Mithumo 3:19 - Bhibhiliya Nya Guage

¹⁹ Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;

Mithumo 3:19 Iomraidhean Croise

Dzindzimo 103:12

Kha nga idzo Khugadambo gu gu hwindzo ni Muhwadambo, kharato nugo a ngu ndreyisa vbakari gwathu sighoho sathu.

Dzindzimo 51:13

Nyi na hevbudza sighohi ndzila yago, gasi sighohi si wuye gwago.

Dzindzimo 51:9

Siha khovbe yago u si woni sighoho sangu, u futa guvivba gwangu gwatshavbo.

Isaya 43:25

Eni kamwe, kheni nyi futago sighoho sago, khu gugola gwangu, sighoho sago gima kha nyi na si alakanya gambe.

Isaya 44:22

Nyi fuviside guvivba gwago, gu fanana ni hunguva, ni sighoho sago nyi si mwalalegiside kha nga lipfhi; wuya gwangu, kholu kheni mudzegisi wago.

Isaya 51:11

Gu na gira kharato ga vale va tshudzisidwego khu Nungungulu, va na wuya Siyoni na va gu womba mikulungwane, gutsaka gu si hegisigo gu na wonega dzikhovbeni gwawe, gunengela ni litsako si na manega vbakari gwawe, gima kha va na ngapwa gambe guvbisa ni gudilela.

Isaya 6:10

Bangisa myonyo ya vathu vava, u va sega dzindzeve ni maho yawe, gasi va sipwi khu dzindzeve dzawe, va si woni khu maho yawe, va si pimisi khu monyo wawe, gasi va vbindrugedza mavbanyelo nyi va vbanyisa.

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Isaya 61:9

Livelego lawe li na tidwa vbakari nya mayigo, ni situgulwana, si na tidwa vbakari nya mambe mafumbo. Vatshavbo va na va wonago, va na vati kha nga melego wu kategisidwego khu Pfhumu Nungungulu.

Jeremiya 36:3

“A gu dzina saye, vathu va nyumbani ga Judha va napwa makungo nya dzimhango nyi vbwetago gu va resela, mwendro saye muthu ni muthu a na vbindrugedza ndzilani gwaye nyambasi yadi, nyi kodza gu va tsetselela guvivba ni sighoho sawe.”

Jeremiya 50:20

Khu matshigu yoyo ni gikhati gyogyo, a ngu ganela Pfhumu Nungungulu, va na vbweta wuvivbi wa Israyeli, va si wu mani, va vbweta sighoho sa Judha, va si si mani, kholu nyi na tsetselela vale nyi na gu va diga va vbanya.

Gililo 3:40

Hongoleni hi khedzise mavbanyelo yathu, hi wuye ga Pfhumu Nungungulu.

Gililo 5:21

Pfhumu Nungungulu, hi wuyise iyo gwago gasi hi khale vathu va wuyago khu lisine. Hi khodza guta vbanya nga matshigu ya gale.

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Dhaniyeli 9:13

Latshavbo libango leli, li dugelede kha nga gu lovidwego Nayo wa Mosi. Ambari khu guralo, kha ha vbindrugedza hi lomba wuhindzi ga Pfhumu Nungungulu wathu, khu gu diga sighoho sathu hi landrisa lisine lago.

Hoseya 14:2

Indrani na mu dongisede magana nya gu dzi laye, mu bwelela ga Pfhumu Nungungulu; mu ya mu lomba, khenu: “Hi divalele sighoho sathu satshavbo; u hi hakha khu wuhindzi; phaso nya wadi hi gu luvago khuwo, khu malito ma dugago khu kanani gwathu, guvbindra miphaso nya simombyana.

Joyele 2:13

Pferulani myonyo yanu, nasiri guambala gwanu, vbindrugedzani mu wuye ga Pfhumu Nungungulu wanu; kholu uye a na ni wuhindzi, ni gu pwela gisiro, a hwelago gu goroga, na tadego khu wuwadi, a ngu thindregisa makungo nya gu gu tsayise.

Matewu 13:15

Kholu myonyo ya vathu vava yi bangide, va segide dzindzeve ni maho yawe, gasi va si woni khu maho, va si yingisi khu dzindzeve, ni gu mana gwadi tshamuselo wakone, va vbindrugedze mavbanyelo, gasi eni nyi va vbanyise.’

Matewu 18:3

“Khu lisine nyi ngu mi embelani, kheni: Mwa gumba vbindrugedza mu khala nga sanana, gima kha mu na bela Mufumoni wa Ndzadzini.

Luka 1:16

Khu kotani nya igyo, sanana nya singi sa na Israyeli si na wuya ga Pfhumu Nungungulu wawe.

