Mithumo 28:4 - Bhibhiliya Nya Guage

⁴ Vamune tigo, na va wone nyoga na yi dandramede mandzani ga Pawulo, va di ganela, khavo: “Khu lisine mwama yoyu gighevenga, a dzi kodzide gu vbuluga matini, aholu Nungungulu kha dzini gu mu diga a vbanya.”

Mithumo 28:4 Iomraidhean Croise

Genesi 3:1

Nyoga yi diri igyo girengo nya gugengele ngudzu ga sirengo satshavbo sa khabini, si nga giriwago khu Pfhumu Nungungulu. Yi di embela nyamayi, khiyo: “Ina lisine nya gupwani Nungungulu a mi layide gukhuye, mu nga hodzini mihandro nya misimbo yatshavbo ya thembweni, gani?”

Mavingu 28:17

Muthu a dzi rwegidego nandru khu gu songa muthu, a na khala mulegalegi kala gufa, nyamba vhikedwa khu muthu.

Isaya 26:21

Kholu, wonani nya gukhenu Pfhumu Nungungulu, a na khuga khu wulangani gwaye guta tsayisa vavbanyi va mafuni, khu kotani nya sighoho sawe. Mafu ma na funungula novba wawe, ma si sihi gambe vale va songedwego umo.

Isaya 43:20

Sirengo sa khabini si na nyi dhumisa, masolwa ni sifondro nya dzimbowa; kholu nyi na vega mati giwulani ni mitsongo mafuni nya gihala, gasi gu ninga mati va sela vathu vangu, ni ga gihathwa gyangu,

Sofoniya 2:15

Khidzo kharati lidhoropa nya matshandza li nga bani li gu vbanya gukhadzisegani li dzi khusedza khu monyoni gwaye, khilo: “Kheni nyenga, mwalo mumbe nya gufanane ni eni.” Olu li vbindrugedzide kharini li khala marumbi, li khala liphala nya sirengo nya likhabi, muthu watshavbo a vbindrago khu vbafuvbi, a na li hega a womba ndrodzi, a ninginingisa hungo.

Matewu 23:35

gasi gu novba watshavbo wa va nya ndruda wu vbalagele vbatshani gwanu, nya nga uwo wu nga vbaladzwago gukhugela gu songwa gwa Abheli, mululami, kala ugo gwa Zakariya, mwamana wa Bherekiya, mu nga mu songago vbakari nya makhuvi nya guagiswe nya Nyumba ya Nungungulu ni giluvelo.

Matewu 27:25

Gasi gidzemo gyatshavbo gi di hakha, khigyo: “Nandru yoyo nya lufu laye wu na thegele ethu ni sanana sathu!”

Luka 13:2

Jesu a di va hakha, khuye: “Mwa gu hingigedza gukhenu Vagalileya vovo sighohi sikhongolo guvbindra vambe Vagalileya, gani?

Luka 13:4

Ina mwa gu hingigedza nya gukhenu vale nya likhumi na livbandre na vararu va nga thegedwago khu langwe ya Silowe, va gufa, khavo vakone va nga bani vari ni nandru guvbindra vathu vatshavbo va Jerusalema, gani?

Johane 7:24

Gulamulani mu nga khedzi khu khovbe, aholu lamulani khu lisine.”

Mithumo 28:2

Vathu va tigoni mule va di hi hakha khu mandza mavili, kha nga ulo yi nga bani yi guwa ndzadzi gu gira girame, va di vasa nilo, va hi rana hiya wora.

Mithumo 28:3

Pawulo a di dzega ginyandrana nya mahale a rinya niloni. Nyoga yi nga bani yi gu thava nilo, yi di mu dandramela mandzani.

Mithumo 28:5

Pawulo a di mitedza nyoga yi thegela niloni, nyamba dugedwa khu mhango.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”