Mithumo 23:19 - Bhibhiliya Nya Guage

¹⁹ Ndruna yi di dzega gikhwathana yi gu hongola nagyo khu phuvbo yi ya gi wudzisa, khiyo: “Ginani u vbwetago gu nyi embela?”

Mithumo 23:19 Iomraidhean Croise

Nehemiya 2:4

Mufumeli a di khuye: “Wa guvbweta gukhuwe olu nyi gu girela ginani?” Khavbo avbo, nyi di lombelela ga Nungungulu wa ndzadzini,

Jeremiya 31:32

Aholu gi na hambana ni gile nyi giridego ni vababe vawe, litshigu nyi va pharidego khu libogo gasi gu va dusa tigoni ga Egipito; aholu avo va digide gidzumeledzwano gyangu, khu guralo, eni nyi di hambana navo; a ngu ganela Pfhumu Nungungulu.

Marko 10:51

Jesu a di mu wudzisa, khuye: “Wa guvbweta gukhuwe nyi gu girela ginani?” Gikhumu gi di hakha, khigyo: “Muhevbudzi, nya guvbweta gukheni nyi wone!”

Marko 8:23

A di dzega gikhumu a gi phara khu libogo, a gu duga naye vbavbandze nya talala. A di mu todza dzindrura mahoni a mu handzega mandza, a mu wudzisa, khuye: “U ngu wona gilogyo, gani?”

Marko 9:27

Aholu, Jesu a di gi phara khu libogo a gi wusa, gikhwathana gi di khuga gi ema.

Johane 18:12

Khavbo avbo, masotshwa ni vathangeli vawe, gumogo ni dzindruna nya Vajudha, va di mola Jesu, va mu hunga.

Mithumo 17:19

Va di mu dzega va gu gwela naye gigomoni gya Areyopagu, khavo: “U ngu dzi kodza gu hi embela sihevbudzo sesi nya siphya u hevbudzago, gani?

Mithumo 23:18

Uye a di mu dzega a hongola naye, aya khuye ga ndruna: “Pawulo a di nyi lomba gukhuye nyi rese avbo gwago gikhwathana gegi, ginani mahungu gu gu embela.”

Mithumo 23:20

Igyo gi di hakha, khigyo: “Vajudha va hungide gikungo nya guvbwete guta gu lomba avo mindru gukhavo u va resele Pawulo phathani, nga khwatshi va guvbweta guta pwisisa gwadi mahungu yaye.