Mithumo 24:24 - Bhibhiliya Nya Guage

²⁴ Khu hwane nya matshigu, a dita Felisi ni mwangadzi waye Dhrurusila a nga bani ari Mujudha. A di ranisa Pawulo gasi gu mupwa na gu ganela khu gukhodwa ga Jesu Kristo.

Mithumo 24:24 Iomraidhean Croise

Marko 6:20

Kholu Herodhi a diri ni githawo ga Johane khu gu muti khuye muthu nya ndruda a agidego, a di mu vhikela. Uye, khu gu mupwa basi na gu ganela a di hambanega mapimo, aholu, a di mu yingisa khu gunengela.

Luka 19:3

A di guvbweta gu wona Jesu, aholu kha nga dzi kodza khu kotani nya vathu, kholu a di rode ngudzu.

Luka 23:8

Herodhi, na wonide Jesu, a di tala khu gutsaka, kholu matshigu nya gulaphe na guvbweta gu mu wona, khu kotani nya ndruma a nga yipwago. A di khuye mwendro a na gira giliwugiso nya gukari mahoni gwaye.

Mithumo 16:31

Va di mu hakha, khavo: “Khodwa ga Pfhumu Jesu u na mana guvbanya uwe gumogo ni ndranga yago.”

Mithumo 20:21

Ga Vajudha ni ga va nya mayigo nyi hevbudzide nyamba kanakana kheni gu vbwetega gu vbindrugedza mavbanyelo, va wuya ga Nungungulu ni gu khodwa ga Jesu, Pfhumu yathu.

Mithumo 24:25

Kha nga ulo a nga ganela ngudzu khu gululama, ni, gu dzi vegisa ni gulamudwa gu natago, Felisi a di tala khu hwanga, a hakha, khuye: “Olu indra. Nya gu guvbweta gambe nyi na gu rana.”

Mithumo 26:22

Aholu, Nungungulu a nyi vhikede kala litshigu la muhuno, nyi emidego avba, mbeli gwanu, nyi ninga wufakazi wangu ga enu mwatshavbo nya vadugwane ni vakhongolo. Esi nyi ganelago khiso si nga tiviswa khu vaprofeti ni Mosi pwani si na dugelela,

Vagalatiya 2:16

Aholu hi ngu dziti gukhethu muthu kha sayedwi gululama khu kota nya mithumo ya Nayo, aholu khu gukhodwa linani ga Kristo Jesu. Ethu ha gu khodwa ga Kristo Jesu hi fela gu lamudwa khu kota nya gukhodwe nasiri khu kota nya gulandrise guruma nya Nayo. Kholu muthu kha na sayedwa gululama khu kota nya gulandrise esi si rumwago khu Nayo.

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

Vagalatiya 3:2

Nya guvbweta basi mu nyi hakhe gilo gimwegyo: Enu mu hakhideni Liphuvbo nya Guage khu kota mu nga landrisa Nayo, mwendro khu kota mu nga hakha gukhodwa, gani?

1 Johane 5:1

Muthu watshavbo a khodwago gukhuye Jesu khuye Kristo, gyanana gya Nungungulu. Muthu watshavbo a haladzago babe a nga velega gyanana, a ngu haladza gambe ni gyanana gya Babe yoyo.

Judha 1:3

Sigodwa sangu, eni nyi di gira tshivba nya gu mi loveleni khu mahungu nya guvbanyiswe hi gu nago gumogo nanu. Nyi di dzipwa gukheni i tshukwana nyi mi lovela olu gasi gu mi tiyiselani litungani mu li dwanago khu kotani nya gukhodwe gu ningidwego sihathwa saye kala gupindruga.

Gutuledwa 14:12

Khigyo egi gikhati nya dzindrena nya gukhodwe; vale va timiselago va vegisa milayo ya Nungungulu ni gukhodwa ga Jesu.