Mithumo 22:7 - Bhibhiliya Nya Guage

⁷ Eni nyi di thega vbavbatshi, nyipwa lito li nyi embela, khilo: ‘Sawule! Khu ginani u nyi tshanisago?’

Mithumo 22:7 Iomraidhean Croise

Genesi 16:8

Ngilozi ya Pfhumu Nungungulu yi di embela Agari, khiyo: “Agari, githumi gya Sarayi, wa guta khu evbi? Wa gu hongola hayi?” Uye a di hakha, khuye: “Nya gu thava mune wangu Sarayi.”

Genesi 22:1

Hwane nya gugirege satshavbo sesi, Nungungulu a di linga Abrahama. A di mu rana, khuye: “Abrahama!” Abrahama a di hakha, khuye: “Nyi womo avba.”

Genesi 22:11

Aholu, ngilozi ya Nungungulu yi di mu rana khu vbatshani Ndzadzini, khiyo: “Abrahama! Abrahama!” Uye a di hakha, khuye: “Nyi womo avba.”

Genesi 3:9

Aholu, Pfhumu Nungungulu a di rana muthu a mu wudzisa, khuye: “U womo hayi?”

Ekisodha 3:4

Avbo Pfhumu Nungungulu a nga wona gukhuye Mosi a ngu hidzimela gasi guta wona gwadi, a di mu rana khu vbakari nya gipopo, khuye: “Mosi! Mosi!” Uye a di hakha, khuye: “Nyi womo avba.”

Jeremiya 2:5

Pfhumu Nungungulu a ngu ganela kharati, khuye: “Gasi guvivba muni va gu wonidego vababe vanu avbo gwangu, gu kala va hambana ni eni, va ya namarela ga sifananiso nyamba phasa gilo, va vbindrugedza va khala maphuphulu?”

Jeremiya 2:9

Khu guralo, nyi nga na gu mi thethisa gumogo ni situgulwana sanu; a ngu ganela Pfhumu Nungungulu.

Matewu 25:45

A na va hakha, khuye: ‘Khu lisine, nyi ngu mi embelani gukheni: Dzinyondro dzatshavbo mu nga bani mu si giri isoso ga moyo nya vandriyangu nya gusolege, kheni mu nga bani mu si nyi theli kota.’

Matewu 27:23

Pilato a di simamisa gu wudzisa, khuye: “Gighoho muni a giridego?” Aholu avo va di gulumela guvbindrisa, khavo: “A na khokhothedwe!”

Mithumo 22:6

“Na nyiri vbakari nya ndzila nya guhongole Dhamasiko, ni vbakari nya mihani, nyiri vbafuvbi nya guvbohe, nyi di wona guwenengedza nya gukhongolo ngudzu, guta khu Ndzadzini, guta nyi fenengedza.

Mithumo 22:8

Eni nyi di wudzisa, kheni: ‘Khuwe mani, Pfhumu?’ Lito li di nyi hakha, khilo: ‘Kheni Jesu wa Nazareta, oyu u mu sanisago!’

Mithumo 9:4

A di thega vbavbatshi a pwa lito na li gukhilo “Sawule, Sawule, khu ginani u nyi sanisago?”

1 Thimoti 1:13

A nyi girede esi, ambari nyi nga bani nyiri muvali, mutshanisi ni muhembululi. Ambari ulo, nyi mane wuhindzi kholu, nyi di gira khu wuhangi, gikhati nyi nga bani nyi si gu hakhi gukhodwa.

1 Samuweli 3:10

Khavbo avbo, Pfhumu Nungungulu a dita vbafuvbi gwaye, a mu rana kha nga idzo a nga mu ranago khidzo ga dzimbe dzinyondro, khuye: “Samuweli! Samuweli!” Samuweli a di hakha, khuye: “Ganela, Pfhumu Nungungulu; githumi gyago gi ngupwa!”