Mithumo 28:2 - Bhibhiliya Nya Guage

² Vathu va tigoni mule va di hi hakha khu mandza mavili, kha nga ulo yi nga bani yi guwa ndzadzi gu gira girame, va di vasa nilo, va hi rana hiya wora.

Mithumo 28:2 Iomraidhean Croise

Ezira 10:9

Khavbo avbo, vama vatshavbo va na Judha ni va na Bhejami va di tombana Jerusalema khu matshigu mararu; a diri ngima nya livbandre na wu na khu litshigu nya magumavili, vathu vatshavbo va dita mbambamela tandrelani nya Nyumba ya Nungungulu, na va gu ndrendremela khu kotani nya mahungu yaya ni kotani nya ndzadzi yi nga bani yi guwa khu tshivba.

Levhi 19:18

U nga dzi phodzeli mwendro gu girela likhulo wa na gyanu, aholu u na haladza muthu kwanu kha nga idzo u dzi golago khidzo uwe mune. Eni kheni Pfhumu Nungungulu.

Levhi 19:34

Muluveli a vbanyago vbakari gwanu, mu na mu phara kha nga wa na gyanu; mu na mu haladza gukhwatshi khu edzi mu dzi haladzago khidzo, kholu enu nenu, mu diri valuveli tigoni ga Egipito. Eni kheni pfhumu Nungungulu wanu.

Matewu 10:42

Uye a ningago khokho nya mati nya gudzidzile ga moyo nya vapizane vangu nya gusolege, khu gu muti nya gukhuye mupizane wangu, khu lisine nyi ngu mi embelani, kha na dzimeledwa khu tshatshazelo.”

Johane 18:18

Vbale, si diromo sithumi ni dzindruna, va nga bani va khuthide nilo va wora, kholu gu di gu dzidzila. Uye nuye Pedro a di romo vbale a wora nilo.

Mithumo 27:3

Na gugide, hi di vboha siwoni ga Sidhoni, Juliyo a di sayisa gwadi Pawulo; a mu dzumedzisa gu duga aya wona valongo vaye, afela gu mana gu phasedzedwa khavo.

Mithumo 28:3

Pawulo a di dzega ginyandrana nya mahale a rinya niloni. Nyoga yi nga bani yi gu thava nilo, yi di mu dandramela mandzani.

Mithumo 28:4

Vamune tigo, na va wone nyoga na yi dandramede mandzani ga Pawulo, va di ganela, khavo: “Khu lisine mwama yoyu gighevenga, a dzi kodzide gu vbuluga matini, aholu Nungungulu kha dzini gu mu diga a vbanya.”

Varoma 1:14

Nyi hungidwe khu fanelo nya guphasedzele vathu vatshavbo: Avo va handzegidego ni avo nyamba handzega, va nya guti ni sipumbu.

Varoma 14:1

Wule a sa tiyago gukhodwani gwaye, mu hakheni gwadi, mu nga ganedzisani naye khu kotani nya mawonelo yaye.

Varoma 14:3

Oyu a hodzago satshavbo a nga nyenyi wule a digago gu hodza simbe silo. Wule a si hodzigo simbe silo, a nga hembululi oyu a hodzago satshavbo, kholu uye nuye a ngu godwa khu Nungungulu.

Varoma 2:27

Wule a sa hanago wugwera mugivilini gwaye, aholu a landrisago Nayo, a na khala mulamuli wago uwe u wutigo Nayo nya gulowe gambe u hanidego wugwera, aholu u yeyisago Nayo.

1 Vakorinto 14:11

A guta muthu ata ganela ni eni khu lidimi nyi si litigo, eni nya gu khala nombo ga muthu yoyo, uye nuye a gu khala nombo gwangu.

2 Vakorinto 11:27

Nyi diri ni thumo nya wungi, gu ganela, nyi di pila wutshigu nya wungi, nyamba lala, ni ndzala, ni lidora, matshigu nya mangi nyamba hodza, girame, wuhagadzo.

Vakolosi 3:11

Gukhugela olu, gu mwalo gambe guhambana nya va nya mayigo ni Vajudha, va nya gu hana wugwera ni ava nyamba hana wugwera, va dhoropani ni va vbavbandze, khumbi ni muthu nya gutshulege. Kristo khuye satshavbo, gambe womo ga satshavbo.

Vahebheru 13:2

Mu nga divali gu hakha vapfhumba, kholu, vambe, khu gu hakha vapfhumba, va hakhide dzingilozi nyamba dziti.