Mithumo 3:20 - Bhibhiliya Nya Guage

²⁰ mwendro khu magirelo yoyo gi na rumedwa gikhati nya gu rudziswe khu Pfhumu. Uye a na rumela Wule a nga tumbisedwa enu, a gu uye Jesu.

Mithumo 3:20 Iomraidhean Croise

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Matewu 24:3

Na khade mugigomoni nya Miolivha, va di hidzimela vapizane vaye, vaya mu wudzisa, nari avo venga, khavo: “Hi embele, lini si na gu dugelelago satshavbo soso? Giwonegiso muni gi na gu tivisago guta gwago ni guhegisa nya litigo?”

Marko 13:26

Khavbo avbo, va na wona Mwamana wa Muthu na gu tshiga khu vbakari nya lipfhi na tade khu tshivba nya yikhongolo ni gidhumo.

Luka 19:11

Na va gu pwa esi, Jesu a di engedzela gimbe gipimaniso, kholu a nga bani a romo vbafuvbi ni Jerusalema, nulo vathu va nga bani va gu hingigedza gukhavo Mufumo wa Nungungulu wu di guvbweta gu vboha khu guvbiredza.

Luka 21:27

Khavbo avbo, va na wona Mwamana wa Muthu na gu tshiga khu vbakari nya lipfhi, na tade khu tshivba nya yikhongolo ni gidhumo.

Mithumo 17:31

Khaguva vegiside litshigu a na ta lamulago litigo khu gululama, khu ga mwama moyo a nga mu hathago, a mu emisa mbeli nya vathu vatshavbo, khu gu mu wusa khu ga vafudego.”

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;

Mithumo 3:21

Uye a fanelago gu hakhwa Ndzadzini kala gu vboha matshigu nya guwusedzwe silo satshavbo a nga tivisago Nungungulu gukhugela gale khu magana ya vaprofeti nya gukatege.

2 Vatesalonika 2:2

hi ngu mi lombani, vandruye, mu nga kanganyisegi, mu nga vbeli mapimo va gu mi embelani khavo, litshigu la Pfhumu li vbohide. Ambari a gu manega muthu a ganela ni gu hevbudza khu lina la Nungungulu a tiyisa khuye isoso si lovidwe vbalidangalilatunu gwangu,

2 Vatesalonika 2:8

Khavbo a na gu dugelelago muwugeli oyu Pfhumu Jesu a na mu songago khu phuvbo ya kanani gwaye. A mu mbembisa khu gungangamela nya gute gwaye.

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.

Gutuledwa 1:7

Mu ngu mu wona, a guta khu mapfhini; vatshavbo va na mu wona, ambari vale va nga mu songago, mafumbu yatshavbo ya mafuni ma na dzi laya khu kotani gwaye. I tiyiso: Amen.