Mithumo 3:6 - Bhibhiliya Nya Guage

⁶ Pedro a di khuye: “Nyi mwalo parata ambari ndralama; aholu, iso nyi gu naso, khiso nyi gu ningago: Khu lina la Jesu Kristo wa Nazareta, khuga u gimbila.”

Mithumo 3:6 Iomraidhean Croise

Matewu 10:9

Mu nga pharini dzitsapawu nya ndralama, mwendro nya parata, mwendro nya sugu dziborisani gwanu;

Matewu 7:22

Nya vangi va na nyi embela litshigu lolo, khavo: ‘Ama Pfhumu, ina kamwe kha ha profeta khu lina lago, hi tutumisa maphuvbo nya guvivbe, gumogo ni gu gira siliwugiso nya singi khu lina lago, gani?’

Marko 14:8

Uye giride khavbo a nga kodza khavbo: Hegulede gu todza mafura givili gyangu, gasi gu gi dongisela guya dzingwa.

Marko 16:17

Siliwugiso va na gu girago ava va na khodwago khesi: Khu lina langu va na tutumisa maphuvbo nya guvivbe, va na ganela malimi nya maphya,

Johane 19:19

Pilato a di lova gitiviso, a gi namega vbatshani nya gihambano. A di lovide, khuye: “ JESU WA NAZARETA MUFUMELI WA VAJUDHA.”

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

Mithumo 16:18

A di gira esi matshigu nya mangi. Khavbo avbo, Pawulo khu gu garala a di thendregedza a ganela ga liphuvbo, khuye: “Khu lina la Jesu Kristo nyi ngu gu ruma: Diga nyamahegyane yoyo.” Khu gikhati gyogyo gikwembu gi di mu diga.

Mithumo 2:22

“Vama va na Israyeli, yingisani gwadi magana yaya. Jesu wa Nazareta dandrisidwe vbakari gwanu khu mithumo ya tshivba, ni siliwugiso, ni siwonegiso esi Nungungulu a giridego khu uye vbakari gwanu, kha nga mu dzitigo gwadi.

Mithumo 2:36

Nyumba yatshavbo ya Israyeli yi na khale na yi gu dziti khu lisine latshavbo nya gu khiyo Jesu yoyu mu nga mu khokhothela vbagihambanotunu, Nungungulu a mu dandrisile a khala Pfhumu ni Kristo.”

Mithumo 3:16

Khu gukhodwa linani ga Jesu, ilo lina lolo khilo kamwe li nga ningago tshivba mwama yoyu mu mu wonago, gambe mu mu tigo: Khidzo kamwe, gukhodwa linani ga Jesu gu ningide womi mwama yoyo mu mu wonago mwatshavbo.

Mithumo 3:5

Uye a di khusedza maho a va khedza, na gu virela gu hakha gilogyo khu mandzani gwawe.

Mithumo 3:7

A di mu phara khu mandza ya nyamudye a gu mu khusa. Khu gikhati gyogyo, migondro ni sitshinandro saye, si di tiyela;

Mithumo 4:10

khalani na mu gu dziti enu mwatshavbo, enu ni vathu vatshavbo va Israyeli, nya gukhenu: Khu lina la Jesu Kristo wa Nazareta mu nga mu khokhothelani enu vbagihambanotunu, aholu Nungungulu a mu wusidego khu ga vafudego. Khu tshivba ya Jesu muthu yoyu a dzi kodzide gu khuga a ema vbakari gwanu na hawulugile.

Mithumo 4:7

Va di ranisa vapostoli va ta va vega vbakari gwawe, va gu va wudzisa, khavo: “Khu tshivba ya mani, mwendro khu lina la mani mu giridego silo sesi?”

Mithumo 9:34

Pedro a di mu embela, khuye: “Eneya, Jesu Kristo a ngu gu hawulugisa; khuga u peta lidawu lago.” Uye a di dzegela gu khuga.

1 Vakorinto 4:11

Kala na muhuno, ethu hi va gu saniseka khu ndzala ni lidora, hi na ni wuhagadzo, hi ngu veteledwa, hi valegalegi nyambana gaya,

2 Vakorinto 6:10

Gukhwatshi hi swihade, aholu hi ngu nengela gikhati gyatshavbo; gukhwatshi hi sisiwana, aholu hi fumiside nya vangi; gukhwatshi hi mwalo gilo, aholu hi naso satshavbo.

2 Vakorinto 8:12

Kholu muthu a gu nigela khu ligolo, satshavbo esi a na ningelago si na hakhwa khu matsenya, na siri egi muthu a gu mwalo nagyo.

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

1 Pedro 4:10

Khalani vagimbidzisi nya vadi nya siningwa mu hakhidego ga Nungungulu. Muthu ni muthu a na thumise giningwa gyaye afela gu phasa vakwawe.