Mithumo 26:20 - Bhibhiliya Nya Guage

²⁰ Guphela nyi di tshumayela dhoropani ga Dhamasiko, nyi bela Jerusalema ni litigo latshavbo la Judheya nyi vbindrela mayigoni ya vbavbandze. Ga vatshavbo nyi tivisa gukheni gu vbwetega gu vbindrugedza mavbanyelo, va diga sighoho sawe, va wuya ga Nungungulu, va yeyedze gu vbindrugedza gwawe khu mithumo ya yadi.

Mithumo 26:20 Iomraidhean Croise

Dzindzimo 22:27

Vathu va mafuni gwatshavbo va na muti Pfhumu Nungungulu va vbindrugedza avbo gwaye; mbeli gwaye mayigo yatshavbo ma na mu khozela.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Jeremiya 18:11

Gasi olu, embela vathu va na Judha ni vavbanyi va Jerusalema, khuwe: Pfhumu Nungungulu a ngu ganela kharati, khuye: “Wonani nya gukhenu nyi ngu mi dongisela dzimhango ni gikungo nya gu mi wugele; dzi woneleni olu vbindrugedzani mavbanyelo yanu nya guvivbe, muthu ni muthu a ndreya ndzilani gwaye mu lulamisa dzindzila dzanu ni sigiro sanu.”

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Gililo 3:40

Hongoleni hi khedzise mavbanyelo yathu, hi wuye ga Pfhumu Nungungulu.

Hoseya 12:6

Khu guralo, vbindrugedza u wuya ga Nungungulu wago, gira wuwadi ni gululama u tumba Nungungulu wago gikhati gyatshavbo

Hoseya 14:2

Indrani na mu dongisede magana nya gu dzi laye, mu bwelela ga Pfhumu Nungungulu; mu ya mu lomba, khenu: “Hi divalele sighoho sathu satshavbo; u hi hakha khu wuhindzi; phaso nya wadi hi gu luvago khuwo, khu malito ma dugago khu kanani gwathu, guvbindra miphaso nya simombyana.

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Matewu 3:8

Wonegisani mihandro yi yeyedzago gu vbindrugedza gwanu.

Matewu 4:17

Khavbo avbo, Jesu a di phela gu hevbudza, na gu ganela, khuye: “Vbindrugedzani mavbanyelo, kholu Mufumo wa Ndzadzini womo vbafuvbi.”

Matewu 9:13

Indrani mu ya vbweta guti tshamuselo nya mahungu yaya: ‘Eni nya gu hatha wuhindzi guvbindra mhamba.’ Kholu kha nya tela guta rana va nya ndruda, aholu, sighohi.”

Marko 6:12

Va di phara ndzila va gu gimbila va hevbudza khavo vathu vatshavbo gu vbwetega va vbindrugedza mavbanyelo.

Luka 1:16

Khu kotani nya igyo, sanana nya singi sa na Israyeli si na wuya ga Pfhumu Nungungulu wawe.

Luka 13:3

Nyi ngu mi embelani, kheni: Khandridzo. Aholu mwa gumba vbindrugedza mavbanyelo mu na fisani nenu guralo.

Luka 13:5

Nyi ngu mi embelani, kheni: Khandridzo. Aholu mwa gumba vbindrugedza mavbanyelo yanu mu na fisa nenu guralo.”

Luka 15:10

Nyi ngu mi embelani, kheni: Kharati nugo, gomo gunengela vbakari nya dzingilozi dza Nungungulu khu kotani nya gighohi gimwegyo basi gi vbindrugedzago mavbanyelo.”

Luka 15:7

Nyi ngu mi embelani, kheni: Gu na manega gunengela nya gukhongolo Ndzadzini khu kotani nya gighohi gimwegyo basi, gi dzi layago guvbindra avo nya livbandre na mana magumi ni livbandre na vana vathu nya ndruda va si vbwetigo gu dzi laya.”

Mithumo 11:18

Na va pwide magana yaya va di rula myonyoni gwawe va gu rungudza Nungungulu, khavo: “Khu kharato, gu yeyedza gupwani Nungungulu ningide navo va nya mayigo wuhigo nya gu dzi laye va vbindrugedza mavbanyelo, gasi va mane guvbanya.”

