Mithumo 4:13 - Bhibhiliya Nya Guage

¹³ Va di liwuga khu gu wona gutiya ga Pedro ni Johane, va tidwago gupwani vathu nyambana sihevbulo, gambe va di si dugeli dzindrangani nya guwonegele va di gu vati khu lisine khavo vapizane va Jesu.

Mithumo 4:13 Iomraidhean Croise

Matewu 11:25

Gikhati gyogyo, Jesu a di khusa lito, khuye: “Nyi ngu gu rungudza, Baba, Pfhumu nya ndzadzi ni mafu, kholu u sihede va nya guti ni va nya gugengela silo sesi, u si yeyedza ga va nya gusolega.

Matewu 26:71

Na gu hongola mwanyatunu, a di wonwa khu mumbe nyamahegyane nya githumi nuye, a nga embelago avo a nga bani ari navo, khuye: “Oyu nuye a diri ni Jesu, Munazarenu.”

Matewu 26:73

Khavbo avbo, a di hidzimeledwa khavo va nga bani varomo vbale, va mu embela, khavo: “Khu lisine uwe u moyo wawe, kholu ni maganelelo yago ma ngu gu thuledza.”

Luka 22:8

A di ruma Pedro ni Johane, khuye: “Indrani muya hi dongisela iso si vbwetegago gasi hi hodze Phasika.”

Johane 19:26

Na wonide mayi waye a nga bani a ninganide ni mupizane wule a nga bani a mu gola, Jesu a di embela mayi waye, khuye: “Nyamayi, khu mu woni mwanago uyoyo.”

Johane 7:15

Vajudha va di liwuga, khavo: “A gu yiti kharini Milowo gima na sa hevbula?”

Johane 7:49

Dzitini gukhenu vathu vale va si wutigo Nayo va vadwe khu Nungungulu.”

Mithumo 4:14

Aholu va di gu wona nuye mwama wule a nga hawulugiswa na emide navo, gima kha va mana magana nya gu va ganedze.

Mithumo 4:19

Pedro ni Johane va di va hakha, khavo: “Lamulani enu vamune, mwendro gululamile mahoni ga Nungungulu gu ethu hi yingisa enu vathu guvbindra Nungungulu.

Mithumo 4:29

Gasi olu, Pfhumu, wona, va ngu hi thela hwanga; ninga tshivba sithumi sago si huwelela mahungu yago khu gu tiya gwatshavbo;

Mithumo 4:31

Na vari vbakari nya nombelo gu di manega girevareva vbale va nga bani va romo; vatshavbo va di tala khu Liphuvbo nya Guage, va gu ganela mahungu ya Nungungulu na va tiyide.

Mithumo 9:27

Khavbo avbo, Bharinabha a di mu dzega a mu yisa ga Vapostoli aya va tshamusela idzo a nga wonago khidzo Pfhumu ndzilani a ganela naye, ni tshivba a nga ganelago khiyo khu lina la Jesu, dhoropani ga Dhamasiko.

Mithumo 9:28

Gukhugela litshigu lolo a di khala navo Jerusalema, a gimbilagimbila navo a hevbudza khu lina la Jesu na si thavi gilo.

1 Vakorinto 1:27

Aholu, Nungungulu hathide esi vathu va si wonago kha nga wupumbu, afela gu kona va nya guti; Nungungulu hathide esi vathu va si wonago siri mwalo tshivba, afela gu tshisa vbavbatshi va nya dzitshivba.

1 Vakorinto 14:25

Makungo a gu nawo monyoni gwaye ma na wonegiswa, a na khidzima a tsitsa khovbe vbavbatshi, a khozela Nungungulu na gu ganela khu likana, khuye: Khu lisine, Nungungulu womo vbakari gwanu.

2 Vakorinto 3:12

Na nyiri ni gutumba gogu, nyi ngu vbanya khu gu tiya.