Mithumo 22:6 - Bhibhiliya Nya Guage

⁶ “Na nyiri vbakari nya ndzila nya guhongole Dhamasiko, ni vbakari nya mihani, nyiri vbafuvbi nya guvbohe, nyi di wona guwenengedza nya gukhongolo ngudzu, guta khu Ndzadzini, guta nyi fenengedza.

Mithumo 22:6 Iomraidhean Croise

Genesi 14:15

Abrama a di kabanisa vathu vaye khu mitsawa a randrela valala a va pala ni vbakari nya wutshigu, a gu va tutumisa kala Hobha, nyambade ga Dhamasiko.

Genesi 15:2

Khavbo avbo, Abrama a di hakha, khuye: “Pfhumu Nungungulu wangu, ginani U na nyi ningago, olu nyi nafago nyambana sanana, Eliyezeri, givelegwa gya Dhamasiko khuye a na khalago mune ndranga yangu.”

2 Samuweli 8:6

Dhavhidhe a di vega sikwata nya masotshwa nya gughadhe litigo la Dhamasiko; gasi Vaasiriya, va di khala sithumi ga Dhavhidhe, va mu livba khupo. Khu guralo, Pfhumu Nungungulu, a di ninga Dhavhidhe tshivba nya gupale gwatshavbo umo a nga bani na gu vbindra khumo.

Isaya 24:23

Khu guralo, ngima wu na khala dzitshoni, ni lidambo li na hembuludwa, kholu Pfhumu Nungungulu nya Tshivba Yatshavbo, a na fuma gigomoni gya Siyoni ni dhoropani ga Jerusalema; a na yeyedza wudhumo waye mbeli ga madhota yaye.

Matewu 17:2

A di vbindrugedza giemo mahoni gwawe. Khovbe yaye yi di ngangamela nga lidambo; dzingandzu dzaye dzi di aga kha nga wenengedzo.

Mithumo 22:7

Eni nyi di thega vbavbatshi, nyipwa lito li nyi embela, khilo: ‘Sawule! Khu ginani u nyi tshanisago?’

Mithumo 23:9

Khavbo avbo, li di wuga ligwaha nya likhongolo. Vambe vahevbudzi nya tsawa nya vafarisi va di khuga va gu ganedza khu tshivba, khavo: “Kha hi mani gighoho ga muthu yoyu! Ahati nari liphuvbo, mwendro ngilozi gya Nungungulu gi nga ganelago naye?”

1 Vakorinto 15:8

Khu guhegisa, a di wonega gambe ga eni, nyi gu khwatshi nyi gyanana nya guvelegwe ma si gu eneli matshigu yaye.

Gutuledwa 1:16

Khu nyamudye a di pharide livbandre na dzimbili dzinyeledzi; khu kanani gwaye gu di duga litshari nya gulodzwe eno ni eno. Khovbe yaye yi di fanana ni lidambo nya gungangamele khu tshivba yaye yatshavbo.