Luka 22:57

Aholu Pedro a di danga, khuye: “Nyamayi, eni kha nyi muti.”

Mithumo 1:6

Vapostoli na va tshanganide, va di mu wudzisa, khavo: “Pfhumu, ina khavbo olu uno wusedzago mufumo tigoni ga Israyeli, gani?”

Mithumo 11:18

Na va pwide magana yaya va di rula myonyoni gwawe va gu rungudza Nungungulu, khavo: “Khu kharato, gu yeyedza gupwani Nungungulu ningide navo va nya mayigo wuhigo nya gu dzi laye va vbindrugedza mavbanyelo, gasi va mane guvbanya.”

Mithumo 11:21

Tshivba ya Pfhumu yi diri navo. Vathu nya vangi va di khodwa, va gu vbindrugedza mavbanyelo, va wuya ga Pfhumu.

Mithumo 15:3

Avo, na va dongisedwe khu libandla la Antiyokiya, va di phara ndzila va gu hongola. Va di tsemakanya Fenisiya ni Samariya, va gu tshamusela gu vbindrugedza ga va nya mayigo va gu nengedzisa ngudzu vandruye vatshavbo.

Mithumo 17:26

Khu ga melegi wa moyo, tumbulugiside mahundzu yatshavbo nya vathu, gasi ma vbahe mafuni gwatshavbo; a kabanisa dzinango, a gu vega mivbingano nya guvbahe umo vathu.

Mithumo 2:38

Pedro a di va hakha, khuye: “Dzi layeni, moyo ni moyo a bhapatiswa Linani ga Jesu gasi a tsetseledwa sighoho. Khavbovbo mu na hakha giningwa nya Liphuvbo nya Guage.

Mithumo 28:27

Kholu monyo nya vathu vava wu bangide nga giwindri Va tshikide dzindzeve ni gu sega maho, vafela gumba wona, gu mbapwa ni gumba pima gilo, va si kodzi guwuya eno gwangu gasi nyi va vbanyisa.’ ”

Mithumo 3:20

mwendro khu magirelo yoyo gi na rumedwa gikhati nya gu rudziswe khu Pfhumu. Uye a na rumela Wule a nga tumbisedwa enu, a gu uye Jesu.

Mithumo 3:21

Uye a fanelago gu hakhwa Ndzadzini kala gu vboha matshigu nya guwusedzwe silo satshavbo a nga tivisago Nungungulu gukhugela gale khu magana ya vaprofeti nya gukatege.

Varoma 11:25

Vandruye, kha nyi vbweti gukheni mu hangwe khu sihalo yoyu, gasi mu si dzi randri va nya guti. Guganedza ga vathu va na Israyeli kha gu na pindruga gikhati nya gulaphe, aholu gu na simama kala mayigo yatshavbo ma vbindrugedza ma khodwa ga Nungungulu.

2 Vatesalonika 1:10

A na bani ari litshigu Pfhumu atago guta dhumiswa khu vatshavbo vale a va hathidego, a na wonwa khu vatshavbo va dzumedego gukhodwa. Enu mu hakhide gwadi mahungu yathu.

2 Vatesalonika 1:7

Gasi enu mu nga sanisekago gumogo ni ethu, a na hi ninga guhefemula gikhati a na gutago khu Ndzadzini Pfhumu Jesu Kristo, gumogo ni dzingilozi dzaye, na tade khu tshivba.

2 Thimoti 2:25

Gu vbwetega u kodza gu kawuka valala vaye khu gwadi, gasi Nungungulu, a gu dzina saye, a va ninge mapimo nya gulandre lisine.

Vahebheru 4:1

Gitumbiso nya gubele guhefemulani hi ningwago khu Nungungulu gi nga tiyide kala na muhuno. Khu guralo, dzi woneleni, vandruye, gasi ni moyo wanu a si luzi gu mana wurendra wowo nya gubele guhefemulani momo.

1 Pedro 2:25

Kholu enu, gale mu di gu khala nga dzinvuta nya gudzimele, olu mu wuyisidwe ndzilani, gasi muta landra Muhavisi ni Musayisi nya mihefemulo yanu.

2 Pedro 3:8

Aholu sigodwa sangu, mu nga divalini esi: Kholu ga Pfhumu, litshigu limwedo la gu khala nga likhumi mazana myaga; likhumi mazana myaga ya gu khala nga litshigu limwedo.

Gutuledwa 21:4

Uye a na va bavbula marongo mahoni gwawe, kholu gima kha gu na manega gambe gufa, gulila gu na vbela, ni gudilela ni wuvi, kholu dzitshanisa dza gale dzi vbindride.”