Mithumo 27:43 - Bhibhiliya Nya Guage

⁴³ Aholu muthangeli, a nga bani ari ni makungo nya guvbanyise Pawulo, gima kha va dzumedzisa. A di ruma gukhuye vatshavbo va nga bani va gu kodza gu hambela va phela khavo gu ndragela matini, va zama gu vboha funguni khu mayaka gasi gu dzi vbanyisa.

Mithumo 27:43 Iomraidhean Croise

Mavingu 16:7

Muthu a tsakisago Pfhumu Nungungulu khu mavbanyelo yaye, Uye a na mu gira a vbanya khu gurula ambari vbakari ga valala vaye.

Mithumo 23:10

Guganedzisana gu di engedzelana khu tshivba. Ndruna, khu gu thava gu khiyo Pawulo a nga vbadzuledwa khavo, yi di ruma vanyakasane gu tshiga vaya dusa Pawulo vbakari gwawe, va mu bedza libhiyoni.

Mithumo 23:24

Dongiselani gambe sirengo, mu khiledza Pawulo, mu ya mu vbohisa gwadi ga mwamangulu Felisi.”

Mithumo 27:11

Aholu, muthangeli nya gikwata nya lizana masotshwa a di yingisa mune ngalava ni marinyero guvbindra guganela ga Pawulo.

Mithumo 27:3

Na gugide, hi di vboha siwoni ga Sidhoni, Juliyo a di sayisa gwadi Pawulo; a mu dzumedzisa gu duga aya wona valongo vaye, afela gu mana gu phasedzedwa khavo.

Mithumo 27:31

Pawulo a di embela muthangeli nya masotshwa ni masotshwa, khuye: “Mwa gu diga vamarinyero va thava, mu tandregide! Kha mu na vbuluga.”

Mithumo 27:42

Khavbo avbo, masotshwa ma di tedwa khu mapimo nya gu songetele sibotshwa satshavbo, gasi gu si manegi ni gimwegyo nya guhambele gi thava.

2 Vakorinto 11:25

Nyi vetidwe khu misimbo nyondro tharu, nyondro mweyo nyi vetwa khu siwindri. Nyi gimbide linene khu ngalava tanga nya guraru, nyi vbedzide litshigu rumba, wutshigu ni mihani, na nyi gu penga linene.