Mithumo 26:24 - Bhibhiliya Nya Guage

²⁴ Pawulo, na nga guganela magana yaya, Festo a di khusa lito a ganela, khuye: “U handrugide, Pawulo! Sihevbulo sago nya gulaphe si gu vbungude mapimo.”

Mithumo 26:24 Iomraidhean Croise

2 Dzipfhumu 9:11

Gikhati Jewu a dugidego a hongola ga sithumi sa mune waye, si di mu wudzisa, khiso: “Gwadi ulolo, gani? Muthu yoyo nya guhandruge a di tela ginani avbo gwago?” Uye a di va hakha, khuye: “Mu ngu muti gwadi muthu yoyu ni maganelelo yaye.”

Jeremiya 29:26

Pfhumu Nungungulu a gu giride muphasi nya mhamba wulangani ga muphasi nya mhamba Joyadha, gasi u khala muthangeli wa Nyumbani gwa Pfhumu Nungungulu, gasi muthu watshavbo a handrugago a dzi gira muprofeti, u mu hunga khu makhetshe ni dzitshinga, u mu thela pasoni.

Hoseya 9:7

Ma vbohide matshigu nya tsayiso, mayo ni moyo a na hakhago tshatshazelo yaye. Israyeli gu vbwetega a mati. Khu kotani nya sighoho nya singi, ni livengo lanu nya lingi, mwari khenu, muprofeti handrugide, gipumbu, a na ni liphuvbo nya guvbe. Khu kotani nya sighoho sago nya singi, uwe Israyeli ni gu engedzelana nya livengo lago.

Marko 3:21

Valongo vaye, na va pwide esi, va dita gasi guta mu dzega, kholu va di pimisa nya gukhavo a di handruga.

Johane 7:15

Vajudha va di liwuga, khavo: “A gu yiti kharini Milowo gima na sa hevbula?”

Johane 8:48

Vajudha va di mu hakha, khavo: “Khandridzo edzi hi gukhethu u Musamariya, ni gukhethu u na ni liphuvbo nya guvivbe, gani?”

Johane 8:52

Vajudha va di mu embela khavo. “Olu khavbo hi gu wonago khethu u na ni mandriki nya guhandruge. Abrahama fude, vaprofeti navo; nulo u gukhuwe: ‘Uye a vegedzago magana yangu gima kha na ngafa.’

Mithumo 17:32

Na va mu pwide na gu ganela khu gu wuga ga vafudego, vambe va di mu hega, vambe, khavo: “Hi na gu yingisa gambe limbe litshigu na wu gu ganela khu mahungu yaya.”

Mithumo 22:1

“Vandriyangu ni enu vababe! Yingisani olu esi nyi gu naso gu mi embela khu gu dzi vhikela gwangu.”

Mithumo 24:25

Kha nga ulo a nga ganela ngudzu khu gululama, ni, gu dzi vegisa ni gulamudwa gu natago, Felisi a di tala khu hwanga, a hakha, khuye: “Olu indra. Nya gu guvbweta gambe nyi na gu rana.”

Mithumo 24:27

Hwane nya myaga mivili, Felisi a di tshikedzwa khu Porisiyo Festo. Felisi, khu gu vbweta gu tsakisa Vajudha a di diga Pawulo pasoni.

Mithumo 26:11

Dzinyondro dzingi, eni nyi di bela dzinyumbani nya nombelo nyi va ninga sisaniso nya sikhongolo, khu gufela gukheni va dange gukhodwa gwawe. Khu kotani nya likhulo nyi nga bani nyiri nalo gwawe, nyi di va tutumisela kala ni madhoropani ya mayigoni ya vbavbandze.

1 Vakorinto 1:23

Gasi ethu ha gu tivisa Kristo a khokhothedwego vbagihambanotunu. Mahungu yaya ma gu khunguvanyisa Vajudha, ma wonwa kha nga wupumbu khu vale va si gu Vajudha.

1 Vakorinto 4:10

Ethu hi handrugide khu kotani ya Kristo, gasi enu mu gengede khu ga Kristo! Ethu hi vbede tshivba, enu mu nayo; enu mu ngu ningwa githawo, ethu ha gu nyenywa.

2 Vakorinto 5:13

Kholu nya gu bani nyi vbede mapimo, nya gu gira khu kotani ya Nungungulu; nya gu wonega gukhwatshi nya gu wuyisa mapimo, khu kotani gwanu.

2 Thimoti 3:15

Gukhugela wanana wago, u ngu yi pima gwadi Milowo nya Guage. Iyo yi na ni tshivba nya gu gu ninge guti gu yisago guvbanyiswani khu gukhodwa ga Kristo Jesu.