Mithumo 27:20 - Bhibhiliya Nya Guage

²⁰ Hi vbedzide matshigu nya gulaphe nyamba wona lidambo mwendro dzinyeledzi. Gingulu gi di simama khu tshivba ni tshivba, hi si tumbi gukhethu hi na vbuluga.

Mithumo 27:20 Iomraidhean Croise

Dzindzimo 105:28

Nungungulu a di rumela gidema nya gikhongolo, gi nga fenengedza litigo latshavbo; aholu Vagipiti kha va dzina gu yingisa magana yaye.

Isaya 57:10

U gimbide kala u garala; aholu kha wa ganela, khuwe: “Esi kha si phasi gilo!” Iso u nga bani nu gu si vbweta u si mane, khu guralo, khu rereki.

Jeremiya 2:25

Thela kota khu ngondro wago gasi wu si tshulegedwi khu gilato, ni ngolo wago wu si bangi khu lidora. Aholu, uwe wari, khuwe: “Kha gu phasi gilo; kholu nyi manide vambe vanungungulu nya valombo, khavo nyi yelago gu va landra.”

Ezekiyeli 37:11

Khavbo avbo, a di nyi embela, khuye: “Mwamana wa muthu, marambo yaya khu va na Israyeli. Avo vari, khavo: Marambo yathu ma bangide, gu mbembide gutumba gwathu; hi mbembisidwe.

Jona 1:4

Khu guralo, Pfhumu Nungungulu a di rumela phuvbo nya yikhongolo linene, gu manega gingulu nya gikhongolo, avbo litaro li nga hadza gupandrega.

Matewu 24:29

“Aholu hwane nya tshanisa yoyo, lidambo li na sivbala, ni ngima kha na wenengedza; dzinyeledzi dzi na thegela khu Ndzadzini, ni dzitshivba nya ndzadzi dzi na dzudzwa.

Mithumo 27:19

Khu litshigu nya wuraru, va di dzudzugela matini sombo nya gulumbe ngalava, khu mandza yawe.

Mithumo 27:21

Khu gu wona gukhuye vathu va vbindriside matshigu nya mangi nyamba hodza gilo, Pawulo a di khuga a ema vbakari gwawe, a ganela, khuye: “Vama vakhwathu, nari pwani na mu nyi yingiside hi khala Kereta, gu diri tshukwana. Na ha sa mana tshanisa ni guluza gwatshavbo gogu.

2 Vakorinto 11:25

Nyi vetidwe khu misimbo nyondro tharu, nyondro mweyo nyi vetwa khu siwindri. Nyi gimbide linene khu ngalava tanga nya guraru, nyi vbedzide litshigu rumba, wutshigu ni mihani, na nyi gu penga linene.

Vaefeso 2:12

Mu di gu vbanya hwindzo ni Kristo; mu diri valombo; mu diri mwalo wulanga ndrani nya libandla nya sihathwa sa Nungungulu; mu diri vbavbandze nya gidzumeledzwano gi hungidwego khu gisambanyo a nga gira Nungungulu ga vathu vaye; mu di gu vbanya tigoni nyambana gutumba, nyambana Nungungulu.

1 Vatesalonika 4:13

Vandruye, kha hi vbweti mu khale gidemani khu mahungu ya vafudego, mu nga saniseki kha nga vale va gu mwalo gutumba hi gu nago ethu.