Mithumo 28:7 - Bhibhiliya Nya Guage

⁷ Vbafuvbi vbale ma diromo mahange ma nga bani ma gu lumba Pubhiliyo, mufumeli nya gidwa gile. A di hi hakha gwadi hi khala ndrangani gwaye matshigu mararu.

Mithumo 28:7 Iomraidhean Croise

Mithumo 13:7

Uye a di gu khala ni pfhumwana nya gukari nya gupwani khu Serijiyo Pawulo, mwama nya mapimo. Uye, na raniside Bharinabha ni Sawule, a di vbweta gupwa mahungu ya Nungungulu.

Mithumo 18:12

Galiyo, nari mwamangulu wa Akaya, Vajudha va di pwanana va wugela Pawulo va mu yisa phathani,

Mithumo 23:24

Dongiselani gambe sirengo, mu khiledza Pawulo, mu ya mu vbohisa gwadi ga mwamangulu Felisi.”

Mithumo 28:2

Vathu va tigoni mule va di hi hakha khu mandza mavili, kha nga ulo yi nga bani yi guwa ndzadzi gu gira girame, va di vasa nilo, va hi rana hiya wora.

Mithumo 28:6

Avo va di khevisela gu mu wona a simba, mwendro gu thega vbavbatshi a dzegela gufa. Aholu va di garala khu gu khevisela nyamba wona esi va nga si pimisa va vbindrugedza maalakanyo, va phela gu ganela khavo moyo nya vanungungulu.

Mithumo 28:8

Babe wa Pabhiliyo a diri vbadawutunu, na gu dwala khu ndrani ni feveri. Pawulo a diya mu holela. Na giride nombelo, a di mu handzega mandza hungoni, a mu hawulugisa.

1 Thimoti 5:10

Gu vbwetega a tidwa nga nyamayi moyo a giridego mithumo nya gululame, a hevbudzidego gwadi sanana saye, a kodzago gu hakha sisiwana, a dzi vegidego vbavbatshi thumoni nya vakhodwa, a phasedzedego sisiwana sigaradzoni gwawe, a thumidego mithumo yatshavbo nya yadi.

Vahebheru 13:2

Mu nga divali gu hakha vapfhumba, kholu, vambe, khu gu hakha vapfhumba, va hakhide dzingilozi nyamba dziti.