Mithumo 24:25 - Bhibhiliya Nya Guage

²⁵ Kha nga ulo a nga ganela ngudzu khu gululama, ni, gu dzi vegisa ni gulamudwa gu natago, Felisi a di tala khu hwanga, a hakha, khuye: “Olu indra. Nya gu guvbweta gambe nyi na gu rana.”

Mithumo 24:25 Iomraidhean Croise

2 Samuweli 23:3

Nungungulu wa na Israyeli ganede, Giwindri gya Israyeli gi di nyi embela, khigyo: A na manega uye a na fumelago vathu khu gululama, mufumeli a ningago githawo Nungungulu,

1 Dzipfhumu 21:27

Avbo Akabi, a ngapwago magana yaya, a di pferula ngandzu yaye a ambala saku a hala; a di lala vbasakutunu a vbisega ni guvbela tshivba.

2 Dzipfhumu 22:19

Kha nga monyo wago wu thurugidego, u dzi thesa mbeli ga Pfhumu Nungungulu, gikhati u pwidego magana nyi ganedego khu mahungu nya wulanga wowu, ni ga vavbanyi vaye, gupwani wu na mbembiswa wu khala giwula ni gihegiso, u pferula dzingandzu dzago u lila mbeli gwangu, Eni neni nyi gu yingiside; a ngu ganela Pfhumu Nungungulu.

Ezira 10:3

Khu guralo, olu hongoleni hi gira gidzumeledzwano ni Nungungulu wathu, gukhethu hi na tutumisa vanyamayi vatshavbo gumogo ni sanana si velegidwego khavo, kha nga gulaya ga Pfhumu, ni avo va ningago githawo khu sirumo sa Nungungulu wathu; esi si fanedego gu girwa khu gu landra nayo.

Ezira 10:9

Khavbo avbo, vama vatshavbo va na Judha ni va na Bhejami va di tombana Jerusalema khu matshigu mararu; a diri ngima nya livbandre na wu na khu litshigu nya magumavili, vathu vatshavbo va dita mbambamela tandrelani nya Nyumba ya Nungungulu, na va gu ndrendremela khu kotani nya mahungu yaya ni kotani nya ndzadzi yi nga bani yi guwa khu tshivba.

Joba 29:14

Nyi di ambala gululama, gu khala gifenengelo gyangu.

Dzindzimo 11:7

Kholu Pfhumu Nungungulu lulamide, a gu gola gululama; va nya myonyo nya yadi, va na wona khovbe yaye.

Dzindzimo 119:120

Mili wangu wu ngu ndrendremela mbeli gwago khu gu gu thava, khu kotani nya guthave milayo yago. Ain

Dzindzimo 45:7

U ngu gola gululama, u nyenya guvivba; khigyo gi nga girago Nungungulu wago a gu todza khu mafura nya gunengele, guvbindra vatshavbo u palisanago navo.

Dzindzimo 72:2

Gasi a lamula vathu vago khu lisine, ni gu sayisa sisiwana sago khu gululama.

Dzindzimo 99:1

Pfhumu Nungungulu a ngu fuma! Ma na ndrendremele mayigo. Khade vbatshani nya dzikerubhimi li ngu khuyuga litigo.

Mavingu 16:12

Kha dzini gukhuye vafumeli va thuma mithumo nya guvivbe, kholu wufumu wa gu tiyiswa khu gululama.

Muhevbudzi 11:9

Lidzaha, dzi tsakise khu wudzaha wago, u tsakisa monyo wago matshigu nya wudzaha wago; gimbila khu ndzila yi godwago khu monyo wago, ni gu gola nya maho yago; aholu dziti nya gukhuwe Nungungulu a na gu lamula khu satshavbo soso.

Muhevbudzi 12:14

Nungungulu a na lamula mithumo yatshavbo, ni satshavbo si sihadego, iso nya sadi niso nyamba sadi.

Muhevbudzi 5:8

Wa gu tshuka u wona tigoni na gu tshaniswa sisiwana ni gu hambaniswa nayo, u nga samali kholu uye a gu khongolo a na ni mumbe vbatshani gwaye a mu kalavelago a gu khongolo guvbindra uye, vbatshani ga avo va vavili, womo gambe uye a khusegidego ngudzu gu va vbindra a va kalavelago nuyeavo.

