Mithumo 21:9 - Bhibhiliya Nya Guage

⁹ Adiri ni sanana sina nya vanyamahegyane si nga bani si gu hevbudza niso Mahungu ya Nungungulu.

Mithumo 21:9 Iomraidhean Croise

2 Dzipfhumu 22:14

Khavbo avbo, muphasi nya mhamba Hilikiya, ni Ayikamo, Akibhori, Safani ni Asaya, va diya ga muprofeti nya nyamayi Hulidha, mwangadzi wa Salumi, mwamana wa Tikivha, mwamana wa Harasi, musayisi nya dzingandzu; a di vbahide Jerusalema; khu gipandre nya wuvili nya lidhoropa, va ya ganela naye.

Nehemiya 6:14

Khu guralo, nyi di lombelela, kheni: Nungungulu wangu, alakanya esi Tobhiya ni Sambalati, va girago avbo gwangu, u nga divali gu va bweledzela mayelano khu mithumo yawe, ni muprofeti nya nyamayi Nowadhiya gumogo ni vatshavbo vaprofeti avo va nga zama gu nyi thusedzela.

Ekisodha 15:20

Khavbo avbo, Miriyamu, nyamayi nya muprofeti, ndruye wa Aroni, a di phara tandrandra mandzani, vanyamayi vatshavbo va di duga vbavbandze ni mitandrandra yawe, va hana.

Ezekiyeli 13:17

Gasi olu, uwe mwamana wa muthu, thendregedza u khedza vanyamahegyane va vathu vago va profetago iso va si pimisago khu myonyoni gwawe. Profeta gwawe, u va embela, khuwe:

Joyele 2:28

Khu hwane nya isoso, Eni nyi na guhula Liphuvbo langu vbatshani ga vathu vatshavbo. Sanana sanu nya sikhwathana niso nya sagadzyana si na profeta, sikhosane sanu si na lora dzindroro, madzaha yanu ma na wona siwoniso.

Luka 2:36

Gi diromo nigyo gikhosane gimwegyo nya nyamayi gi nga bani giri muprofeti, nya gupwani khu Ana, gyanana gya Fanuweli, nya lihundzu la Aseri.

Mithumo 13:1

Umo nya libandla nya vakhodwa va Antiyokiya, va diromo vaprofeti ni vahevbudzi: Bharinabha ni Simoni a nga bani a gu ranwa pwani Nigeri, ni Lusiyu wa Sirene, ni Manaheme a nga dandra gumogo ni mufumeli Herodhi, ni Sawule.

Mithumo 2:17

‘Si na dugelela matshiguni nya guhegise, khu Pfhumu a ganelago, nyi na tshisa Liphuvbo langu vbatshani nya vathu vatshavbo, sanana sanu nya sikhwathana niso nya sagadzyana si profeta madzaha yanu ma na wona siwonegiso ni sikhosane sanu si na lora dzindroro.

1 Vakorinto 7:38

Khu kharato, Oyu a dzegago nyamahegyane a ngu gira gwadi; gasi oyu a si dzegigo a ngu gira gwadi ngudzu guvbindrisa.

Gutuledwa 2:20

Aholu, u na ni nandru kholu u digago Jezabheli, nyamayi a dzi girago muprofeti, a ndreyisa sithumi sangu, a si hevbudza gu gira wuphuphulu, ni gu hodza nyama nya guphasedwe vanungungulu nya malipha.

Valamuli 4:4

Khu gikhati gyogyo, Dhebhora, nyamayi nya muprofeti, ngadza Lapidoti, a di lamulela va na Israyeli.