Mithumo 27:1 - Bhibhiliya Nya Guage

¹ Gikhati va nga vbweta gu hi khiledza hi hongola Italiya, va di ningela Pawulo ni simbe sibotshwa ga muthangeli nya gikwata nya lizana masotshwa, nya gupwani khu Juliyo, nya gikwata gi ranwago “Tsawa wa Sezari”

Mithumo 27:1 Iomraidhean Croise

Genesi 50:20

Enu khu lisine, mu nyi giredeni gikungo nya guvivbe; aholu Nungungulu a gi vbindrugedzide a gi gira nya gyadi gasi gu manega nya sadi, kha nga olu mu si wonago, gasi vathu nya vangi va kodze guvbanyiswa.

Dzindzimo 33:11

Aholu gikungo gya Pfhumu Nungungulu, gi ngu simama kala gupindruga.

Dzindzimo 76:10

Ambari likhulo nya muthu li na gu rungudza; ni mitshaledwa yi nga vbulugago yi na gu girela buzo.

Mavingu 19:21

Monyoni ga muthu momo makungo nya mangi, aholu iso si tiyidego, khiso Pfhumu Nungungulu a fungidego.

Gililo 3:27

Gu ngu tsakisa gu muthu a lemedwa khu rwalo waye, gukhugela wudzahani gwaye. Yod

Matewu 27:54

Muthangeli nya gikwata nya lizana masotshwa, gumogo navo a nga bani a gu ghadha navo Jesu, na va wonide girevareva gile, gumogo niso si nga bani si dugelela, va di tala khu hwanga, va ganela, khavo: “Khu lisine oyu a diri Gyanana gya Nungungulu!”

Luka 23:47

Muthangeli nya lizana masotshwa a nga bani a romo vbale, na wonide iso si nga bani si dugelela, a di dhumisa Nungungulu, khuye: “Khu lisine oyu a diri muthu nya gululame!”

Luka 7:2

Muthangeli moyo nya gikwata nya lizana masotshwa a diri ni githumi gyaye nya gu gi gole ngudzu gi nga bani gi gu dwala nya guhadza gufa.

Mithumo 10:1

Sezareya a di gu vbanya mwama moyo nya gupwani khu Korineliyo, a diri muthangeli nya gikwata nya lizana masotshwa, ma nga bani ma gu ranwa pwani “Vaitaliya.”

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 16:10

Khu hwane nya giwoniso gile, hi di khuga hi phara ndzila hi gu hongola Makedhoniya na hi gu tumba gukhethu Nungungulu a di hi rana guya tshumayela iyo Ivhangeli.

Mithumo 18:2

Iyo a di ya mana mwama moyo nya Mujudha nya gupwani khu Akila, givelegwa gya Pontu. A di ngari gu vboha khu Italiya ni mwangadzi waye nya gupwani khu Prisila khu kotani nya nayo wa Klawudiyo, a nga rumago Vajudha vatshavbo gu duga Roma. A di ya patana navo,

Mithumo 19:21

Khu hwane nya satshavbo sesi, Pawulo a di hunga gikungo nya guvbindre khu Makedhoniya ni Akaya a hongola Jerusalema, a ganela, khuye: “Hwane nya gu bani nyi vbohide Jerusalema, nyi fanede gu hongola nyi ya wona gambe Roma.”

Mithumo 21:32

Nyamba hwela a di tshanganisa masotshwa ni vathangeli nya dzinyimbi va vbiredza gu hongola avbo gi nga bani gi tombanide gidzemo. Na va wone muthangeli ni masotshwa yaye, va di hegisa gu veta Pawulo.

Mithumo 22:26

Na pwide magana yaya, muthangeli nya masotshwa a di vbweta ndruna a yi embela, khuye: “Ginani u vbwetago gu gira? Oyu mwama givelegwa gya Roma.”

Mithumo 23:11

Ni wutshigu wakone, Pfhumu a di dzi wonegisa gwaye a mu embela, khuye: “Tiya! Edzi u nga ninga khidzo wukustumunyu khu lina langu Jerusalema, khidzo u na ya girago gambe Roma.”

Mithumo 23:17

Pawulo a di rana moyo nya muthangeli nya nyimbi a mu embela, khuye: “Dzega gikhwathana gegi, indra nagyo ga ndruna, momo mahungu gi vbwetago guya mu embela.”

Mithumo 24:23

A di ruma muthangeli nya masotshwa gu sayisa gwadi Pawulo pasoni, a si himbedzeli valongo vaye guta mu thumela.

Mithumo 25:12

Khavbo avbo, Festo a di duga gihundla ni manganagana yaye, a vbedza a ganela, khuye: “U lombide gu hongola ga Sezari, u na hongola ga Sezari.”

Mithumo 25:25

Aholu, eni kha nyi woni gwaye nandru nya guyele gu songwa. Kha nga a lombago guya lamudwa khu Sezari, nyi na mu yisa ga Sezari.

Mithumo 27:11

Aholu, muthangeli nya gikwata nya lizana masotshwa a di yingisa mune ngalava ni marinyero guvbindra guganela ga Pawulo.

Mithumo 27:43

Aholu muthangeli, a nga bani ari ni makungo nya guvbanyise Pawulo, gima kha va dzumedzisa. A di ruma gukhuye vatshavbo va nga bani va gu kodza gu hambela va phela khavo gu ndragela matini, va zama gu vboha funguni khu mayaka gasi gu dzi vbanyisa.

Mithumo 27:6

Siwoni mule, muthangeli nya masotshwa ya Roma a di mana ngalava nya gute khu dhoropani ga Alexandriya, na yi gu hongola Italiya, a hi khiledza umo.

Mithumo 28:1

Na hi vbulugide hatshavbo, hi di tiviswa gupwani gidwane gile gya gu ranwa pwani Malita. Vathu va gidwane va di hi hakha gwadi.

Mithumo 28:16

Na hi vbohide Roma, Pawulo a di dzumedziswa guvbweta nyumba yaye a khala, a ningwa lisotshwa limwedo li mu ghadha.

Vahebheru 13:24

Losedzelani vathangeli vanu ni vakhodwa vatshavbo nya libandla la Nungungulu. Vandriyathu va Italiya va ngu mi losedzela navo.