Mithumo 4:20 - Bhibhiliya Nya Guage

²⁰ Gasi ethu, kha hi dzi kodzi gumba pwadza vathuni iso hi nga si wonago ni gu sipwa.”

Mithumo 4:20 Iomraidhean Croise

2 Samuweli 23:2

Liphuvbo la Pfhumu Nungungulu li ganede khavbo gwangu, magana yaye momo lidimini gwangu.

Jeremiya 1:7

Aholu Pfhumu Nungungulu a di nyi embela, khuye: “U nga ganeli gukhuwe nyi ngari gyanana; kholu umo nyi na gu rumago, u na hongola, u ya ganela satshavbo nyi gu rumelago.”

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Jeremiya 4:19

Yowe, libango langu! Monyo wangu guvbisega khu gupwa wuvi. Monyo wangu wu tade khu gikhuma, kha nyi kodzi gu hefemula! Aholu kha nyi na degula, kholu dzindzeveni gwangu gupwala ligwaha ni pundru nya nyimbi.

Jeremiya 6:11

Khidzo kharato nyi tadego khu likhulo la Pfhumu Nungungulu; nyi garade kha nyi nga gu dzi kodza gu dzi phara. Nyi na li vbaladza likhulo lolo vbatshani ga sanana sawe si gimbilago dzindzilani numo nya mitshangano nya vathu vaphya; kholu vatshavbo mwama ni ngadzi va na modwa gumogo, vama nya vakhongolo ni avo va gumbidego, vatshavbo va na modwa.

Ezekiyeli 3:11

Olu, indra ga va na gyanu, va vbagedwego vaya wugumbitunu, u ya ganela navo kharati, khuwe: “Gani va na gu yingisa, gani kha va yingisi, va embele, khuwe: Mune, Pfhumu Nungungulu, a ngu ganela kharato!”

Amosi 3:8

Ya gu bhonga ngala, khu mani a gumba ndrendremela? Pfhumu Nungungulu a gu ganela, khu mani a na gumba profeta?

Mikeya 3:8

Aholu khu lisine eni nyi tade khu tshivba nya Liphuvbo la Pfhumu Nungungulu nyi tade khu mapimo nya gululame ni gumbana hwanga, gasi gu huwelela va na Jakobe khu gu ndraga gwawe nya nayo ni gu yeyedza sighoho sa na Israyeli.

Mitengo 22:38

Bhalahama a di hakha Bhalaki, khuye: “Kheni oyu, nyi womo avba, nago! Olu, nyi ngu dzi kodza gu gu embela nya gukari, gani? Nyi na gu embela esi Nungungulu a si vegidego kanani gwangu; khiso basi nyi na gu embelago!”

Mitengo 23:20

Khu lisine, nyi rumidwe gu kategisa. Nungungulu kategiside, eni kha nyi dzi kodzi gu vbindrugedza gikategiso.

Luka 1:2

kha nga idzo va hi hevbudzidego khidzo vale va nga si wonago khu maho, gukhugela guhegulani nya silo sesi; a gu avo va nga khalago vahevbudzi nya Mahungu yaya;

Mithumo 1:22

gukhugela Gubhapatisa ga Johane kala litshigu a nga gwelago Jesu Ndzadzini; moyo wawe gu vbwetega a khale gumogo ni ethu fakazi nya Guwuge gwa Jesu khu ga vafudego.”

Mithumo 1:8

Gasi enu, mu na hakha tshivba gikhati Liphuvbo nya Guage li na gu tshigago gwanu. Mu na khala dzifakazi dzangu gukhugela Jerusalema ni Judheya gwatshavbo, ni Samariya, kala mahegiso nya mafu.”

Mithumo 18:5

Aholu, gikhati Silasi ni Thimoti va nga vbohago khu Makedhoniya, Pawulo a di dzi ningela khu tshivba thumoni nya guhevbudze mahungu basi, nyamba thuma mumbe thumo; a tivisa ga Vajudha khuye Jesu khuye Kristo.

Mithumo 2:32

Wonani gwadi, Nungungulu wuside Jesu khu ga vafudego, ethu avba mu hi wonago, hi dzifakazi nya mahungu yaya.

Mithumo 2:4

Vatshavbo va di tala khu Liphuvbo nya Guage, va gu phela gu ganela mambe malimi, kha nga idzo Liphuvbo li nga bani li va ruma gu ganela khidzo.

Mithumo 22:15

U na khala fakazi vbakari nya vathu vatshavbo nya esi u si wonego ni esi u si pwidego.

Mithumo 3:15

Mu songiside guralo Pfhumu yi ningago guvbanya. Aholu, Nungungulu a mu wuside khu ga vafudego; ethu avba hi dzifakazi nya sigiro soso.

Mithumo 5:32

Ethu hi guromo avba hi dzifakazi nya silo sesi gumogo ni Liphuvbo nya Guage, eli Nungungulu a ningago vatshavbo vale va mu yingelago.”