Mithumo 26:10 - Bhibhiliya Nya Guage

¹⁰ Khiso nyi nga girago Jerusalema. Nyi di ningwa tshivba khu vakhongolo nya vaphasi nya mhamba, nyi khothela mapasoni nya vangi va nga khodwa ga Kristo. Gikhati va nga lamuledwa gufa, eni nyi di seketela gukheni va na songwe.

Mithumo 26:10 Iomraidhean Croise

Dzindzimo 16:3

Vanungungulu nya malipha va mafuni, avo va gupwani va na ni tshivba, avo gale nyi nga bani nyi va khozela, kha va phasi gilo.

Mithumo 7:58

va mu ndrindrela vbavbandze nya lidhoropa, va mu pfara khu siwindri. Dzifakazi dzi di vegide myendra yawe migondroni ya moyo nya lidzaha nya gupwani khu Sawule.

Mithumo 8:1

Sawule nuye a di tsakiswa khu gufa gwa Sitefane. Litshigu lolo va di gira liphulo nya gugimbile va molela vakhodwa vatshavbo va Jerusalema. Vatshavbo va di thava va phalalega ni litigo la Judheya ni Samariya, va tshala Vapostoli basi.

Mithumo 8:3

Gasi Sawule, khu gu zondra libandla, a di gimbila khu ndranga ni ndranga a molela vama ni vanyamayi a va khothela pasoni.

Mithumo 9:21

Avo va nga bani va gu mupwa va di liwuga, khavo: “Ina khandruye oyu a nga bani a gu sanisa avo va nga bani va gu ganela khu Lina la Jesu dhoropani ga Jerusalema, gani? Gasi khandri a dita eno gufela guta va molela a va hunga dzitshinga aya va ningela ga vakhongolo nya vaphasi, gani?”

Mithumo 9:26

Na vbohide Jerusalema, Sawule a di vbweta gu bela tsawani nya vapizane, aholu, vatshavbo va di khala hwanga, va si khodwi gukhavo uye nuye mukhodwa.

Mithumo 9:32

Pedro na gu gimbila a holela vakhodwa malangani yatshavbo, a di vboha ga sihathwa si vbanyago Lidha.

Mithumo 9:41

Pedro a di mu phara khu mandza, a mu phasa gu khuga a ema. Khavbo avbo, a di rana sihathwa ni dzinoni a va ninga muthu wawe na gu vbanya.

1 Vakorinto 15:9

Kholu eni kheni nyi gu dugwana ga vapostoli, gambe kha nyi faneli gu ranwa mupostoli, khu kotani nyi nga tshanisa Libandla la Nungungulu.

Vagalatiya 1:13

Nyi ngu tumba gukheni mu pwide na va gu ganela khu edzi nyi nga bani nyi gu vbanya khidzo na nyi nga gu landrisa nayo wa Vajudha. Mu ngu dzitini gukhenu nyi di gu sanisa khu tshivba Libandla la Nungungulu, nyi zama gu li fuvisa.

Vaefeso 1:1

Eni Pawulo, mupostoli wa Jesu Kristo khu gugola gwa Nungungulu, nyi ngu lovela sihathwa ni vakhodwa va Kristo Jesu va vbanyago dhoropani ga Efeso, kheni:

Gutuledwa 17:6

Nyi di wona nyamayi wule na gu levide khu novba wa va nya gukatega ni novba wa dzifakazi dza Jesu; na nyi mu wone nyi di liwuga ngudzu.