Isaya 1:18

Deluni, hongoleni hi pimise gumogo khu mahungu yaya; A ngu ganela Pfhumu Nungungulu, khuye: Ambari sighoho sanu na si sivbade kha nga wugala, nyi na si agisa kha nga hunguva; ambari sa gu fanana ni giwunguwungu, nyi na si agisa kha nga mawoya nya nvuta.

Isaya 1:21

Wonani lidhoropa leli nya gutumbege, li vbindrugedzidego li khala libhemba! Umo gu nga bani na gu tade khu gululama, olu, gu tade khu sighevenga!

Isaya 16:5

Khavbo avbo, gu na tiyiswa gikhalo gyago nya wufumu khu wuwadi, gu na khodziswa avbo mulamuli a na lamulago khu gululama ni gutumbega tshatshani wa Dhavhidhe.”

Isaya 32:11

Ndrendremelani enu vanyamayi mu dzipwago na mu khadzisegide; tshulani guambala gwanu, mu khala wumbwiri, mu ambala dzisaku siwununi gwanu.

Isaya 41:21

Pfhumu Nungungulu, Mufumeli wa Jakobe, wari, khuye: Bikelani sigaradzo sanu ni gu resa dzifanelo dzanu.

Isaya 55:6

Vbwetani Pfhumu Nungungulu, na gu nga gu dzumela gu mu mana; mu raneni olu a guromo vbafuvbi.

Isaya 61:8

Kholu eni, Pfhumu Nungungulu, nya gu gola gululama, nyi venga wuvafa ni malipha; nyi na va ninga khu gutumbega tshatshazelo yawe, bwelo khavbo nyi hunga navo gidzumeledzwano kala gupindruga.

Isaya 66:2

Kholu mandza yangu, khayo ma giridego silo satshavbo sesi, ni silo satshavbo sesi si di girega; a ngu ganela Pfhumu Nungungulu, aholu nyi na khedza uye a dzi thesago vbavbatshi: Wule a gu ni monyo wu khuvegidego, sisiwana ni vale va ndrendremelago khu gupwa magana yangu.

Jeremiya 22:3

Pfhumu Nungungulu a ngu ganela kharati, khuye: Lamulani vathu khu nongameto ni gululama, vale va wandredwego silo sawe, va tshudziseni ga avo va va tshanisago; mu nga tshanisini muluveli, noni, ambari gisiwana; mu nga girini wughevenga, ambari gu vbaladzani novba nyambana nandru wulanga wowu.

Jeremiya 23:29

Pfhumu Nungungulu a ngu ganela, khuye: Ina magana yangu khandri ma gu vbisa gu fanana ni nilo, mwendro gikhokhotho gi pandrago siwindri, gani?

Jeremiya 36:16

Avbo va ngapwago magana yatshavbo yale, va di thuruga va khedzisana va embela Bharuki, khavo: “Gu ngu yela gu dzega magana yaya yatshavbo hi ya embela mufumeli!”

Ezekiyeli 45:9

Mune Pfhumu Nungungulu, a ngu ganela kharati, khuye: “Enu vafumeli va Israyeli, hegisani; digani dzihanyi ni gutshanisa, girani gululama ni wuwadi; digani gu wandra iso si gu sa vathu vangu; a ngu ganela Mune Pfhumu Nungungulu.

Dhaniyeli 12:2

Vatshavbo va ladego umo nya kudzudzwane nya mafu va na wuga, vambe va na wugela guvbanyani nya gupindruge, vambe va wugela guya dzitshonini, gusanisekani nyamba vbela.

Dhaniyeli 4:27

mufumeli a di ganela, khuye: “Khandrilo eli lidhoropa nya likhongolo la Bhabhiloni nyi li vbahidego khu tshivba yangu gu khala tsindza nya gu dhumiswe wugulu wangu gani?”

Dhaniyeli 5:30

Khu wutshigu wowo kamwe, a di songwa Bhalitazari, mufumeli wa Vakalidhiya.

Hoseya 10:12

Dzi yaleleni gululama mwabune, mu vbwera mihandro nya wuwadi limani wulime nya mahange yanu, kholu egi khu gikhati nya guvbwete Pfhumu Nungungulu, kala a wuya, ata vbaladza gululama vbakari gwanu.

