Mithumo 4:24 - Bhibhiliya Nya Guage

²⁴ Na va pwide satshavbo, va di hengela monyo moyo va khusedza lito ga Nungungulu va ganela, khavo: “Pfhumu, khuwe mugiri nya ndzadzi ni mafu, ni linene ni satshavbo esi si tadzago malanga yoyo.

Mithumo 4:24 Iomraidhean Croise

2 Dzipfhumu 19:15

A di ya lombelela mbeli ga Pfhumu Nungungulu waye, khuye: “Pfhumu Nungungulu wa Israyeli, u khalago vbatshani nya dzikerubhimi, uwe kamwe, khuwe u gu Nungungulu nya mifumo yatshavbo ya mafuni, uwe u giride ndzadzini ni mafuni.

2 Dzipfhumu 19:19

Gasi olu, Pfhumu Nungungulu wathu, hi vbulugise, mandzani ga Senakerebhi, gasi mifumo yatshavbo ya mafuni yi dziti gu khiyo Uwe Pfhumu, khuwe basi, U gu Nungungulu.”

Nehemiya 9:6

Uwe Pfhumu khuwe basi, u giride gupindruga gwa ndzadzini gu khusegidego ngudzu, ni mabutho yatshavbo nya sivangwa saye, mafu ni satshavbo si guromo umo, yiphwa ni satshavbo si manegago umo; khuwe u vbanyisago sivangwa satshavbo, ni sivangwa sa ndzadzini si ngu gu khozela.

Ekisodha 20:11

Kholu, khu livbandre na limwedo matshigu, Pfhumu Nungungulu giride ndzadzi ni mafu, linene ni satshavbo si guromo umo, a gu hefemula khu litshigu nya livbandre na mavili. Khu kotani nya kharato, Pfhumu Nungungulu kategiside litshigu nya Sabhadho a li agisa.

Isaya 51:12

Eni kheni kamwe nyi na gu mi tangadzisago; gasi uwe, khuwe mani, nya gukala u thava vathu va fago va hina, mwendro sanana nya vathu si na bangago gu fanana ni mwasi?

Jeremiya 20:13

Embelelani ga Pfhumu Nungungulu, dhumisani Pfhumu Nungungulu; kholu vbulugiside hefemulo nya gisiwana mandzani nya sighohi.

Jeremiya 32:17

Oh! Uwe Pfhumu Nungungulu wangu, khuwe u giridego ndzadzini ni mafuni khu tshivba yago nya yikhongolo ni libogo lago nya guthawuluge; avbo gwago gimwalo gi si kodzegigo.

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.

Mithumo 16:25

Ni vbakari nya wutshigu, Pawulo ni Silasi va di gira nombelo, va embelela dzindzimo nya gurungudze Nungungulu, simbe sibotshwa si di va yingisela.

Mithumo 4:23

Pedro ni Johane, na va tshudwe, va di hongola vaya patana ni va na gyawe va gu va embeledzela satshavbo esi va nga embedwago khu vaphasi nya vakhongolo ni madhota.