Mithumo 26:18 - Bhibhiliya Nya Guage

¹⁸ Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Mithumo 26:18 Iomraidhean Croise

Dzindzimo 119:18

Tula maho yangu, gasi nyi wone siliwugiso nya nayo wago.

Dzindzimo 146:8

Pfhumu Nungungulu a ngu tula maho sikhumu, a gu wusa avo va vbelago tshivba; Uye a ngu gola vale va lulamidego.

Isaya 29:18

Khu litshigu lolo, sivbwiri si napwa mahungu nya libhuku, ni maho nya sikhumu ma guromo gusivbalani nya gidema, ma na wona.

Isaya 32:3

Ni maho ya vale va wonago, kha ma na segwa, ni dzindzeve dza vale va vbwetago gupwa, dzi na yingisa.

Isaya 35:5

Khavbo avbo, maho nya sikhumu ma na tulega ni sivbwiri si na tulega dzindzeve sipwa.

Isaya 42:16

Nyi na gimbidzisa sikhumu khu ndzila si si yitigo, nyi va gimbidzisa khu sindzilana nya gu gima kha sa nga gimbila khiyo, mbeli gwawe nyi na vbindrugedza gidema gi khala guwonegela, ni dzindzila nya sikhidinga dzi na guledzedwa. Silo sesi nyi na si gira satshavbo nyamba tshiya ni gimwegyo.

Isaya 42:7

gasi u tula maho sikhumu, ni gu tshula sibotshwa pasoni, ni gu dusa avo va vbanyago mugidemani.

Isaya 43:8

Wuyisani vathu va gu ni maho, aholu na vari sikhumu, ni avo va gu ni dzindzeve, aholu na vari sivbwiri.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 9:2

Vathu va nga bani va gimbila gidemani va wonide wenengedzo nya wukhongolo, ni avo va nga bani va vbanyela mutsani nya lufu, wu wonegide gwawe wenengedzo.

Matewu 4:10

Khavbo avbo, Jesu a di mu hakha, khuye: “Suka, Sathane, kholu gu lovidwe, gupwani: U na khozela Pfhumu Nungungulu wago; khuye basi u na gu mu thumelago.”

Matewu 4:16

Vathu va nga bani va gu vbanyela mugidemani, va wonide wenengedzo nya wukhongolo ni avo va nga bani va gu vbanyela mugusivbalani nya lufu, va tumbulugedwe khu wenengedzo.”

Luka 1:77

Gufela gu tivisa guvbanyiswa ga vathu vaye, a gu gutsetseledwa nya sighoho,

Luka 1:79

gasi guta wenengedza avo va vbanyelago gidemani ni gusivbalani nya lufu, gumogo ni gu hi gimbidzisa khu ndzila nya gurule.”

Luka 2:32

Uye khuye wenengedzo wu na gu wenengedzago va nya mayigo, Uye gambe gidhumo gya Israyeli, ngamo yago.”

Luka 24:45

Khu vbale, a di va tula mapimo, gasi va pime Milowo,

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Luka 4:18

“Liphuvbo la Pfhumu li nyi tshigede, kholu li nyi phasede gasi guya hevbudza sisiwana Mahungu nya Yadi; li nyi rumede guya tivisa dzikhumbi gutshulega gwawe, guya tivisa sikhumu guwoniswa gwawe, ni ga vasaniseki gutshulega gwawe;

Johane 17:17

Va agise va khale vathu va lumbago uwe basi khu ndzila nya lisine. Magana yago khayo ma gu lisine.

Johane 3:19

“Igyo gi na va mbembisago, khegi: Guwonegela gu dzude mafuni, aholu vathu va di gola ngudzu gidema guvbindra guwonegela, kholu mithumo yawe yi vivbide.

Johane 4:10

Jesu a di mu hakha, khuye: “Nari pwani u ngu wuti wuhigo wa Nungungulu ni oyu a gukhuye: ‘Nyivbe mati nyi sele’, uwe khuwe u nga vbweta gu mu lomba, uye na gu ninga mati nya guvbanye.”

Johane 4:14

gasi oyu a selago mati nyi na mu ningago gima kha napwa gambe lidora, ma na mu gira gifefe nya mati nya guvbanye nya gupindruge.”

Johane 8:12

Jesu a di va embela gambe, khuye: “Eni kheni wenengedzo nya litigo. Uye a nyi landrelago kha na gimbila gidemani, aholu a na bani ari ni guwonegela nya guvbanye.”

Johane 9:39

Jesu, khuye: “Eni nyi dzude mafuni kha nga mulamuli, gasi vale va si wonigo va wone; ni gu vale va wonago va khale sikhumu.”

Johane 9:5

Na nyi nga romo tigoni, kheni wenengedzo nya litigo.”