Mithumo 15:19

Khu kharato eni nya gu wona gukheni hi nga va garadzi va nya mayigo va vbwetago gu vbindrugedza mavbanyelo va khodwa ga Nungungulu.

Mithumo 17:30

Wonani, Nungungulu kha theli kota khu gikhati vathu va nga vbanya gidemani, a ngu tivisa olu ga vathu vatshavbo va malangani yatshavbo gu vbindrugedza mavbanyelo.

Mithumo 2:38

Pedro a di va hakha, khuye: “Dzi layeni, moyo ni moyo a bhapatiswa Linani ga Jesu gasi a tsetseledwa sighoho. Khavbovbo mu na hakha giningwa nya Liphuvbo nya Guage.

Mithumo 20:21

Ga Vajudha ni ga va nya mayigo nyi hevbudzide nyamba kanakana kheni gu vbwetega gu vbindrugedza mavbanyelo, va wuya ga Nungungulu ni gu khodwa ga Jesu, Pfhumu yathu.

Mithumo 26:17

Nyi na guvbulugisa ga Vajudha ni ga va nya mayigo nyi gu rumelago vbakari gwawe.

Mithumo 26:19

“Gukhugela avbovbo, amanawe, mufumeli Agiripa, eni gima kha nyi dzi kodzi gu yeyisa giwonegiso gya Ndzadzini.

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;

Mithumo 9:15

Aholu, Pfhumu a di mu embela, khuye: “Indra, kholu muthu yoyo nyi mu hathide gasi a vbohisa Lina langu ga mayigo, ga vafumeli ni ga sanana sa Israyeli.

Mithumo 9:35

Vathu vatshavbo va Lidha ni va panini ga Saromi, na va mu wone, va di vbindrugedza va khodwa ga Pfhumu.

Varoma 2:4

Khu ginani u yeyisago wuhindzi nya wukhongolo wa Nungungulu, ni gurula ni gutimisela gwaye? Wa gumba dziti nya gukhuwe wuhindzi wa Nungungulu wu ngu gu gurumedza gu vbindrugedza mavbanyelo yago, gani?

2 Vakorinto 3:16

Aholu va gu vbindrugedza va khodwa ga Pfhumu, khavbo tshalu yi na gu funungudwago.

2 Vakorinto 7:10

Kholu wusiwana, ga Nungungulu, wa gu vanga guvbindrugedza gu yisago guvbanyani; aholu wusiwana wa mafuni wa gu vanga gufa.

Vaefeso 4:17

Esi nyi mi tivisago ni gu mi laya khu lina la Pfhumu, khesi: Mu nga vbanyi gambe kha nga va nya mayigo va landrisago maalakanyo yawe nyamba phasa gilo,

1 Vatesalonika 1:9

Khu guralo, vatshavbo va gu ganela khu mahakhelo mu nga hi hakhani khayo ni gu digani vanungungulu nya malipha, mu thumela Nungungulu nya guvbanye, nya lisine.

Gutuledwa 16:11

Va di vala Nungungulu wa Ndzadzini, khu kotani nya gutshaniseke gwawe khu silondra. Aholu kha va dzi kodza gu vbindrugedza va diga mithumo yawe nya guvivbe.

Gutuledwa 2:21

Eni nyi mu ningide gikhati nya gu vbindrugedze, aholu, uye kha dzini gu vbindrugedza mavbanyelo a diga wuphuphulu waye.

Gutuledwa 2:5

Nga dundruga avbo u nga thega khavbo; nga dzi vbindrugedza, u landrisa nyaluphye mithumo yago nya guhegule. Aholu, wa gumba dzi vbindrugedza, nyi nata iyo gwago nyita dusa kandriya yago wulangani gwaye.

Gutuledwa 3:3

Khu kharato dundruga mahungu u ma hakhidego ni gu mapwa. Ma landrise, u vbindrugedza mavbanyelo u wuya ga Nungungulu. Wamba gwadi nyi nata kha nga mbafa nu si giti gikhati nyi na gu gu vbohelago khigyo.