Mithumo 21:40 - Bhibhiliya Nya Guage

⁴⁰ Na dzumedzisidwe, Pawulo a di ema khu vbamwanyatunu, a khusedza mandza a lomba gurula. Na va degude vatshavbo, a di ganela khu Gihebheru, khuye:

Mithumo 21:40 Iomraidhean Croise

2 Dzipfhumu 9:13

Khavbo avbo, va di dzegela gu; muthu ni muthu a dusa mwendra waye a wu ladza vbavbatshi nya migondro yaye gasi gu gira sigandro, va womba pundru va huwelela, khavo: “Jewu a ngu fuma!”

Luka 23:38

Khu vbatshani gwaye gu di lovidwe milowo khu gigereki ni Gihebheru, pwani: “OYU KHU MUFUMELI WA VAJUDHA.”

Johane 19:13

Na pwide magana yaya, Pilato a di dusa Jesu vbavbandze; gasi uye a di tshala nyumbani, a gu khala vbawulangatunu wu ranwago khu Gihebheru pwani “Gabata,” gutshamusago pwani giwindri.

Johane 19:17

A di duga na va mu rwegide gihambano magatani, a hongola vbawulangatunu wu ranwago khu Gihebheru, pwani: “Goligota,” gutshamusago, pwani “Girwarwatunu.”

Johane 19:20

Vajudha nya vangi va di hevbula milowo yile, kholu avbo a nga khokhothedwago avbo Jesu gu diri vbafuvbi ni dhoropani. Gitiviso gile gi di lovidwe khu Gihebheru, Gigereki ni Gilati.

Johane 5:2

Jerusalema, vbafuvbi ni mwanya nya dzinvuta li diromo lidhamo, li nga bani li ranwa khu Gihebheru pwani Bhetesadha; li diri ni livbandre myanya.

Mithumo 1:19

Silo sesi si di tidwa khu vathu vatshavbo va Jerusalema, khu kharato, gipeto gile va di gi rana khu limi lawe khavo Akelidhama, gu tshamusago gupwani lithembwe nya novba.

Mithumo 12:17

Aholu, Pedro a di khusedza mandza a va degudza a va embeledzela edzi Pfhumu a nga mu vbulugisa idzo pasoni. A di engedza a va embela, khuye: “Tivisani silo sesi ga Jakobe ni ga vandruye.” Khavbo avbo, a di duga a gu phara ndzila a hongola wumbe wulanga.

Mithumo 13:16

Khavbo avbo, Pawulo, na khugide a ema, a di khusedza mandza a va embela, khuye: “Madhota ya na Israyeli ni enu mu gu ni githawo ga Nungungulu, yingisani:

Mithumo 19:33

Vajudha va di embeledzela Alexandre mahungu a nga vbweta gu ganela, va mu gurumedza gu ema vbakari nya tshangano. Alexandre a di khusedza mandza a lomba gurula gasi afela gu ganela.

Mithumo 21:35

Na va vbohide vbamwanyatunu, masotshwa ma di khusa Pawulo ma mu vbagara khu kotani nya pfilupfilu nya vathu,

Mithumo 22:2

Na va pwide gukhavo a gu ganela khu Gihebheru, vatshavbo va di degula, va mu yingisa khu githawo. Uye a di engedza, khuye:

Mithumo 26:14

Hatshavbo hi di thega vbavbatshi. Khavbo avbo, eni nyi dipwa lito na li nyi rana khu Giharami, khilo: ‘Sawule, Sawule! Khu ginani u nyi sanisago? Kanu wago khandri wa gilo.’

Mithumo 6:1

Khu matshigu yale, tengo nya vathu va nga dzumela gu khodwa, wu di gu engedzelana litshigu ni litshigu. Gu di manega gisolo tsawani nya Vagreki va gu phela gu wugela tsawa nya Vahebheru. Kholu sifurugadzi nya tsawa nya Vagreki si di gu divadwa gikhatini nya gukabaniswe silo nya siphasedzelo.

Gutuledwa 16:16

Maphuvbo ya mararu ma di tshanganisa vafumeli wulangani wu ranwago khu Gihebheru pwani “Harimagedoni.”

Gutuledwa 9:11

Mbasa yatshavbo yi di gu thangedwa khu pfhumu mweyo a gu ngilozi ya phalani. Khu Gihebheru ya gu ranwa “Abhadhoni” khu Gigereki “Apollion” gu tshamusago gupwani “Mumbembisi.”