Mithumo 24:16 - Bhibhiliya Nya Guage

¹⁶ Khu kharato, eni neni nyi ngu dzi garadza matshigu yatshavbo gu khala nyiri muthu nya monyo nya gululame mbeli gwa Nungungulu ni ga vathu vatshavbo.

Mithumo 24:16 Iomraidhean Croise

Mithumo 23:1

Pawulo, na khuside maho a khedzisa madhota nya phatha, a di ganela, khuye: “Vandruye, nyi vbanyide khu gu tshulega mahingigedzoni gwangu gwatshavbo mbeli gwa Nungungulu kala litshigu la muhuno.”

Varoma 2:15

Va gu yeyedza khu mavbanyelo yawe gukhavo esi wu rumago nayo si lovidwe myonyoni gwawe. Mavhalo yawe ma ngu va hevbudza ugo gu vbwetegago gu gira, ma gu va thuledza mwendro gu va emela mithumoni gwawe.

Varoma 9:1

Khu lina la Kristo nya gu ganela lisine, kha nyi liphi. Livhalo langu, na li gu wenengedzwa khu Liphuvbo nya Guage, li ngu tiyisa lisine nya esi nyi ganelago.

1 Vakorinto 10:32

Mu nga khali gikhunguvanyiso ga Vajudha, ga va nya mayigo mwendro ndrani nya libandla la Nungungulu.

1 Vakorinto 4:4

Eni kha nyi dzipwi na nyiri ni nandru wa gilo. Ambari ulo, kha nyi dzi woni nga muthu nya ndruda. Pfhumu khuye a nyi lamulago.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

2 Vakorinto 4:2

Aholu hi di nyenya mithumo yatshavbo nya gidema ni dzitshoni; kha ha thumisa wugengeli, gambe kha ha dzuwulugisela mahungu ya Nungungulu. Hi di ganela gikhati gyatshavbo silo nya lisine, khu gudwanela gutumbega ga vathu vatshavbo, mbeli ga Nungungulu.

1 Vatesalonika 2:10

Enu mu dzifakazi, Nungungulu nuye, nya edzi hi khadego khidzo vbakari gwanu, enu vakhodwa. Hi khade khu gululama, ni wuwadi nyamba solega.

1 Thimoti 1:19

Vegisa gukhodwa ni mapimo nya lisine. Vambe va digide gukhodwa nya gwadi, va dzimeledwa khugo.

1 Thimoti 1:5

Aholu, fanelo nya gihevbudzo gyathu, khu gu wusa lihaladzo li dugago khu monyoni wu agidego, khu mapimoni nya yadi, ni gukhodwa nya lisine nyamba pfhadzedzela,

1 Thimoti 3:9

gu vbwetega va vbanye sihalo nya gukhodwe khu mapimo nya lisine.

2 Thimoti 1:3

Nyi ngu bonga Nungungulu, oyu nyi mu thumelago khu mapimo nya lisine, nga edzi va nga girago vakokwe vangu. Gikhati gyatshavbo nyi ngu gu dundruga wutshigu ni mihani milombeloni gwangu.

Tito 1:15

Satshavbo si agide ga ava va agidego. Aholu, gi mwalo gi agidego ga vale nyamba aga, nyamba khodwa, kholu maalakanyo ni mapimo yawe ma tade khu ndzilo.

Vahebheru 10:22

Hi na hidzimele ga Nungungulu khu monyo nya wadi ni gukhodwa nya gutiye, na hi agisidwe satshavbo si hi vivbisago monyo, sivili sathu na si handzidwe khu mati nya yadi.

Vahebheru 13:18

Simamani mu hi lombelela, kholu hi na ni lisine nya gukhethu mapimo yathu ma agide, kholu gikhati gyatshavbo ha gu dwanela gu gira esi nya sadi.

Vahebheru 9:14

A gu bani ari guralo, nga pimisani edzi novba wa Kristo wu gu wukhongolo khidzo! Uye, khu tshivba nya Liphuvbo nya gupindruge, a dzi ningede ga Nungungulu kha nga mhamba yi vbeledego. Novba waye wa gu hi handza khu ndrani, wu dusa mithumo yathu nya gufe. Gasi hi kodza gu thumela Nungungulu a vbanyago.

1 Pedro 2:19

Kholu, mwa gu timisela sigaradzo khu gu dzitini gukhenu khugo guhaladza ga Nungungulu, uye a na mi kategisani.

1 Pedro 3:16

Aholu, girani esi khu monyo nya gurule ni githawo, kha nga vathu va tengidego mapimoni gwawe, gasi mwa gu vadwa, vale va ganelago guvivba khu mavbanyelo yanu nya yadi nya wukristo, va na khala dzitshoni.

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.