Mithumo 10:43

Vatshavbo vaprofeti va fakazide khu mahungu yaye, khavo: “Muthu watshavbo a khodwago a na mana gu tsetseledwa nya sighoho Linani Gwaye.”

Mithumo 13:47

Kholu Pfhumu a hi rumide, khuye: Eni nyi gu vegide kha nga wenengedzo nya mayigo gasi u khale ndzila nya guvbanyiswe gwawe kala mahegiso nya litigo.

Mithumo 15:9

Kha vega guhambana ga ethu ni avo, aholu a di agisa myonyo yawe khu gukhodwa.

Mithumo 2:38

Pedro a di va hakha, khuye: “Dzi layeni, moyo ni moyo a bhapatiswa Linani ga Jesu gasi a tsetseledwa sighoho. Khavbovbo mu na hakha giningwa nya Liphuvbo nya Guage.

Mithumo 20:21

Ga Vajudha ni ga va nya mayigo nyi hevbudzide nyamba kanakana kheni gu vbwetega gu vbindrugedza mavbanyelo, va wuya ga Nungungulu ni gu khodwa ga Jesu, Pfhumu yathu.

Mithumo 20:32

Olu nyi ngu mi vega mandzani gwa Nungungulu, mu na vhikedwa khu magana nya lihaladzo laye, magana ma gu ni tshivba nya guvbahe libandla, uye a na mi ninga thomba yi fanedego gu hakhwa khu sivbango satshavbo nya libandla la Pfhumu.

Mithumo 26:19

“Gukhugela avbovbo, amanawe, mufumeli Agiripa, eni gima kha nyi dzi kodzi gu yeyisa giwonegiso gya Ndzadzini.

Mithumo 26:23

mahungu nya gupwani Misiya emede gufa gasi a khale muthu nya guhegule gu wuga khu gufani, a emiswa kha nga wenengedzo nya guvbanyise vbakari nya Vajudha ni va nya mayigo.”

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;

Mithumo 5:31

Nungungulu rungudzile Jesu a mu gira Pfhumu ni Muvbanyisi, afela gu ninga gu vbindrugedza mavbanyelo ni gutsetseledwa sighoho sanana sa na Israyeli.

Varoma 8:17

Ha gu bani hiri sanana, gu yeyedza gu pwani hi vahodzi gambe nya thomba; hi vahodzi nya thomba ya Nungungulu gumogo ni Kristo. Ha gu tshaniseka naye, hi na hengela gambe naye wudhumoni gwaye.

1 Vakorinto 1:2

ha gu lovela Libandla la Nungungulu li guromo dhoropani ga Korinto, enu mu ranedwego gu khala sihathwa, mu agisidwego khu gutshanganiswa gumogo ni Kristo Jesu. Ha gu lovela gambe ni vatshavbo vale va phalalegidego ni litigo latshavbo va lombelelago khu lina la Pfhumu yathu Jesu Kristo, a gu Pfhumu yawe navo.

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

2 Vakorinto 4:4

kholu vanungungulu nya mafu yaya va segide mavhalo yawe, gasi va si woni gu wonegela nya Ivhangeli nya gungangamele ya Kristo, a gu giemo gya Nungungulu.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

2 Vakorinto 6:14

Mu nga hengeli guvbanya ni ava nyamba khodwa. Wu na manega kharini wuhengeli nya gululame ni guwegela? Gu ngu dzi kodza kharini gu hengela guwonegela ni gidema?

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

Vagalatiya 3:14

Esi si giregide gasi gikategiso, gi tumbisidwego Abrahama, gi vbohe, khu Kristo, ga vale va si gu Vajudha ni gu ethu hatshavbo, khu gukhodwa, hi hakhe Liphuvbo nya gitumbiso.

Vagalatiya 3:2

Nya guvbweta basi mu nyi hakhe gilo gimwegyo: Enu mu hakhideni Liphuvbo nya Guage khu kota mu nga landrisa Nayo, mwendro khu kota mu nga hakha gukhodwa, gani?

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vaefeso 1:14

Khilo gitumbiso nya thomba yathu, eyi Nungungulu a yi vegisedego vathu vaye; olu hi ngarigu vbakari nya gulindrele, khilo Liphuvbo li hi ningago gutumba guya hakha thomba, gasi wu rungudzwe wudhumo waye.

Vaefeso 1:18

Nya gu lomba gukheni a wenengedze mapimo yanu, gasi mu pime gutumba muni mu ranedwago, muti gutala nya dzithomba a dzi vegisedego afela guya ninga va nya guaga;

Vaefeso 1:7

Guvbanya ha gu gu mana khavbo gwaye, khu novba waye hi mane gu tshulega ni gu divaledwa sighoho sathu khu gutala nya wuhigo waye,

Vaefeso 2:8

Kholu mu vbanyisidwe khu wuhindzi khu kotani nya gukhodwe gwanu. Guvbanyiswa khandri mwa gu gu mana khu tshivba yanu, kholu giningwa gya Nungungulu.

