Mithumo 22:21 - Bhibhiliya Nya Guage

²¹ Uye a di nyi embela, khuye: ‘Indra, kholu nya guvbweta gu gu rumela hwindzo, ga va nya mayigo.’ ”

Mithumo 22:21 Iomraidhean Croise

Mithumo 13:2

Vari vbakari nya nombelo wa Pfhumu ni guhala, Liphuvbo nya Guage li di ganela, khilo: “Nyi kaseleni Bharinabha ni Sawule gasi va phara thumo nyi va ranedego uwo.”

Mithumo 18:6

Na wone gu bomba gwawe ni gupwa magana nya guvale, a di khuga a phuphutha dzingandzu dzaye a va embela, khuye: “Novba wanu wu na vbalagele mihungoni gwanu, eni kha mu nyi woni, nyi agide, gukhugela muhuno nyi na hongola ga va nya mayigo.”

Mithumo 9:15

Aholu, Pfhumu a di mu embela, khuye: “Indra, kholu muthu yoyo nyi mu hathide gasi a vbohisa Lina langu ga mayigo, ga vafumeli ni ga sanana sa Israyeli.

Varoma 1:5

Khu uye, hi hakhide wuhigo nya gukhale Vapostoli, gasi hi wuyisa vathu nya mahundzu yatshavbo va khodwa ga Nungungulu va dhumisa lina laye.

Varoma 11:13

Olu nya gu ganela gwanu enu mu si gu Vajudha. Eni nyi mupostoli ga va nya mayigo, gambe nyi ngu dzipwa matshandza khu kota nya thumo wangu.

Varoma 15:16

nya guthumele Jesu Kristo ga va nya mayigo. Kha nga muphasi nya mhamba, thumo wangu khu gu tivisa Mahungu nya Yadi ya Nungungulu gasi va nya mayigo va ningedwe ga Pfhumu kha nga mhamba nya gutsakise Uye, yi agisidwego khu Liphuvbo nya Guage.

Varoma 16:26

olu wu wonegisidwe khu Milowo ya vaprofeti khu guruma ga Nungungulu nya gupindruge. Mayigo yatshavbo ma tuledwe gu wuti sihalo wowu gasi ma hakhe gukhodwa.

Vaefeso 3:3

A dzinide gu nyi tulela guti sihalo nya gikungo gyaye. Nyi ngari gu mi lovela khu magana madugwana nyi ganela khu mahungu yaya.

1 Thimoti 2:7

Khiso nyi nga emisedwa ga iso, gu khala muganeli ni mupostoli, ni muhevbudzi, gasi gu hevbudza va nya mayigo gukhodwa ni lisine. Nya gu ganela lisine, kha nyi ganeli malipha.

2 Thimoti 1:11

Khayo nyi nga emisedwa ayo gu khala muganeli ni mupostoli ni muhevbudzi.