Hoseya 10:4

Va ganela magana nyamba phasa gilo, va sambanya malipha, va gu gira gidzumeledzwano; khu kotani nya isoso, malamulelo yawe, ma na buga nga mwasi nya kholowe wu hodzago dzimbewu dza mahangeni.

Hoseya 7:5

Litshigu nya buzo wa mufumeli wathu, vathangeli va di vbindrugedza va khala vadwali, khu gu leva khu vhinya, va nga selago gumogo ni sidambane.

Amosi 5:24

Aholu lisine li na goge kha nga mati, ni gululama gu fanana ni gitsongwana nyamba vbwa.

Amosi 6:12

Ina dzikavalu dzi ngu kodza gu tutuma musiwindrini, mwendro gulima khu dzimombe, gani? Khu ginani mu vbindrugedzago gululama gu khala nyongwa, ni handro nya gululame, wu khala wuhungu.

Habhakuka 3:16

Avbo nyi nga mupwago, monyo wangu wu di ndrendremela, khu lito laye, sigundru sangu si di ndrendremela, maramboni gwangu gu bela guhina, eni na nyi gu ndrendremela; a na nyi hefemudze litshigu nya wuvi na nyi tangade, avbo a na gutago ata wugela vathu a va tsayisa.

Agewu 1:2

“Pfhumu Nungungulu nya Tshivba Yatshavbo a ngu ganela kharati, khuye: Vathu vava, va gu ganela, khavo: Gi si gu vbohi gikhati, hi yelago guvbahedza khigyo Nyumba ya Pfhumu Nungungulu.”

Matewu 22:5

Aholu avo kha va nga thela kota. Mumbe a di ya petoni gwaye, mumbe a di ya thumisa wugwewo waye.

Johane 16:8

Na vbohide a nata gira vathu va tigoni va tugule gukhavo va ghohide khu gumbati gukhavo gighoho gilo muni; ni gumba pima esi si godwago khu Nungungulu; ni gumbati ginani gulamula gwa Nungungulu.

Mithumo 10:42

Khuye a hi rumidego gu gimbila hi tivisa Ivhangeli ga vathu ni gu fakaza gukhethu uye khuye wule a nga vegwago khu Nungungulu kha nga mulamuli nya va nya guvbanya ni va nya gufa.

Mithumo 17:13

Aholu, Vajudha va Tesalonika na va dzi tide gukhavo Pawulo a ngu tivisa Bhereya mahungu ya Nungungulu, va di hongola vaya kutsedzela vathu gu wusa pfilupfilu.

Mithumo 17:2

Kha nga giolovedzo gyaye, Pawulo a di hongola aya va vbweta. Khade gipimo nya dzisabhadho dzitharu na gu ganedzisana navo khu mahungu nya Milowo.

Mithumo 17:32

Na va mu pwide na gu ganela khu gu wuga ga vafudego, vambe va di mu hega, vambe, khavo: “Hi na gu yingisa gambe limbe litshigu na wu gu ganela khu mahungu yaya.”

Mithumo 2:37

Na va pwide magana yaya va di garadzega myonyoni gwawe, va wudzisa Pedro ni vambe vapostoli, khavo: “Vandruye, ginani hi fanelago gu gira?”

Mithumo 24:15

Nyi na ni gutumba ga Nungungulu nga avo navo va gu nago nya gukhethu gomo guwuga ga vale va fudego, va nya gululama ni va nya sighoho.

Mithumo 24:26

A di gu hingigedza gu ningwa dzitsapawu khu Pawulo, khu guralo a di mu rana dzinyondro nya dzingi a ta bhula naye.

Mithumo 26:28

Khavbo avbo, mufumeli Agiripa a di embela Pawulo, khuye: “Nugunugu olu, wa guvbweta gu nyi vbindrugedza nyi khala mukristo!”

Mithumo 9:6

ambari ulo khuga u bele dhoropani, va na gu embela esi u fanedego gu gira.”

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

Varoma 14:12

Khu kharato, muthu ni muthu a naya dzi ganelela abune gwa Nungungulu.

