Mithumo 24:26 - Bhibhiliya Nya Guage

²⁶ A di gu hingigedza gu ningwa dzitsapawu khu Pawulo, khu guralo a di mu rana dzinyondro nya dzingi a ta bhula naye.

Mithumo 24:26 Iomraidhean Croise

2 Dzikoronika 19:7

Khu guralo, thavani Pfhumu Nungungulu, mu dzi wonela mithumoni gwanu gwatshavbo, kholu ga Pfhumu Nungungulu wathu, gumwalo gu kanganyisa khu gukhedza giemo nya muthu ambari gu rengeledwa.

Joba 15:34

Kholu tsawa wa va nya guvivbedwa khu monyo, wu na khala gyumba, ni mitshatsha ya sidambane, yi na dagarela khu nilo.

Ekisodha 23:8

U nga dzumeli gu rengeledwa khu dzisagwati, kholu sagwati yi ngu sega maho ya ava va wonago, yi wuya yi wegedza mahungu phathani ya ava va lulamidego.

Mavingu 17:23

Muthu nya guvivbedwe khu monyo a gu dzumela gu rengeledwa gusihalani, gasi a si lamuli khu lisine.

Mavingu 17:8

Gu rengeledwa, muthu a gu gu wona kha nga gilo nya lisima, na gu tumba gukhuye ni evbini a belago a na dugelela.

Mavingu 19:6

Vathu nya vangi va gu tsakela vathu nya guthavisege, muthu ni muthu pari ya wule a ningelago dzisagwati.

Mavingu 29:4

Mufumeli a gu landrisa milayo nya yadi, a na tiyisa litigo, aholu a gu gola ngudzu dzitsapawu, a na li mbembisa.

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Isaya 33:15

Wule a gimbilago khu ndzila nya gululame ni gu ganela lisine; oyu a si khathaligo khu dzithomba nya guphangwe, oyu a si hakhigo khu mandzani gwaye silo nya gu rengeledwe; oyu a tshikago dzindzeve gasi a si yingisi mahungu nya gusonge, oyu a segago maho gasi a si woni guvivba.

Isaya 56:11

Dzimbwa dzedzi makhondrobwa, kha dzi khuri; vahavisi nyamba pimisa gilo; muthu ni muthu a gu bwelela khu ndzila yaye, a dzi vbwetela iso si na gu mu ningago bhindzu.

Ezekiyeli 22:27

Dzindruna dzawe dza gu fanana ni masolwa ma vbadzulelago esi ma modego; va gu vbaladza novba, gambe va gusongetela vathu va fela bhindzu nya wudambane.

Ezekiyeli 33:31

Avo va guta gwago kha nga giolovedzo gyawe, va gu khala mbeli gwago gasi gu yingisa magana yago, aholu kha va ma landrisi. Va gu ganela khu magana khavo va ngu nyi gola, narigu khu myonyoni gwawe va gu alakanyela bhindzu nyambana fanelo.

Hoseya 4:18

Va gu vbedza gu sela wadwa, va gu dzi ningedzela mu wubhayini; vathangeli vawe va di gola ngudzu dzindzila dzi thelago dzitshoni.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Mikeya 7:3

Mandza yawe ma dzi emisede gasi gu gira guvivba; vathangeli va gu lomba siningwa, mulamuli a gu dzumela gu rengeledwa, va nya guthavisega va gu ganela khu manavelo ya monyoni gwawe, khu magirelo yaya, vatshavbo vadzuwungeli.

Matewu 17:3

Avbovbo a di tumbuluga Mosi ni Eliya, na va gu bhula naye.

Mithumo 24:17

Khu hwane nya myaga, nyi dita tigoni gwangu nyi resa siningwa gumogo ni guta luva.

1 Vakorinto 6:9

Ina mwa gu hangwa khu gukhenu va nya guvivbedwa khu monyo, gima kha va na nga hodza thomba nya Mufumo wa Nungungulu, gani? Mu nga dzi pembi! Va nya horo, va nya guphasa sithombe nya vanungungulu nya malipha, ni sibhayi, ni vama va dzi girago vanyamayi, va bhayana khu gyawe mwama ni mwama kwawe,

Dhewuteronome 16:19

U nga hambanisi wulamuli, u nga hatheli vathu, ambari gu rengeledwa; kholu wurengeleli wu ngu sega maho ya va nya guti, gambe wu ngu ndreyisa mahungu ya va nya gululama.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.

1 Samuweli 12:3

Kheni oyu, nya gu bani nyi mi hosede ganelani mbeli ga Pfhumu Nungungulu ni mbeli ga uye a mu todzidego khu mafura; mombe ya mani nyi dzegidego? Buru ya mani nyi dzegidego? Khu mani nyi mu kanganyisidego? Khu mani nyi mu tshanisidego? Nyi hakhide khu mandzani ga mani dzitsapawu nya gurengeledwe gasi nyi sega likana? A gu bani na romo a na ganele, gasi nyi mu bweledzela.

1 Samuweli 8:3

Aholu, sanana saye kha sa nga landra dzindzila dza babe wawe; kholu va di ndreya khu gugola ngudzu dzitsapawu, va dzumela gu rengeledwa, va si lamuli khu lisine.