ngu gwela, gu hongola Jerusalema, Mwamana wa Muthu a na ningedwa ga vakhongolo nya vaphasi nya mhamba, ni vahevbudzi nya Nayo, va na lamula gukhavo a na songwe, va na mu ningela mandzani ga va nya mayigo,

Marko 15:31

Vaphasi nya vakhongolo ni vahevbudzi nya Nayo va di mu vala navo, khavo: “Kodzide gu vbanyisa vakwawe, aholu, uye mune kha kodzi gu dzi vbanyisa wurumba waye!

Luka 1:35

Ngilozi yi di mu hakha, khiyo: “Liphuvbo nya Guage li na gu tshigela; tshivba ya Uye a guromo vbatshani ngudzu yi na gu fenengedza. Khu kharato, Gyanana nya gukatege gi na velegwago gi na ranwa Mwamana wa Nungungulu.

Luka 22:63

Gasi vale va nga bani va gu mu ghadha, va di mu vala ni gu mu sanisa.

Luka 23:1

Vatshavbo va di khuga, va mu yisa ga Pilato.

Luka 4:18

“Liphuvbo la Pfhumu li nyi tshigede, kholu li nyi phasede gasi guya hevbudza sisiwana Mahungu nya Yadi; li nyi rumede guya tivisa dzikhumbi gutshulega gwawe, guya tivisa sikhumu guwoniswa gwawe, ni ga vasaniseki gutshulega gwawe;

Luka 9:22

A di engedza gambe, khuye: “Mwamana wa Muthu a na ni fanelo nya gusaniseke ngudzu ni gu nyenywa khu madhota, ni vakhongolo nya vaphasi ni vahevbudzi nya Nayo. A na songwa, aholu khu litshigu nya wuraru a na wuga.”

Johane 1:11

Li dita ga avo va nga bani vari vaye, aholu, avo kha va li hakha.

Johane 10:36

Eni, Nungungulu a nyi hathide a nyi rumela mafuni. Khu ginani mu nyi wugelago khenu nyi na ni mapepetela kholu nyi nga ganela kheni nyi Mwamana wa Nungungulu?

Johane 18:28

Khavbo avbo, va di dzega Jesu khu ndrangani ga Khayifasi va gu hongola naye ga mufumeli. Gu di ngari dzimindru dzikhongolo. Avo kha va nga bela nyumbani nya gulamuledwe mahungu, gasi va si dzi loledzisi, vafela gu hodza Phasika.

Johane 18:29

Khu kharato, Pilato a di duga vbavbandze, a gu wudzisa, khuye: “Ketso muni mu gu nayo ni muthu yoyu?”

Johane 19:34

moyo nya musotshwa a di mu paya limbambo khu litshari, gu duga novba ni mati.

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

Mithumo 2:27

Kholu khu na nga diga hefemulo wangu kovani nya lufu gambe khu na nga dzumedzisa gihathwa gyago gi wona guhina.

Mithumo 4:30

Handzega mandza yago gu gumanege siwonegiso ni siliwugiso ni gu hawulugisa madwali khu lina la Jesu, githumi Gyago nya gukatege.”

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.