Varoma 2:16

Gu na girega kharati litshigu Nungungulu a natago a ta lamula mithumo nya gusihale ya muthu ni muthu khu Jesu Kristo, kha nga edzi yi hi hevbudzago khidzo Ivhangeli nyi mi tivisago.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

2 Vakorinto 5:10

Kholu hatshavbo hi na ema phathani ga Kristo, gasi moyo ni moyo a hakhe fanelo yaye, nya esi a nga si thuma nya sadi ambari nya guvivbe na nga gu vbanya givilini momu.

2 Vakorinto 6:2

Kholu Uye a ngu ganela, khuye: “Nyi gu pwide khu gikhati nya gyadi, nyi gu phaside khu litshigu nya guvbanyiswe.” Khigyo egi gikhati nya gyadi. Khilo eli litshigu nya guvbanyiswe.

Vagalatiya 3:22

Aholu, Milowo nya Guage yari khiyo vathu vatshavbo va gu fumedwa khu tshivba nya gighoho, gasi vathu vatshavbo, khu gukhodwa ga Kristo, va hakhe thomba yi tumbisidwego ga ava va khodwago.

Vagalatiya 5:23

gu dzi rudzisa, gu hunga monyo. Mwalo Nayo wu dzi kodzago gu wugela silo nya nga esi.

2 Thimoti 4:1

Eni nyi ngu gu sambanyisa mbeli ga Nungungulu ni ga Kristo Jesu a na gutago ata lamula va nya guvbanya ni va nya gufa khu gu dzi wonegisa ga Kristo ni mufumo waye. Nyari, kheni:

Tito 1:8

Aholu, gu vbwetega oyu a kodzago gu hakha vapfhumba, a gola esi nya sadi, gu vbwetega muthu nya mapimo a gu ni lisine, a gu mukhodwa, ni ndruda;

Vahebheru 12:21

Esi va nga si wonago si di thisa ngudzu, a nga kala Mosi a ganela, khuye: “Nyi ngu ndrendremela khu hwanga.”

Vahebheru 3:13

Aholu, tiyiselanani khu gyanu, gikhati gyatshavbo, na mu nga gu vbanya ga litshigu li ranwago pwani “Muhuno” li thudwago khu Milowo nya Guage. Girani esi, gasi ni moyo wanu a si sengwi khu gighoho a banga hungo.

Vahebheru 4:1

Gitumbiso nya gubele guhefemulani hi ningwago khu Nungungulu gi nga tiyide kala na muhuno. Khu guralo, dzi woneleni, vandruye, gasi ni moyo wanu a si luzi gu mana wurendra wowo nya gubele guhefemulani momo.

Vahebheru 6:2

sihevbulo si ganelago khu mahungu nya gubhapatiswe; guhandzega mandza vakristo; ni gu tivisa guwuga ga vafudego, ni gulamudwa nya guhegise.

Vahebheru 9:27

Muthu ni muthu emede gufa gumogo basi, khu hwane nya ugo, a lamudwa khu Nungungulu.

Jakobe 2:19

Uwe u ngu khodwa ga Nungungulu moyo basi, gani? U ngu gira gwadi; ambari nayo maphuvbo nya guvivbe ma ngu khodwa, ma ndrendremela.

1 Pedro 3:15

Aholu rungudzani Kristo kha nga Pfhumu myonyoni gwanu, khalani na mu dongide gasi gu ningani phindrulo ni wevbini a na gu mi wudzisago khu mahungu nya gitumbo nya gukhodwe mu gu nago.

2 Pedro 1:6

guti mu gu wonegisa khu gu dzi phara; gu dzi phara mu gu pata ni gutimisela; gutimisela mu gu tadzisa khu githawo ga Nungungulu;

1 Johane 3:10

Ogu khugo guhambana nya lisine nya sanana sa Nungungulu ni sanana sa Sathane. Oyu a si girigo esi nya gululame, ni gumba haladza ndriyaye, khandri gyanana gya Nungungulu.

1 Johane 3:7

Vanavangu, mu nga dzumeli mu sengwa khu muthu! Oyu a girago esi nya lisine lulamide, kha nga nuye Kristo a lulamidego.

1 Samuweli 12:7

Gasi olu, khugani mu eme gasi nyi kodza gulamulana nanu mbeli ga Pfhumu Nungungulu, khu gu mi alakanyisa khu mithumo yatshavbo nya gululame eyi a mi vbulugisidego khiyo avbo gwanu ni ga vababe vanu.