Mithumo 23:2 - Bhibhiliya Nya Guage

² Aholu khongolo nya vaphasi nya mhamba, Ananiya, a di ruma ava a nga bani ari navo vbafuvbi gu mu veta.

Mithumo 23:2 Iomraidhean Croise

1 Dzipfhumu 22:24

Khavbo avbo, Zedhekiya, mwamana wa Kanahana, a di vboha vbafuvbi ga Mikeya, a mu veta pama khovbeni, a mu wudzisa, khuye: “Li dugide khu hayi avbo gwangu liphuvbo la Pfhumu Nungungulu wangu, li ta ganela nago?”

2 Dzikoronika 18:23

Khavbo avbo, Zedhekiya, mwamana wa Kanahana, a di hidzimela ga Mikeya aya mu veta gimombo khu pama, a mu embela, khuye: “Liphuvbo la Pfhumu Nungungulu li vbindride khu hayi li ta ganela nago?”

Joba 16:10

Vathu va hamide magana yawe, va nyi wugela, va nyi yuyutela na va gu nyi veta dzipama. Vatshavbo tshanganide gumogo, va nyi wugela.

Jeremiya 20:2

Pasuri a di bayisa muprofeti Jeremiya, ni gu mu hunga khu makhetshe a mu khothela wulangani wu guromo vbafuvbi ni nyangwa nya yikhongolo ya Bhejami, yi guromo Nyumbani ga Pfhumu Nungungulu.

Mikeya 5:1

Olu uwe nyamahegyane nya dzinyimbi, tombanisa mabutho nya dzinyimbi, va hi randrede khu malanga yatshavbo, va bayisa khu lipitso giwombo gya mulamuli wa Israyeli.

Matewu 26:67

Khavbo avbo, va di mu hetshela khovbeni ni gu mu veta mipama. Vambe va di mu veta sibhakela, na va gukhavo:

Johane 18:22

Na ganede esi, moyo nya ndruna a nga bani a romo vbale, a di mu veta khu pama, khuye: “Khidzo kharati u hakhago khidzo khongolo nya vaphasi nya mhamba, gani?”

Johane 18:23

Jesu a di mu hakha, khuye: “Nya gubani nyi hosiside, nyi yeyedze gihoso gyakone; aholu, nya gubani nyi ganede gwadi, khu ginani u nyi vetago?”

Mithumo 24:1

Hwane nya livbandre matshigu, a di relela khongolo nya vaphasi nya mhamba, Ananiya, ni madhota nya gukari gumogo ni moyo nya muemeli nya gupwani khu Teritulo, vaya thela mahungu ya Pawulo ga mwamangulu.