Mithumo 26:22 - Bhibhiliya Nya Guage

²² Aholu, Nungungulu a nyi vhikede kala litshigu la muhuno, nyi emidego avba, mbeli gwanu, nyi ninga wufakazi wangu ga enu mwatshavbo nya vadugwane ni vakhongolo. Esi nyi ganelago khiso si nga tiviswa khu vaprofeti ni Mosi pwani si na dugelela,

Mithumo 26:22 Iomraidhean Croise

Ezira 8:31

Hi khugide khu tsongoni wa Ahavha, khu litshigu nya livbandre na mavili nya ngima nya guphele, hi thonona Jerusalema; gyandza nya tshivba gya Pfhumu Nungungulu wathu, gi diri ga ethu, uye a hi vbulugiside ga valala vathu, ni ga avo va nga bani va hi siyamela khu gu hi riyela milaphwi.

Dzindzimo 124:8

Giphaso gyathu ha gu gi mana linani la Pfhumu Nungungulu, a nga gira ndzadzi ni mafu.

Dzindzimo 18:47

Nungungulu khuye a nyi ningago tshivba nya guphodze; khuye a nyi ningago gu fumela mayigo.

Dzindzimo 66:12

u hi ningede hi gandredzedwa khu valala vathu; u hi vbindrisa khu niloni ni matini, olu, khu guhegisa u hi duside, u hi vbohisa tigoni nya ladi, nya gukhadzisege.

Matewu 26:24

Khu lisine Mwamana wa Muthu, a na hongola, kha nga idzo yi ganelago khidzo Milowo, aholu libango khya wule a na gu mu ningelago. Dari tshukwana ga muthu yoyo, na sa velegwa!”

Luka 16:28

kholu nyi na ni livbandre vandruye, gasi aya va laya va siti navo wulangani wowu nya gusaniseke.

Luka 24:27

Khavbo avbo, a di va tshamusela milowo yatshavbo yi nga bani yi ganela khu uye, guphela khu Mosi kala gu vbedza vaprofeti vatshavbo.

Luka 24:44

Khavbo avbo, a di va embela, khuye: “Khayo aya magana nyi nga mi embelani na nyi ngari nanu, gikhati nyi nga, kheni: Womo fanelo nya gutadzisege satshavbo si nga lowago khu Mosi, khu Vaprofeti ni Dzindzimo, na si gu ganela khu eni.”

Luka 24:46

a gu va embela, khuye: “Gu lovidwe pwani Kristo emedwe khu gusaniseka, aholu khu litshigu nya wuraru a na wuga khu ga vafudego;

Johane 1:17

Kholu, Nayo wu vegidwe khu Mosi, gasi wuhigo ni lisine, hi si hakhide khu tshivba ya Jesu Kristo.

Johane 1:45

Filipi a di mana Natanayeli a mu embela, khuye: “Hi ngari gu mu mana wule a nga thudwago khu Mosi nayoni waye, a nga ganedwa khu vaprofeti; khu Jesu wa Nazareta, mwamana wa Josefe.”

Johane 5:39

Enu mwa gu fulugutela Milowo na mu gu alakanya gu mana guvbanya nya gupindruge; khiyo kamwe Milowo yi fakazago khu eni.

Johane 5:46

Nari pwani mu ngu khodwa ga Mosi, na mu gu khodwa gambe gwangu, kholu milowo yaye ya gu fakaza khu lina langu.

Mithumo 10:43

Vatshavbo vaprofeti va fakazide khu mahungu yaye, khavo: “Muthu watshavbo a khodwago a na mana gu tsetseledwa nya sighoho Linani Gwaye.”

Mithumo 13:29

Na gu tadzisegide khu mandza yawe satshavbo esi si nga lowa khu mahungu yaye, va di mu tshisa khu vbagihambanotunu, va mu vega thowoni.

Mithumo 24:14

Ambari ulo, nyi ngu dzumela gukheni ha gu khedza khu Ndzila va yi ranago avo khavo tsawa, eni nya gu khozela Nungungulu wa vababe vangu, nyi khodwa ga satshavbo esi si yelanago ni Nayo, nesi si nga lowa khu vaprofeti.

Mithumo 26:17

Nyi na guvbulugisa ga Vajudha ni ga va nya mayigo nyi gu rumelago vbakari gwawe.

Mithumo 26:6

Olu va nyi reside avba gasi guta lamudwa khu kotani nya gitumbo nyi gu nagyo ga esi Nungungulu a nga sambanya ga vababe vathu khuye a na gira.

Mithumo 28:23

Khavbo avbo, va di vega litshigu. Na li vbohide litshigu lolo, nya vangi va di hongola ndrangani a nga bani a gu vbanyela avbo Pawulo. Gukhugela ni dzimindru kala ni wutshigu, Pawulo a di ganela gwawe khu mahungu nya Mufumo wa Nungungulu. A di zama gukhuye va khodwe ga Jesu, a seketela wufakazi waye avba nya Nayo wa Mosi, ni omu nya milowo ya vaprofeti.

Varoma 3:21

Gasi olu, Nungungulu a hi yeyedzide gululama gwaye, nyamba thumisa Nayo, kha nga li fakazago Libhuku nya Nayo ni eli la vaprofeti,

1 Vakorinto 15:3

Gilo nya guphele nyi di mi tivisa esi eni neni nyi nga hakhago: Kristo fude khu kota nya sighoho sathu kha nga edzi gu lovidwego khidzo omu nya Milowo nya Guage.

1 Vakorinto 15:4

Dzingidwe, a wuga khu litshigu nya wuraru, kha nga yi ganelago Milowo nya Guage.

2 Thimoti 3:11

guvengwa ni gusaniseka nyi nga gu mana Antiyokiya ni Ikoniya, ni Listra. Dzitshanisa muni nyi dzi manego! Aholu, Pfhumu a nyi vbulugiside ga satshavbo soso.

Gutuledwa 11:18

Mayigo ma di gu wugede khu tshivba, aholu gi vbohide gikhati gyago nya gu phodze. Khigyo egi gikhati nya gulamule avo vafudego ni gu tshatshazela sithumi sago, vaprofeti; ni sihathwa, ni vatshavbo vale va ningago githawo lina lago, sanana ni vakhongolo. Gi vbohide gikhati nya gumbembise vale va saselago litigo.”

Gutuledwa 15:3

Dzi di embelela ndzimo ya Mosi, githumi gya Nungungulu ni ndzimo ya Nvutana, khidzo: “Pfhumu Nungungulu, nya Tshivba Yatshavbo, sigiro sago sikhongolo, si ngu liwugisa! Dzindzila dzago dzi lulamide, dzi na ni lisine, uwe Pfhumu nya mayigo.

Gutuledwa 20:12

Nyi di wona va nya gufa, vakhongolo ni sanana, va na emide mbeli nya gikhalo nya wufumu. Ma di tudwa mabhuku. Li tudwa gambe libhuku nya womi. Vafi va di lamudwa nga idzo gu nga bani gu lovidwe khidzo mabhukuni, gupima khu mithumo yawe.

1 Samuweli 7:12

Khavbo avbo, Samuweli a di dzega giwindri a gi emisa khu vbakari ni vbakari ga Misipa ni Semi, a gi rana khuye Ebhenizeri, gutshamuselago gupwani: “Kala avba, Pfhumu Nungungulu a hi phaside.”