Mithumo 3:10 - Bhibhiliya Nya Guage

¹⁰ va di gu muti pwani khuye kamwe a nga bani a gu khala vbamwanyatunu nya wumburi nya Nyumba ya Nungungulu a lomba zomola. Va di tala khu guliwuga ni gusamala khu kotani nya iso si nga girega gwaye.

Mithumo 3:10 Iomraidhean Croise

Matewu 14:35

Na va mu tide khavo khuye, vathu va tigoni mule, va di tivisana vatshavbo. Khavbo avbo, va di mu resela vadwali vawe vatshavbo.

Luka 4:36

Vatshavbo va di liwuga, va gu wudzisana khu gyawe, khavo: “Sa gutshamusa ginani esi? Nya gu muthu a dzi kodza gu ruma maphuvbo nya guvivbe ayo, ma gu yingela!”

Luka 9:43

Vatshavbo vathu va di liwuga khu gu wona tshivba nya yikhongolo ya Nungungulu. Kha nga ulo vatshavbo va nga bani va liwuga khiso a nga gira, Jesu a di embela vapizane vaye, khuye:

Johane 5:20

Kha nga olu Babe a golago Mwanaye ni gu mu yeyedza satshavbo iso a girago, a na mi yeyedza gambe nya sikhongolo nya guvbindre esi. Khu kharato mu na liwuga guvbindrisa.

Johane 9:3

Jesu a di hakha, khuye: “Uye kha ghoha, ambari vavelegi vaye navo; aholu, gu giregide esi, gasi gu wonegiswa khavbo gwaye tshivba ya Nungungulu.

Johane 9:8

Vaakelane vaye ni vathu va nga bani va gu muti gukhavo gikhumu, va di khavo: “Ina, khandruye oyu a nga bani a gu lomba zomola, gani?”

Mithumo 2:12

Vathu vatshavbo va di liwuga, khavo: “Nari silo muni esi hi si wonago?”

Mithumo 2:7

Va di thuruga gumogo ni gu liwuga, va gu ganela, khavo: “Ina vatshavbo ava va ganelago khandri Vagalileya, gani?

Mithumo 3:2

Va dita vathu na va rwade mwama a nga bani ari gigoha gukhugela guvelegwani gwaye. Matshigu yatshavbo va dita mu vega vbamwanyatunu nya Nyumba ya Nungungulu gu ranwago pwani “Wumburi,” afela gu lomba zomola ga vathu va belago.