Mithumo 27:11 - Bhibhiliya Nya Guage

¹¹ Aholu, muthangeli nya gikwata nya lizana masotshwa a di yingisa mune ngalava ni marinyero guvbindra guganela ga Pawulo.

Mithumo 27:11 Iomraidhean Croise

2 Dzipfhumu 6:10

Mufumeli wa Israyeli a di rumela vathu vaye wulanga wule a nga embedwago khu muthu wa Nungungulu, gasi a wu wonelele; khu kharati, a dzi vbanyisa wurumba waye. Esi kha sa dugelela gumogo mwendro guvili basi, aholu sikhati nya guhambanelane.

Mavingu 27:12

Muthu nya mapimo a ngu wona mhango na yi ngari hwindzo a sihala, aholu gipumbu gya gu yi thonona gi ya mana gutshaniseka.

Ezekiyeli 33:4

khavbo avbo, uye a na pwago gudzuma nya pundru a si khathali, a ta songwa khu litshari, novba waye wu na thegela hungoni gwaye.

Mithumo 27:21

Khu gu wona gukhuye vathu va vbindriside matshigu nya mangi nyamba hodza gilo, Pawulo a di khuga a ema vbakari gwawe, a ganela, khuye: “Vama vakhwathu, nari pwani na mu nyi yingiside hi khala Kereta, gu diri tshukwana. Na ha sa mana tshanisa ni guluza gwatshavbo gogu.

Vahebheru 11:7

Khu gukhodwa, Nowa pwide sitiviso sa Nungungulu nya esi si nga hadza gu dugelela, a nga bani a si kodzi gu si wona. Nowa a di yingela Nungungulu a gu gira ngalava, a bela umo uye ni ngamo yaye, a gu vbanyiswa. Khu guralo, a di kona litigo, a gu hakha ga Nungungulu wuzundzo nya gukhodwe.

Jakobe 3:4

Hongoleni hi khedze gambe mataro, ambari ma gu makhongolo ngudzu, ma vetwa khu dziphuvbo nya dzikhongolo, ma gu rumwa khu lemi, a gu gilwana gidugwanana, ma gu hongola umo mugimbidzisi a gu vbwetago.

Gutuledwa 18:17

Vagimbidzisi nya mataro ni vatshavbo va gimbilago khayo, vamarinyero ni vatshavbo vathu va manago guvbanya khu gu thumela phwani, va di ema khu hwindzo,