Mithumo 24:5 - Bhibhiliya Nya Guage

⁵ Hi wonide gukhethu oyu mwama vivbide. Khuye a wusago pfilupfilu ga Vajudha va mayigo yatshavbo. Khuye khongolo nya tsawa nya Vanazarenu.

Mithumo 24:5 Iomraidhean Croise

Jeremiya 37:13

Na nga gu vboha Nyangwani ga Bhejami, a di gu manega vbale muthangeli nya guwonelele, lina laye a di ranwa pwani khu Jeriya, mwamana wa Selemiya, mwamana wa Hananiya, a di mola muprofeti Jeremiya a mu embela, khuye: “Uwe wa gu thava uya dzi ningela ga Vakalidhiya.”

Jeremiya 38:4

Khavbo avbo, manganagana ma di embela mufumeli, khayo: “Oyu muthu a ngu yela gufa; kholu a ngu vbedza tshivba masotshwa ma tshadego dhoropani momu ni gu rerekisa mandza nya vathu vatshavbo, khu gu ganela magana nya nga aya. Kholu mwama yoyu a gu suvela guvivba litigo leli, wulangani nya gu vbwete gurula.”

Amosi 7:10

Khu guralo, Amaziya, muphasi nya mhamba wa Bheteli, a di rumela guya embela Jerobhowamo, mufumeli wa Israyeli, khuye: Amosi giride gikungo nya gu guwugele, vbakari ga va na Israyeli; litigo kha li dzi kodzi gutimisela magana yatshavbo a ganelago.

Matewu 10:25

Gu enede ga mupizane a gu dzi kodza gu fanana ni muhevbudzi waye, ni githumi gu godza mune waye. Ambari nya gukhuwe khu mune ndranga va nga mu vala khavo khuye Bhelizebhu, va na khavo ginani khu ngamo yaye?

Matewu 2:23

Iyo a ngaya khalago dhoropani ga Nazareta. Gu di tadzisega, kharati, iso si nga ganedwago khu vaprofeti, khavo: “A na ranwa Munazarenu.”

Marko 1:24

“Ginani hi nga gu ghohelago, Jesu wa Nazareta, wa gu tela guta hi mbembisa? Nyi ngu guti khuwe mani: Khuwe Gihathwa gya Nungungulu.”

Luka 23:19

Bharabhasi yoyu, a di khothedwe khu litunga a nga wusago dhoropani, ni kotani a nga songa muthu.

Luka 23:2

Va di phela gu mu ketsari, khavo: “Hi mane oyu mwama na gu kutsedzela vathu gu wugela mufumo, khuye: Mu nga livbini khupho ga Sezari, ni gukhuye uye kamwe khuye mufumeli Kristo.”

Luka 23:25

Kha nga gu lomba gwawe, a di tshula wule a nga bani a khothedwe khu mayunga ni wughevenga, a va ningedza Jesu va gira gugola gwawe khu uye.

Luka 23:5

Aholu avo va di simamisa, khavo: “Uye a ngu kutsedzela vathu Judheya gwatshavbo khiso a hevbudzago gukhugela Galileya kala omu.”

Mithumo 15:5

Aholu, vambe nya tsawa nya vafarisi va nga bani va khodwe va di ganela khavo gu vbwetega va nya mayigo va bela wugwera, va landra Nayo wa Mosi.”

Mithumo 21:28

na va gu gulumela, khavo: “Va na Israyeli, nga deluni mu ta hi phasa! Mwama yoyu khuye a gimbilago a hevbudza vathu mayigoni gwatshavbo, a va kutsedzela gu wugela libandla la na Israyeli, Nayo ni Nyumba ya Nungungulu. Gu diga nya isoso, olu dzude ni vathu va si gu Vajudha ata bela navo Nyumbani ya Nungungulu, a nyenyezisa wulanga wowu nya guage!”

Mithumo 22:22

Va di mu yingisela kala a ganela magana yaya. Khavbo avbo,; va di phela gu gulumela, khavo: “A na fuve muthu yoyu mafuni! Mwalo fanelo nya guvbanye.”

Mithumo 24:14

Ambari ulo, nyi ngu dzumela gukheni ha gu khedza khu Ndzila va yi ranago avo khavo tsawa, eni nya gu khozela Nungungulu wa vababe vangu, nyi khodwa ga satshavbo esi si yelanago ni Nayo, nesi si nga lowa khu vaprofeti.

Mithumo 24:4

Gasi hi si gu vbedzeli gikhati, nyi ngu lomba khu wuhindzi wago, u hi yingise gikhatinyana gidugwana.

Mithumo 25:7

Na bede Pawulo, a di randredwa khu Vajudha va ngata khu Jerusalema, va phela gu mu singedza silo nya singi nya guthise. Aholu gima kha va dzi kodza gu tiyisa wufakazi wawe.

Mithumo 26:5

Avo va ngu dziti gwadi, gambe va na fakaza va gu dzina, gukhavo gukhugela wudzahani gwangu nyi landriside milayo nya mavbanyelo nya vafarisi, a gu ayo ma garadzago ngudzu guvbindrisa, ndrani nya milayo yatshavbo nya wukhodwa wathu.

Mithumo 28:22

Aholu ethu hi di gola gu gupwa na wu gu ganela khu likana lago esi u pimisago, kholu hi ngu dziti gukhethu, gikhodwagi gyanu nya gu pambuge, gi ngu ganedzwa ni gu wugedwa malangani gwatshavbo.”

Mithumo 5:17

Khavbo avbo, khongolo nya vaphasi nya mhamba ni vatshavbo vale a hengelago navo, va lumbago tsawa nya vasadhusi, va di tala khu lidiwo,

Mithumo 6:13

Va di mu singedza malipha, khavo: “Oyu mwama kha garali khu gu hembulula Nyumba ya Nungungulu ni Nayo.

1 Vakorinto 11:19

Gwadi gu manega guhambanelana nya mavbanyelo mwendro makhalelo, gasi gu wonega avo va gu vakhodwa nya lisine vbakari gwanu.

1 Vakorinto 4:13

va gu hi tsorodzela, ethu ha gu va hakha khu gwadi. Ni olu, ethu ha gu wonwa kha nga ndzilo nya litigo, kha nga vathu nya gunyenyeze guvbindra vathu vatshavbo.

1 Pedro 2:19

Kholu, mwa gu timisela sigaradzo khu gu dzitini gukhenu khugo guhaladza ga Nungungulu, uye a na mi kategisani.