Mithumo 26:3 - Bhibhiliya Nya Guage

³ Ngudzungudzu, kholu uwe u ngu mati gwadi mavbanyelo nya Vajudha ni mahungu va ganedzisanago khayo. Khavbo avbo, nyi ngu gu lomba u nyi yingisa khu gu timisela.

Mithumo 26:3 Iomraidhean Croise

Jeremiya 32:11

Nyi di dzega lidangalila nya wurengi, eli li tiyisidwego khu mathumelo nya nayo ni dzifanelo nya gurenge ni limbe nya wufakazi.

Mithumo 21:21

Va tivisidwe gupwani uwe wa gu hevbudza Vajudha va vbanyago vbavbandze gumba thela kota khu Nayo ni gumba hanisa wugwera sanana, ni gumba landrisa siolovedzo nya mavbanyelo ya Vajudha.

Mithumo 24:10

Mwamangulu a di ningedza mahungu Pawulo, uye a hakha, khuye: “Khu gu dziti nya gukheni myaga nya gulaphe nuri mulamuli tigoni momu, nya gu dzipwa na nyi tshulegile gu dzi vhikela.

Mithumo 24:4

Gasi hi si gu vbedzeli gikhati, nyi ngu lomba khu wuhindzi wago, u hi yingise gikhatinyana gidugwana.

Mithumo 25:26

Gani olu, nyi si gu mani gilo nya gulovele Sezari khu mahungu yaya. Nyi ngu mu resa avba mbeli gwanu mwatshavbo, ngudzungudzu avba gwago uwe mufumeli Agiripa, gasi khu vbasiwudzisotunu hi na mu girago, mwendro nyi na mana matshangu nya gulove lidangalila khu mahungu yaye.

Mithumo 26:2

“Mufumeli Agiripa! Nyi ngu nengela ngudzu muhuno khu gu ningwa wulanga mbeli gwago nya gu sasamedzele lisine khu mahungu nya milandru yatshavbo va nyi singedzago Vajudha.

Mithumo 26:26

Avba womo mufumeli Agiripa a si tigo gwadi silo sesi; pima kholu nyi ganelago na nyi tshulegide mahoni gwago. Gimwalo na gimwegyo gi giridwego khu gisihaledza.

Mithumo 26:7

Mahundzu yatshavbo nya likhumi na mavili ya na Israyeli, momo vbakari nya guvirele gu wona gu tadzisega nya gitumbiso gyogyo. Khu kotani nya egi gitumbiso va ngu khozela Nungungulu wutshigu ni mihani nyamba rereka. Khigyo gitumbo gegi, amanawe mufumeli Agiripa, gi vangelago ketso yatshavbo nyi giredwago khu Vajudha.

Mithumo 28:17

Hwane nya matshigu mararu, Pawulo a di rana Vajudha nya guthavisege va khalago Roma, gasi guta tshangana navo. Na va vbohide a di va embela, khuye: “Vandriyangu, eni gimwalo gilo nyi ghohidego ga libandla lathu, kha nyi wugeli tumbunugo nya mavbanyelo ya vababe vathu. Aholu Vajudha va di nyi mola Jerusalema, va nyi ningela mandzani ga Varoma.

Mithumo 6:14

Kholu hi mu pwide na gu ganela khuye Jesu wule wa Nazareta a na fuvisa wulanga wowu, a vbindrugedza tumbunugo hi nga tshiyedwago khu Mosi.”

1 Vakorinto 13:2

Ambari nyiri ni giningwa nya gutshumayele mahungu ya Nungungulu, ni guti satshavbo, ni gupima misihalo yatshavbo, ni gukhodwa gwatshavbo nya gu dzi kodze gu sigula sigomo, nyambana lihaladzo, kha nyiri wa gilo.

Dhewuteronome 17:18

A gu khala vbagikhalotunu gwaye nya wufumu, fanede gu dzi lovela nayo yoyu libhukuni, nya idzosaye ni owu wu guromo mbeli ga Valevhi, vaphasi nya mhamba.