Mithumo 26:7 - Bhibhiliya Nya Guage

⁷ Mahundzu yatshavbo nya likhumi na mavili ya na Israyeli, momo vbakari nya guvirele gu wona gu tadzisega nya gitumbiso gyogyo. Khu kotani nya egi gitumbiso va ngu khozela Nungungulu wutshigu ni mihani nyamba rereka. Khigyo gitumbo gegi, amanawe mufumeli Agiripa, gi vangelago ketso yatshavbo nyi giredwago khu Vajudha.

Mithumo 26:7 Iomraidhean Croise

Ezira 6:17

Va di gira miningelo nya guagise Nyumba yeyi ya Nungungulu khu lizana dzimombe (100), mazana mavili dzihamba (200), mazana mana dzinvuta (400), ni likhumi na dzimbili dziphongo, gasi gu gira phaselo nya gutsetseledwe gighoho gya vatshavbo va na Israyeli, mayelano khu tengo nya mahundzu ya na Israyeli.

Ezira 8:35

Avo va nga wuyago khu wugumbitunu, vathu va nga velegedwa wugumbitunu, va di ningela miningelo nya guvbiswe ga Nungungulu wa na Israyeli, livbandre na mana magumi ni livbandre na mweyo (96) dzihamba, livbandre na mavili magumi ni livbandre na dzimbili (77) dzinvutana ni likhumi na vavili vanyamabhongwe, gasi gu gira mhamba nya ditshedzo, satshavbo si vbisedwa Pfhumu Nungungulu.

Dzindzimo 135:2

Enu mu guromo Nyumbani ga Pfhumu Nungungulu, dzinyangwani nya Nyumba ya Nungungulu wathu.

Matewu 19:28

Jesu a di va hakha, khuye: “Khu lisine nyi ngu mi embelani: Mufumoni wa Nungungulu, gikhati Mwamana wa Muthu a na khalago vbagikhalotunu gwaye nya gutale khu gidhumo, enu mu na nyi landrela, mu na khalani vbasikhalotunu, gasi gu lamulani mahundzu yatshavbo nya likhumi na mavili ya Israyeli.

Luka 2:25

A di gu vbanya Jerusalema mwama moyo nya gupwani khu Simiyoni. Adiri muthu nya gululame ni githawo ga Nungungulu; a di gu lindrela gu tangadziswa ga Israyeli, Liphuvbo nya Guage li diri gwaye.

Luka 22:30

gasi mu hodze ni gu sela vbamezatunu nya buzo wangu. Mu na khalani vbasikhalotunu nya wufumu, mu lamula mahundzu yatshavbo ya Israyeli, nya likhumi na mavili.

Mithumo 20:31

Khavbo avbo, dzi woneleni. Dundrugani gukhenu, rumba nya myaga miraru, gima kha nya garala khu gu luleka moyo ni moyo nya enu, na nyi gu lila wutshigu ni mihani.

Mithumo 24:15

Nyi na ni gutumba ga Nungungulu nga avo navo va gu nago nya gukhethu gomo guwuga ga vale va fudego, va nya gululama ni va nya sighoho.

Mithumo 26:2

“Mufumeli Agiripa! Nyi ngu nengela ngudzu muhuno khu gu ningwa wulanga mbeli gwago nya gu sasamedzele lisine khu mahungu nya milandru yatshavbo va nyi singedzago Vajudha.

Mithumo 26:3

Ngudzungudzu, kholu uwe u ngu mati gwadi mavbanyelo nya Vajudha ni mahungu va ganedzisanago khayo. Khavbo avbo, nyi ngu gu lomba u nyi yingisa khu gu timisela.

Mithumo 28:20

Khiso esi nyi nga mi ranelani, gasi guta mi wona ni gu mi tivisani, kholu dzitshinga dzedzi nyi hungidwe khu kotani nya gitumbo hi gu nagyo ethu va na Israyeli.”

Vafilipi 3:11

ni gitumbo nya gumane guwuga khu ga vafudego.

1 Vatesalonika 3:10

Wutshigu ni mihani, ha gu lomba ngudzu ga Nungungulu a hi ninge gutsaka khu guta wonana gambe nanu, gasi hi kodza gu vbedzisa ogu gu tshadego vbagukhodwatunu gwanu.

1 Thimoti 5:5

Oyu a gu noni, khu lisine, nari mwalo waye, a gu vega gutumba gwaye ga Nungungulu gikhati gyatshavbo, a gu lombelela ni gu dhumisa Nungungulu wutshigu ni mihani.

Jakobe 1:1

Eni Jakobe, githumi ya Nungungulu ni ya Pfhumu Jesu Kristo, nyi ngu losa likhumi na mavili mahundzu ma phalalegidego ni litigo latshavbo.