Vaefeso 4:18

kholu mapimo yawe ma segegide. Va hambane ni guvbanya gwa Nungungulu khu kotani nya wuhangi ni gusegega nya myonyo yawe.

Vaefeso 5:11

Mu nga hengeli gumogo ni vale va vbanyelago gidemani, mithumoni yawe nyamba phasa gilo; aholu yi ganedzeni nyamba yi vegedzela.

Vaefeso 5:14

kholu silo satshavbo sa gu khala guwonegelani, sa gu wenengedzwa. Khidzo gu ganedwago pwani: “Khendzuga uwe u ladego, wuga khu ga vafudego, Kristo a na gu wenengedza.”

Vaefeso 5:8

Enu, gale mu di gu vbanya gidemani. Gasi olu, mu nga tshanganiswa ni Pfhumu, mu womo guwonegelani. Khavbo avbo, dzi phareni kha nga vathu va vbanyago safani nya mihani.

Vaefeso 6:12

Kholu khandri ha gu dwana ni vathu nya marambo ni nyama, aholu ha gu dwana ni dzitshivba nyamba wonega dzi fumago tigoni momu nya gidema, ha gu dwana ni dzitshivba nya maphuvbo nya guvivbe ya Ndzadzini.

2 Thimoti 2:26

Khu kharato, va na vbuluga naphwini wa Sathane va hungidwego khuwo, gasi va gire edzi dzaye a dzinago.

Vahebheru 10:10

Kha nga Jesu Kristo a giridego guhaladza gogo, ethu hi agisidwe sighoho sathu satshavbo, kotani nya mhamba a yi giridego gumogo basi, khu gu ningela givili gyaye.

Vahebheru 10:14

Khu magirelo yoyo, khu mhamba mweyo basi, Kristo agiside, va vbelela kala gupindruga, vale va nga handzwa sighoho.

Vahebheru 11:6

Khu guralo, muthu nyamba khodwa kha dzi kodzi gutsakisa Nungungulu, kholu, oyu a hidzimelago ga Nungungulu fanede gukhodwa gukhuye Nungungulu womo, ni gukhuye a ngu tshatshazela avo va mu vbwetago.

Vahebheru 9:15

Khu kotani nya isoso, Kristo khuye mutshanganisi nya gidzumeledzwano nya giphya, gasi vale va nga ranwa khu Nungungulu va hakhe makategwa nya gupindruge, aya Nungungulu a nga tumbisago. Esi si ngu girega khu kotani nya gufe gwaye gu nga vbulugisago vathu mugighohoni va giridego na gi nga gu thuma gidzumeledzwano nya guhegule.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

1 Pedro 1:4

Gasi, hi mana thomba nyamba hina eyi yi ngamba nyenyeziswa, yisi wunigo. Mu dongisidwego iyo ndzadzini,

1 Pedro 2:25

Kholu enu, gale mu di gu khala nga dzinvuta nya gudzimele, olu mu wuyisidwe ndzilani, gasi muta landra Muhavisi ni Musayisi nya mihefemulo yanu.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

1 Johane 1:9

Aholu, ha gu dawulela sighoho sathu ga Nungungulu, uye a lulamidego ni gu tumbega a na hi tsetselela sighoho sathu, a hi agisa guvivbani gwatshavbo.

1 Johane 2:12

Vanavangu, nya gu mi lovela, kholu sighoho sanu si tsetseledwe khu kotani nya lina laye.

1 Johane 3:8

Oyu a simamago gu ghoha a gu lumba Sathane. Kholu Sathane ghohide gukhugela guhegulani. Mwamana wa Nungungulu a dzi wonegiside khu kotani nya isoso; guta pfhungumula mithumo ya Sathane.

1 Johane 5:19

Ethu hi ngu dziti gukhethu hi vathu va Nungungulu, ni gukhethu litigo latshavbo lomo vbavbatshi nya tshivba ya Sathane.

Judha 1:1

Eni, Judha, githumi gya Jesu Kristo nyi gu ndruye wa Jakobe, nyi ngu lovela ava va ranidwego ni gugolega ga Nungungulu Babe ni gu vhikedwa khu Jesu Kristo.

Gutuledwa 21:27

Dhoropani gakone gima kha gu na bela gilo nya gunyenyeze, ni vathu va girago guvivba ni malipha; aholu va na bela basi vale va lovidwego libhukuni nya womi la Nvutana.